Génesis 47:11 - Qullan Arunaka DC

¹¹ Joseasti faraonan arsutaparjamaw phuqhäna, ukatsti awkipampiru, jilanakapampirux wali suma uraqinak Egipto uraqinkirit churäna. Jupanakasti Gosen chiqan utjnuqtapxäna, uka chiqasti jaya qhipatxa Ramsés sutimpi uñt'atäxänwa.

Aymar Bibliia 1986

¹¹ Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

Qullan Arunaca

¹¹ Joseasti jilanacaparojj Egipto marcan cawquïritejj wali suma orakëqui ucwa churäna, cunjämtejj faraonajj siscatayna uqhama. Uqhamaw jilanacapampi, awquipampejj Ramsés token orakenïjjapjjäna.

Génesis 47:11 Jak'a apnaqawi uñst'ayäwi

Génesis 46:34

ukapachasti jumanakax sapxätawa: “Nanakax nayra awkinakaxatpach oveja awatirïpxtwa” sasa. Ukhamat jumanakax Gosen uraqin jakasipxäta, egipcionakatakisti oveja awatirinakampi jak'a pura jakañax janiw walïkiti —sasa.

Génesis 47:27

Ukatsti israelitanakax Egipto uraqin utjnuqtapxäna, Gosen uksa chiqana, ukansti uraqinak alasipxäna, sum jakapxarakïna, jupanakasti waljanipuniw mirantxapxäna.

Génesis 47:6

Egipto uraqix jumar katuyatawa, Gosen uraqi jupanakar churam, ukan jupanakax jakasipxañapataki, ukasti taqi aka markpachanxa wali suma uraqiwa. Jupanak taypintix ch'ikhi jaqinak utjatap yatsta ukasti, uywanakax uñjirit usküta —sasa.

Éxodo 1:11

Ukat egipcionakax lurayir jaqinak uchapxäna israelitanakar wali ch'ama irnaqañanak lurayañataki. Jupanakarusti Pitón, Ramsés sat markanak lurayapxäna. Egiptonkir faraón reyix uka markanakaruw juyranakap imayäna.

Éxodo 12:37

Israelitanakax kayukiw Ramsés sat markata, Sucot sat markakam sarapxäna. Jupanakasti niya suxta patak waranqa chachanakänwa, warminakampiru, wawanakampir jan jakhusa.

Isaías 22:24

Jupatxa taqi wila masinakapaw jach'a jach'a tukupxani, yanapapsa katuqapxarakiniwa.

Números 33:3

Israelitanakax nayrïr phaxsina, tunka phisqan uru saraqataruw Ramsés uraqit mistunipxäna, Pascua uruyäwit qhipüru. Jupanakax wali ch'amaniw mistunipxäna, taqpach egipcio jaqinakan uñjkata.

Juan 10:10

“Lunthatax lunthatsuñataki, jiwayañataki, tukjañatakiw juti; ukampis nayax jakañanïpxañamatakiw jutta, jilarkir jakañanïpxañamataki.

Juan 10:28

Nayax wiñay jakañ churta, janiw kunapachas jiwapkaniti, janirakiw khitis amparaxat apaqkitaniti.

Juan 14:2

Awkixan utapan walja utjäwinakaw utji, jan ukhamäkaspa ukasti, nayax janiw jumanakar sapkiriskasamänti, “mä uta jumanakatak wakichiriw saraskta” sasa.

Juan 14:23

Jesusasti sarakïnwa: —Khititix munaskitu ukax, arsutaxaruw phuqhi; Awkixasti juparux munasiniwa, Awkixampi nayampix jupamp jakiriw jutapxä.

Juan 17:2

Jumaw Yuqamarux taqi jaqinakxar munañanïñ churtaxa, jupar arkirinak churkta ukanakar wiñay jakañ churañataki.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.