Génesis 46:6 - Qullan Arunaka DC

⁶ Jacobumpi, wila masinakapampix Egiptoruw sarxapxäna, ukatsti taqi ovejanakapa, vacanakapa apasxapxäna, ukhamarak taqi kuntix Canaán uraqin jikxatapkatayna ukanaka.

Aymar Bibliia 1986

⁶ Jacobompi, take familianacapampisti Egiptoruw sarjjapjjäna, uqhamaraquiw take ovejanacapsa, vacanacapsa, uqhamarac take cuntejj Canaán oraken jicjjatapcatayna ucanacwa apasjjapjjäna.

Qullan Arunaca

⁶ Jacobompi, take familianacapampisti Egiptoruw sarjjapjjäna, uqhamaraquiw take ovejanacapsa, vacanacapsa, uqhamarac take cuntejj Canaán oraken jicjjatapcatayna ucanacwa apasjjapjjäna.

Génesis 46:6 Jak'a apnaqawi uñst'ayäwi

Génesis 15:13

Tatitusti ukapachax sarakïnwa: —Jichhax yatiñamaw wakisi, wawanakamax yaqha markan jakapxani, ukansti irnaqañampi t'aqhisiyatäpxaniwa, pusi patak maraw ukan t'aqhisiyatäpxani.

Génesis 46:7

Yuqanakapasa, phuchhanakapasa, allchhinakapasa, taqiniw jupamp chika sarxapxäna.

Salmos 105:23

Jacob sat Israelax Egipto markaruw mantäna, Cam uraqin jakäna.

Isaías 52:4

Qalltanxa markaxax Egiptoruw saräna, ukan jayat jutir jaqjama jakarakïna; ukatsti Asiria markarakiw ina ch'usat t'aqhisiyäna.

Números 20:15

Nanakan nayra awkinakaxax Egiptoruw jakir sarxapxäna, ukatsti walja maranakaw ukan jakapxäna, ukampis egipcionakax nanakar jan wal uñjapxitu, nayra awkinakaxarjamaw uñjapxarakitu;

Hechos 7:15

Ukhamat Jacobux Egipto markar jakir sarxäna; uka uraqin jupax jiwxarakïna, nayra awkinakasas uka uraqin jiwarxapxarakïna.

Deuteronomio 10:22

Nayra awkinakamax paqallq tunkanikiw Egipto markar puripxäna, ukampis jichhax Tatit Diosamax alaxpach warawaranakjam waljaniruw tukuyapxtam.

Deuteronomio 26:5

jumasti aka arunak Diosam nayraqatan qhanañchäta: ‘Nayra awkinakaxax arameo muyuyku jaqinakänwa, juk'anikirakïnwa. Egipto markar jakiriw jupanakax sarxapxatayna, ukansti mä jach'a markaw tukupxatayna, wali ch'amani, waljani tukuñkama.

Josué 24:4

Isaacarusti pani wawanak churta, Jacob, Esaú sutini. Esaú wawaparusti Seír qullu uraqinak churta, ukampis Jacobumpi wawanakapampix Egipto markaruw sarxapxäna.

1 Samuel 12:8

Kunapachatix Jacobumpi, wawanakapampix Egipto markar sarapkän ukkhaxa, egipcionkirinakasti jupanakarux t'aqhisiyapxänwa, jumanakan nayra awkinakamasti Tatituruw arnaqasipxäna, Tatitusti Moisesampiru, Aaronampiruw khithanïna, jupanakaw nayra awkinakamarux Egiptot irpsunïna, ukatsti jupanakarux aka uraqiruw utjnuqtayäna.