Génesis 47:15 - Qullan Arunaka DC

¹⁵ Kunapachatix qullqix Egiptonsa, Canaán uraqinsa jan utjkxän ukkhasti, egipcionakax Josear jikxatiriw sarapxäna, akham sapxarakïna: —Janiw qullqinïkxapkti. Jumay manq'añ churapxita, jan ukasti jank'akiw jiwxapxä —sasa.

Aymar Bibliia 1986

¹⁵ Cunapachatejj kollkejj Egiptonsa, Canaán orakensa jan utjcjjän ucqhasti, egipcionacajj Josear jicjjatiriw sarapjjäna, sapjjaraquïnwa: —¡Jumay mank'añjja churapjjeta! Janiw waquisquiti juman uqhama nanacan mank'atjam jiwarasquir uñch'uquiñamajja, jan kollkenïpjjatajj laycuqui —sasa.

Qullan Arunaca

¹⁵ Cunapachatejj kollkejj Egiptonsa, Canaán orakensa jan utjcjjän ucqhasti, egipcionacajj Josear jicjjatiriw sarapjjäna, sapjjaraquïnwa: —¡Jumay mank'añjja churapjjeta! Janiw waquisquiti juman uqhama nanacan mank'atjam jiwarasquir uñch'uquiñamajja, jan kollkenïpjjatajj laycuqui —sasa.

Génesis 47:15 Jak'a apnaqawi uñst'ayäwi

Génesis 41:36

Ukhamat uka trigox taqi markpachatak imatäskani, jaqix uka paqallqu mach'a maranakan manq'atjam jan jiwaraskañapataki, kuna mach'a maranakatix Egiptor jutkani ukapacha —sasa.

Génesis 47:16

Joseasti ukxaruw säna: —Qullqinakamatix pist'xchi ukaxa, uywanakam apanipxam, uka lantsti trigo churapxäma —sasa.

Génesis 47:24

ukampis faraonarux yapu achunakamat chikatan chikatap churapxäta; ukxarüki uka chikatanakasti jathatakïniwa, ukatsti jumanakana, wawanakamana, khitinakatix jumanakampïki ukanakan manq'añapatakïniwa —sasa.

Salmos 37:3

Tatitur taqi chuymamp alkatasax ask luram, aka uraqin utjasim, chiqaparak sayt'am.

Isaías 33:16

ukakiw chiqpachansa taqi kunat imat jakani, qarqat lurat mä suma utan samart'ani, manq'añapas jan tukuskirïniwa, umas janirakiw jupatak pist'kaniti.

Mateo 6:11

Sapüruy manq'añ churanipxita.

Jueces 8:5

Sucot chiqar purisinsti, Gedeonax ukan jakirinakarux akham sasaw achikt'asïna: —Mä juk'a manq'ay nayamp chika jutapki uka soldadonakaru waxt'arapipxita, jupanakax wali qaritäpxiwa. Nanakax Zébah, Salmuná sat madianitanakan reyinakaparuw arktasipkta —sasa.

Jueces 8:8

Ukawjatsti Penuel chiqaruw sarxäna, ukawjan jakirinakarusti, Sucot chiqan maykän uka pachparak mayïna. Jupanakasti kunjämtix Sucot chiqankirinakax sapkäna uka kipkakirak sapxäna.

1 Samuel 21:3

3 (4) Manq'at walpun awtjitu, mä phisqa t'ant'aksay waxt'ita, jan ukax kuna manq'añakïpasaya —sasa.

1 Samuel 25:8

Ukanakatsti uywatanakamaruw jiskt'asma, jupanakaw uk qhanañchapxiristam. Jichhasti, jumax aka waynanakaru sum uñjañamatakiw achikt'assma, ukatsti jupanakarusa, nayarusa, kunatix utjktam ukanak churapxita, nayax juman wawamjamarakïtwa” sasa.