Génesis 45:6 - Qullan Arunaka DC

⁶ Mach'an qalltatapax pä maräxiwa, ukatsti phisqa marampïskaniwa, uka maranakansti janipuniw kuna juyra apthapiñas utjkaniti, yapuchatäskchini ukasa.

Aymar Bibliia 1986

⁶ Pä maraw pasjje mach'an kalltatapajja, ucampisa pheska marampiw faltasqui, uca maranacansti janipuniw cuna casta cosechas utjcaniti yapuchatäscchini ucasa.

Qullan Arunaca

⁶ Pä maraw pasjje mach'an kalltatapajja, ucampisa pheska marampiw faltasqui, uca maranacansti janipuniw cuna casta cosechas utjcaniti yapuchatäscchini ucasa.

Génesis 45:6 Jak'a apnaqawi uñst'ayäwi

Génesis 37:2

Akaw Jacobun wila masipan sarnaqäwipaxa. Joseax tunka paqallqun maranïskän ukkhaxa, jilanakapamp chikaw ovejanak awatirïna, uka jilanakapasti Bilhá, Zilpá warminakan wawanakapänwa, uka warminakasti awkipan uñt'atanakapänwa. Joseasti kuna jan walinaktix jilanakapax lurapxirïkän ukanak awkiparux yatiyapunirïnwa.

Génesis 41:35

Uka suma maranakansti trigo apthapitanakatxa sumpun imapxpan; ukhamarak markanakansa imapxpan, jaqinakar manq'ayañataki.

Génesis 41:46

Joseasti kimsa tunka maranïnwa, kunapachatix Egiptonkir faraón reyin nayraqataparu irpapkän ukkhaxa. Joseasti faraonan ukat mistuwayxasaxa, taqi Egipto uraqpach sarañ qalltäna.

Génesis 41:53

Uka paqallqu suma maranakasti Egipto markanxa tukusxänwa,

Génesis 41:54

ukatsti paqallqu mach'a maranakaw sartarakïna, kunjämtix Joseax siskatayna ukhama. Taqi markanakan manq'at t'aqhisiñax utjäna, Egipto markanak jan utjkänti, uka markansti manq'añax utjaskänwa.

Génesis 41:56

Kunapachatix manq'at t'aqhisiñax taqi markpachan utjxäna ukkhasti, Joseax imaykäna uka trigo pirwanak jist'arayäna, ukat egipcio jaqinakar aljarakïna, manq'at awtjayasiñasti juk'amp ch'amampiw sartäna.

Génesis 47:18

Uka mara qhipatsti wasitat Josean ukar sarxapxarakïna, akham sasa: —Tata, janiw jumarux k'arintapkirismati, janiw qullqix utjkxapxituti sasaxa, ukhamarus uywanakaxas jumankxarakiwa. Janiw kunas churañatakix utjkxapxituti, inas jumar uraqinakaxampi, nanak pachpampi churxapxirisma.

Génesis 47:23

Ukxarusti Joseax egipcionakar sarakïnwa: —Jichhax uraqinakam yapuchañatakix akax jathaxa; ukampis amtasipxapunim, jumanakasa, uraqinakamasa faraonankatapa, nayax jupatakiw alta,

Éxodo 34:21

“Suxta uruw irnaqapxäta, paqallqüri urusti samarapxätawa, satañ urunakansa, yapu apthapiñ pachanakansa.

Isaías 30:24

Kawkïr vacanakamatixa, asnonakamas uka yapunakan irnaqapki ukanakax suma chhuxllanak manq'asipxarakini.

Deuteronomio 21:4

Ukatsti uka vaca qallxa mä qhirwaruw apapxani, kawkhantix kuna yapus jan luratäki, kunas jan satatäki, uma jalaskir jawiras jan wañskaraki ukaru, ukan uka vaca qallun kunkap q'iwinukupxani.

1 Samuel 8:12

Mayninakarusti waranqa, ukhamarak phisqa tunka soldadonakan jilïrïñapatakiw uchani. Yaqhipanakarusti yapunak yapuchiritaki, yapunakat apthapiritaki, nuwasiñ carronakan yänakap lurañatakiw ucharakini.