Génesis 45:16 - Qullan Arunaka DC

¹⁶ Faraonan jach'a utapansti Josean jilanakapan purinitapaw yatisïna, faraonasti jilïr jaqinakapamp chikaw wal kusisïna.

Aymar Bibliia 1986

¹⁶ Faraonan palaciopansti yatisiraquïnwa, Josean jilanacapan purinitanacapajja, faraonas jilïri jakenacapasa wali cusisipjjaraquïna.

Qullan Arunaca

¹⁶ Faraonan palaciopansti yatisiraquïnwa, Josean jilanacapan purinitanacapajja, faraonas jilïri jakenacapasa wali cusisipjjaraquïna.

Génesis 45:16 Jak'a apnaqawi uñst'ayäwi

Génesis 16:6

Abramasti warmiparux sarakïnwa: —Akaxay uywatamax amparamankiwa, kuntix munta uk jupampix luraskakim —sasa. Sarai warmisti uywataparux sinti jan walpun uñjxäna, ukat Agar warmix sarxäna.

Génesis 20:15

Abrahamarusti sarakïnwa: —Uñjam akaw markaxaxa, kawkhantix jakasiñ munkta uka chiq ajllisim —sasa.

Génesis 34:18

Jamor jaqimpi Siquem yuqapampisti Jacobun yuqanakapan mayitaparux “Walikiw” sapxänwa.

Génesis 41:33

“Ukhamasti, wakisispaw juma, reyin mä suma amuyt'ani ch'ikhi jaqi thaqhañama, jupan taqi markpach apnaqañapataki.

Génesis 41:37

Josean amuyt'atapasti faraonatakisa, jilïr jaqinakapatakisa walikjamakïnwa,

Génesis 45:15

Ukxarusti Joseax taqi jilanakaparuw jamp'att'äna, jacht'asisaw taqpachanir qhumantarakïna. Uka qhipat jilanakapax jupar parlxayapxäna.

Génesis 45:17

Ukat faraonax Josear akham sarakïna: —Jilanakamax uywanakapar khumxatawayasin Canaán uraqir kuttapxpan sama,

2 Samuel 3:36

Davidan arunakap taqiniw sum amuyapxäna, ukatsti walikiw sapxarakïnwa, reyin luratanakapax jaqinakan chuymapar purt'kirïnwa.

2 Crónicas 30:4

Uka amtäwisti reyitakisa, jaqinakatakis wakiskirïnwa,

Ester (hebreo) 1:21

Ukhamasti, Memucán sat chachan amuyt'äwipax reyitakisa, amuyt'ayir jilïr jaqinakapatakis walikïnwa. Ukat ukspachaw reyix mä kamachi mistuyäna.

Ester (hebreo) 2:4

Kawkïr tawaqutix reyin chuymapar purkirjamächini uka tawaquw Vasti lanti reinan qunuñapan qunt'asini —sasa. Uka amuyusti reyitakix wali sumänwa, ukatsti ukhampun phuqhasirakïna.

Ester (hebreo) 5:14

Ukatsti warmipampi, masinakapampix akham amuyt'ayapxäna: —Jaychkatayañ lurayam, amstarux pä tunk payan metroni, ukatsti qharür willjtax reyir mayim, Mardoqueor ukan jaychkatayañapataki. Ukatxa jan kuna llakinikiw manq'äwirux reyimp chik saräta —sasa. Uka amuyux Amán chachar wal kusisiyäna, ukat jaychkatayañ wakichayäna.

Hechos 6:5

Jupanakasti uka arsutarux iyawakïpxänwa, ukatsti Estebanaruw ajllipxäna, jupax iyawsañampi, Qullan Ajayump phuqt'at jaqïnwa, ukatsti Feliperu, Prócoro sat chacharu, Nicanor, Timón, Pármenas, Antioquiankir Nicolás jilatampiru. Uka Nicolás jilatax nayraw judionakan iyawsäwipar kutikipstatayna.

Hechos 7:13

Qhipa kuti sarapkän ukkhaw Joseax jilanakapamp uñt'ayasxäna, Egiptonkir reyis yatxarakïnwa Josean kawki markankirïtapsa.

Deuteronomio 1:33

jupasti saräwiman jumanakan nayräxam saräna, kawkharutix puripxañamäki ukawja thaqhañataki. Arum sarañatakisti ninampi qhant'ayasa, urusti mä qinayampi thakhi uñacht'ayasa.