Génesis 44:2 - Qullan Arunaka DC

² Ukat sullka jilapan costalaparusti nayan qullqi qiruxa ucharakim, trigot churki uka qullqimp chika. Josean utap apnaqir jaqisti kunjämtix Joseax siskatayna ukham luräna.

Aymar Bibliia 1986

² Sullca jilapan costalaparusti nayan kollke copajja ucharaquim, trigot pagquejja uca kollkempi chica. Mayordomosti cunjämtejj Joseajj siscatayna uqhamwa luräna.

Qullan Arunaca

² Sullca jilapan costalaparusti nayan kollke copajja ucharaquim, trigot pagquejja uca kollkempi chica. Mayordomosti cunjämtejj Joseajj siscatayna uqhamwa luräna.

Génesis 44:2 Jak'a apnaqawi uñst'ayäwi

Génesis 42:20

Ukatsti sullka jilam irpt'ataw kuttanipxäta, ukhamat nayax yatï kuntix sapkta ukax chiqätaynati janicha uka. Janitix chiqäkchi ukasti, jumanakax jiwayatäpxätawa —sasa. Jupanakasti “Walikiw” sapxänwa,

Génesis 42:25

Ukxarusti yanapirinakaparuw sarakïna: “Aka jaqinakatakix costalanakapar trigo phuqhantarapipxam, qullqinakapxa costalaparkam uskxapxarakim, thakhitakisti manq'añ wakicht'arapipxam” sasa. Ukatsti ukhamapuniw lurasïna.

Génesis 43:32

Josearux yaqhawjaruw manq'a churapxäna, Jacobun yuqanakaparusti yaqhawjaru, ukatsti Joseampi chika manq'apxirïkan ukanakarusti yaqhawjaruw churapxarakïna; egipcionakax janiw hebreonakamp chika manq'apxirïkänti.

Génesis 44:1

Uka qhipatsti Joseax utap apnaqir jilïriruw säna: —Aka jaqinakatakix costalanakapar trigo phuqhantarapim, qawqtix apirjamäpkaspa ukkha, qullqinakapsti costalanakapar ucharxarakim.

Génesis 44:12

Josean utap apnaqir jilïristi sapa maynin costalap thaqtäna, jilïrinkirit qalltasina, sullkïrinkirir tukuyañkama, ukatsti Benjaminan costalapat qullqi qiru apsüna.

Génesis 44:3

Qhipärmanthisti Josean jilanakapax asnonakap irpxarusisin sarxapxäna.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

2 Corintios 8:8

Uksti janiw jumanakar mä kamachjam churapksmati; jan ukasti, mayninakan suma chuymampi apthapt'apxatap yatipxañamak munta, ukhamat jumanakan munasiñamax chiqat janich uk yatisiñapataki.

Deuteronomio 13:3

3 (4) ukapachasti jan jumanakax jupanakar ist'apxamti; Tatit Diosamaw uka tuqit jumanakar yant'añ munasipktam, jumanakax taqpach chuymampiti, taqpach jakañamampit jupar munapxta uk yatiñataki.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.