Génesis 44:8 - Qullan Arunaka DC

⁸ Nanakax Canaán uraqitpach kuttanipxta, costalanakaxan jikxatapkta uk qullqi kuttayxiri, ¿kunjämarak nanakasti uywiriman qullqipsa, quripsa lunthatsunxapxästi?

Aymar Bibliia 1986

⁸ Nanacajj Canaán oraketpach cuttanipjjta cuna kollktejj costalanacajjan jicjjatapcta uc churjjañataquejja, ¿cunjämaraqui nanacasti uywiriman kollkepsa, koripsa lunthatsunjjapjjästi?

Qullan Arunaca

⁸ Nanacajj Canaán oraketpach cuttanipjjta cuna kollktejj costalanacajjan jicjjatapcta uc churjjañataquejja, ¿cunjämaraqui nanacasti uywiriman kollkepsa, koripsa lunthatsunjjapjjästi?

Génesis 44:8 Jak'a apnaqawi uñst'ayäwi

Génesis 42:21

ukampisa jupanakkamaw aruskipasipxäna: —Chiqpachansa jan walpun jiwasax jilasar lurtanxa. Kunapachatix jupat khuyapt'ayasiñasatak achikt'askäna ukkhaxa, janiw jiwasax llakit uñjkchïyätan ukasa jupar ist'käyätanti. Ukat jichhax jiwasar t'aqhisiñax wakt'arakistu —sasa.

Génesis 42:27

Arum samart'añatak mä chiqar purisinsti, jupanakat maynïrix asnopar manqt'ayañatakiw costalap jararäna, ukatsti qullqipan ukankaskatap uñjarakïna.

Génesis 42:35

Kunapachatix Josean jilanakapax costalanakap warsusipkän ukkhasti, sapa costalan qullqi jikxatapxäna, uka qullqi uñjasinsti, jupanakasa, awkipasa wal mulljasipxäna.

Génesis 43:12

Qullqsti mä ukkhamp apasipxäta, kuna qullqtix costalanakamar uchasin kuttayapktam ukxa churxapxätawa. Inas jupanakax pantjasisin ukar uchapxchi.

Génesis 43:18

Ukampis jupanakax Josean utapar irpat uñjasisinxa, wal mulljasipxäna, ukatsti jupanakkamaw sasipxarakïna: —¡Akax janiw ukhamakïkiti! Kuna qullqtix nayrïr kutix costalanakasar uchapkatayna uka tumpampiw aka jaqix utapar irpanistu. Jichhax jutasin nuwjistaniwa, ukatsti t'aqhisiyat jaqirjamaw irnaqayistani, ukhamarak uywanakasarusa —sasa.

Génesis 44:7

Ukampis jupanakax ukxaruw sapxarakïna: —¿Kunatsa jumax ukham parlxayapxista? ¡Janipuniw nanakax kunäkipansa ukxa lurapkiristti!

Éxodo 20:15

“Janiw lunthatätati.

Mateo 19:18

Waynasti sarakïnwa: —¿Kawkïr kamachinaksa? —sasa. Jesusasti ukxarux sänwa: —‘Jan jiwayamti, jan wachuqa jucha luramti, jan lunthatamti, janirak khitirus k'arintamti,

Romanos 13:9

Kamachi arunakax siwa: “Janiw wachuq juch lurätati, janiw jiwayätati, janiw lunthatätati, janiw jaqi masimankir yänakap munapayätati” sasa; taqi aka kamachinakasti, yaqha kamachinakas akham arunakar tukt'atawa: “Jaqi masimarux juma kipkarjam munasim” sasa.

Deuteronomio 5:19

“ ‘Janiw lunthatasïtati.