Génesis 46:1 - Qullan Arunaka DC

¹ Josean Israel sat awkipax Canaán markat taqi kunatix jupan utjkäna ukanak apt'ataw sarxäna. Beerseba chiqar purisinsti Isaac awkipan Diosaparuw mä wilañcha luqtäna.

Aymar Bibliia 1986

¹ Israelasti take cunatejj jupan utjcän ucanacampiw sarjjarunjje. Beerseba chekar purinisasti Isaac awquipan Diosaparuw mä sacrificio loktäna.

Qullan Arunaca

¹ Israelasti take cunatejj jupan utjcän ucanacampiw sarjjarunjje. Beerseba chekar purinisasti Isaac awquipan Diosaparuw mä sacrificio loktäna.

Génesis 46:1 Jak'a apnaqawi uñst'ayäwi

Génesis 12:8

Ukatsti Betel markat inti jalsu tuqiruw sarxäna, kawksantix qullunakax utjkän uksaru, uka chiqan chhujllanakap sayt'ayäna. Betel markat inti jalanta tuqiru, Ai markat inti jalsu tuqiru. Uka chiqansti Abram chachax yaqha altar lurt'äna, ukansti Tatituruw art'asirakïna.

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 21:31

Ukat uka chiqax Beerseba sutimpi uchata, uka chiqan panpachani juramento lurapxatapata.

Génesis 21:33

Beerseba chiqansti Abrahamax mä tamarisco quqa ayruntäna, ukatsti wiñay jakir Tatit Diosaruw art'asirakïna.

Génesis 22:13

Abrahamasti uñatatasisinxa, mä urqu oveja uñjäna alinak taypin waxranakat achuntatäskiri; ukat uka oveja aptir sartawayäna, ukatsti uka oveja Tatitur nakt'at wilañcha wawap lanti luqtäna.

Génesis 28:10

Jacobux Beerseba chiqat mistuwayasin Harán chiqar sarkis uka thakhinjam sarxäna.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 31:42

Janitix Abrahaman Diosapaxa, Isaac awkixax yupaychkäna uka Tatitux nayampïkasapäna ukaxa, jumax jan kunani ukhampachaki khithanukutasamänxa. Ukampis Tatitux t'aqhisitaxsa, irnaqataxsa uñjiwa, ukat wasayp'ux jumar tuqinuqtamxa —sasa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Génesis 33:20

Ukatsti Jacobux mä altar luräna, ukarusti “Israelan Diosapa” sasaw sutichäna.

Génesis 35:3

Jank'ak Betel uraqir sarxañäni, ukan nayax mä altar sayt'ayä, kawkïr Diosatix nayaru llakisiñaxan jikxataskasin yanapt'kitäna, ukhamarak kawkirutix sarkta ukan nayamp chikäskäna uka Diosar yupaychasa.

Génesis 35:7

Uka chiqan Jacobux mä altar sayt'ayäna, uka chiqarusti “Tatitun Utapa” sasaw sutichäna, kunapachatix jupax jilapat jaltkäna ukapacha, uka chiqan Tatitux jupar uñstatapata.

Génesis 4:4

Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

Génesis 45:28

Ukat sarakïna: “¡Walikiw nayatakix José wawaxan jakaskatap yatiñaxa, ukhamax janïra jiwkasin jupar uñjir sarä!” sasa.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Job 42:8

Jichhasti paqallqu urqu vacampi, paqallqu urqu ovejampi katupxam, ukatsti Job luqtirixan ukaru sarapxam, ukatsti nakt'ata wilañcha jumanakataki luqtapxarakim. Job luqtirixaw jumanakatak mayini, nayasti jupan mayitapxa ist'arakïwa, janiw kuna ñanqhsa jumanakarux lurapkämati, jumanakar mutuyañas wakiskchi ukasa, nayxat jan chiqapar qhanañchapxatam layku, kunjämtix Job luqtirixax qhanañchki ukhama” sasa.

Amós 7:9

Isaacan utjir yaqha diosanakapar yupaychañ altaranakapas tukjatäniwa, Israel markan yupaychañ utanakapas laqayar tukuyatarakïniwa. ¡Nayasti Jeroboaman utapar tukjañatakiw sartä!

Hechos 7:15

Ukhamat Jacobux Egipto markar jakir sarxäna; uka uraqin jupax jiwxarakïna, nayra awkinakasas uka uraqin jiwarxapxarakïna.

Josué 24:4

Isaacarusti pani wawanak churta, Jacob, Esaú sutini. Esaú wawaparusti Seír qullu uraqinak churta, ukampis Jacobumpi wawanakapampix Egipto markaruw sarxapxäna.

1 Samuel 3:20

Taqpach Israel markaw yatïna, Dan sat chiqata Beerseba chiqakama, Samuelux chiqpachansa Tatitun profetapätapa.

1 Samuel 8:2

Jilïri yuqapasti Joel satänwa, sullkïristi Abías sataraki, jupanakasti Beerseba markan apnaqapxäna.