Génesis 47:22 - Qullan Arunaka DC

²² Ukampisa, Joseax janiw sacerdotenakan uraqinakap alkänti, uka sacerdotenakasti janiw uraqinakap aljarasipkänti, faraonaw jupanakarux manq'añ churäna.

Aymar Bibliia 1986

²² Sacerdotenacan orakenacapacwa Joseajj jan alcänti, faraonajj jupanacar mä juc'a trigo churascatap laycu, uqhamatwa jupanacajj jan orakenacapjja aljarasipcänti, faraonajj cuntejj churcän uca mank'asipcatap laycu.

Qullan Arunaca

²² Sacerdotenacan orakenacapacwa Joseajj jan alcänti, faraonajj jupanacar mä juc'a trigo churascatap laycu, uqhamatwa jupanacajj jan orakenacapjja aljarasipcänti, faraonajj cuntejj churcän uca mank'asipcatap laycu.

Génesis 47:22 Jak'a apnaqawi uñst'ayäwi

Génesis 14:18

Salem markankir Melquisedec reyisti, khititix alaxpachankir Diosan sacerdotepäki ukax t'ant'ampi, vinompi apsunirakïna,

Génesis 41:45

Faraonasti Josearux egipcio sutimpiw sutichxäna, Safenat-panéah sasa, ukatsti Potifera jaqin Asenat phuchhapampiw jaqichxäna, Potiferasti On markan sacerdotepänwa. Ukhamaw Joseax Egipto marka apnaqirit utt'ayat uñjasïna.

Génesis 41:50

Uka mach'a maranak janïra purinkipansti, Joseampi Asenat warmipampix pä wawanïpxänwa.

Génesis 47:21

ukatsti taqiniw Egipto uraqinxa, faraonan t'aqhisiyat luqtiripäpxäna.

Génesis 47:23

Ukxarusti Joseax egipcionakar sarakïnwa: —Jichhax uraqinakam yapuchañatakix akax jathaxa; ukampis amtasipxapunim, jumanakasa, uraqinakamasa faraonankatapa, nayax jupatakiw alta,

Génesis 47:26

Joseax ukham mä kamachi utt'ayäna taqi Egipto markan achunak apthapitanakat chikatan chikatap faraonar churañataki; uka kamachisti jichhakamaw utjaski, sacerdotenakan uraqinakapakiw jan faraonankkänti.

2 Samuel 8:18

Joiadá jaqin Benaías yuqapasti cereteo jaqinakaru, peleteo jaqinakar sarayirïnwa. David reyin yuqanakapasti sacerdotenakänwa.

Esdras 7:24

Yatipxañamarakiwa, janiw wakiskiti kuna impuestonaka, churäwinak mayipxañamasa taqi sacerdotenakaru, levitanakaru, q'uchurinakaru, punku uñjirinakaru, templon yanapirinakarusa.

Nehemías 13:10

Ukatsti kuntix levitanakaru churañax wakt'ki ukanak jan churapxatap yatirakta, ukat levitanakasa, yupaychäwin q'uchuyiritaki uskutäki uka q'uchurinakasa uraqiparkam sarxapxatapa.

Mateo 10:10

manq'añsa, jan apapxamti. Isthapitäpkta ukat yaqha isimp jan apapxamti, janirak yaqha wiskhu, yaqha thujru apapxamti, irnaqirin manq'añ katuqañapasti wakisiwa.

1 Corintios 9:13

Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.

Gálatas 6:6

Tatitun arunakap katuqirix, yatichiripar askinak katuqatapat churañapawa.

Deuteronomio 12:19

Uka uraqin jakkasasti janipuniw levitanakarux apanukupxätati.

2 Tesalonicenses 3:10

Kunapachatix jumanakampïpkäyät ukkhaxa, aka yatichäw churapxsma: “Khititix jan irnaqañ munki ukax janirak manq'kpati” sasa.

1 Timoteo 5:17

Iglesia sum apnaqki uka jilïrinakax suman uñjatäñapawa, khitinakatix Diosan arunakap parlapki, yatichapki ukanakax, juk'amp suman uñjatäñapawa.