Génesis 44:16 - Qullan Arunaka DC

¹⁶ Ukxaruw Judá jilapax sarakïna: —¿Tata, kamsapxarakïmasti? ¿Kunjämatarak “Janiw lunthatäpkti” sapxiriststi? Diosax juchachasiskir katjapxitu. Jichhasti taqiniw nanakax juman t'aqhisiyat luqtirim tukupxta, khititix qullqi qirum katkatayna ukamp chika —sasa.

Aymar Bibliia 1986

¹⁶ Judästi saraquïnwa: —¿Camsapjjaraquïmasti, tata? ¿Cunjämatarac “Janiw lunthätapcti” sapjjeriststi?, Diosajj aqham juchanwa catjapjjetu. Acancapjjtwa nanacajj, juman sirvirimäpjjaractwa, qhititejj copam apcataynas ucampi chica —sasa.

Qullan Arunaca

¹⁶ Judästi saraquïnwa: —¿Camsapjjaraquïmasti, tata? ¿Cunjämatarac “Janiw lunthätapcti” sapjjeriststi?, Diosajj aqham juchanwa catjapjjetu. Acancapjjtwa nanacajj, juman sirvirimäpjjaractwa, qhititejj copam apcataynas ucampi chica —sasa.

Génesis 44:16 Jak'a apnaqawi uñst'ayäwi

Génesis 37:7

Samkansti jiwasanakax taqiniw pampankaskayätan trigo chullanak lurasa; ukatsti akatjamat nayan trigo chullaxax chiqak sayt'äna, jumanakan chullanakamasti nayan trigo chullaxar muyuntasin alt'asipxäna —sasa.

Génesis 37:9

Uka qhipatsti Joseax yaqha samkampi samkasirakïna, uksti jilanakaparux yatiyarakïnwa: —Yaqha samka samkasirakiktwa. Ukansti intimpi, phaxsimpi, tunka mayan warawarampix nayatak alt'asiskir uñjta —sasa.

Génesis 44:17

Ukampis Joseax sänwa: —Janiw ukhamäkaspati. Khititix qullqi qiru apkatayna jupakiw luqtirixäni. Mayninakax jan kuna llakin awkiman utapar kuttxapxam. Janiw khitis kuns sapkätamti —sasa.

Génesis 44:32

Awkixarusti nayaw sanirakta: ‘Aka waynxa nayaw uñjaskä, kuna jan walt'añarus purini ukkhax nayampiw parläta’ sasa. Ukhamarus saraktwa: ‘Janitix kuttayanirapkäma ukkhaxa, nayaw wiñayatak juchanïskä’ sasa.

Génesis 44:9

¡Uka qirutix nanakat kawkïrin costalapankani ukkhaxa, jiwayatäñatak juchañchatäpan; ukhamarus nanakax taqiniw uywiriman luqtiripäpxarakï! —sasa.

1 Reyes 17:18

Ukat ijma warmix Eliasar säna: —Tatitun profetapa, ¿kunatarak nayamp katxatasistasti? ¿Jucha luratanakaxata amtayirit jumax utaxar jutta, wawaxan jiwatapampi mutuyañti munistaxa? —sasa.

Esdras 9:10

“Ukampis jichhax nanakan Diosaxay, taqi jan wali luratanakaxat ¿kamsapxiristsa? Nanakax janiw juman arsüwinakam

Esdras 9:15

“¡Tatay, Israel markan Tatit Diosapa, jumax chiqaparuw uñjapxista! Jumarakiw wakt'ayarakta nanak taypit mä tama qhispiyasina jakañapsa, kunjämatix jichhürux uñjapkta ukhama. Nanakasti chiqpachan juma nayraqatan wali juchanïpxtwa; jumar jak'achasiñatakis janiw askïpkti” sasa.

Proverbios 17:15

Juchan jaqir juchap jan uñt'ayañampi, aski jaqir ina ch'usat juchañchañampi, uka pä luräwinakaruw Tatitux uñisi.

Proverbios 28:17

Jaqi jiwayatapat arknaqat jaqix, jiwañkamaw imantasiñatak jalnaqaskani, ¡janiw khitis jupar arxatkaniti!

Isaías 27:9

Israelitanakatix uka yaqha diosanakan altaranakapa, kawkhantix yupaychapxirïkäna ukanak q'al t'unthapipxan ukkhaxa, Tatitux jupanakan juchanakap pampachaniwa.

Isaías 5:3

Jerusalén markan utjir jaqinaka, Judá markankirinaka, jichhax sapxitaya, ukhamäñapatakix ¿khitis juchani, jumanakati jan ukax nayacha?

Daniel (hebreo) 9:7

Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

Lucas 12:2

Janiw kuna jamasankiris jan qhanstirix utjkiti, janirakiw kuna imantatas jan yatisirix utjkiti.

Hechos 2:37

Uka arunak ist'asinsti, ukawjan tantachat jaqinakax chuymanakapan wali llakt'ataw uñjasipxäna. Ukat Pedrompiru, mayni apostolunakampir jiskt'asipxäna: —Jilatanaka, ¿kuns lurapxiristxa? —sasa.

Deuteronomio 25:1

“Kunapachatix yaqhipanakax ch'axwañan sarnaqapkani ukkhaxa, jupanakax taripatäñatak jilïrinak nayraqatar uñstapxañapawa, ukatsti taripir jilïrinakaw juchan jaqir juchañchaskani, jan juchan jaqirus jan juchanirjamaw uñjarakini.

Josué 7:1

Israel markax kuntix Diosax siskatayna ukanakxa, janiw phuqkänti, tukjatäñatak satäkäna uka yänak katusisaw jan walir puripxäna. Judá ayllu taypin mä jaqiw utjäna Acán sutini, jupasti Carmí chachan yuqapänwa, Zabdí chachan allchhipa, Zérah jaqin allchhiparaki. Uka jaqisti Jericó markat walja yänak jupatak apasinïna, kawkïr yänaktix Tatitux taqi t'unjapxäta siskatayna ukanakat apaqäna. Ukat Tatitux Israel markataki wali q'apisïna.

Josué 7:18

Kunapachatix Zabdí utapankirinakan chachanakax maynit maynit jak'achasipkän ukkhaxa, Acán sat jaqiruw juchax mistüna, Carmí chachan yuqaparu, Zabdí chachan allchhipa, Zérah chachan allchhiparaki.

Jueces 1:7

Ukat Adonisédec reyix säna: “Nayrax paqallq tunka reyinakaruw amparanakapata, kayunakapat tayka luk'ananak khariqta, jupanakarux manq'añaxat williqtki uka jilt'anak pallasiyta. Jichhasti Diosax nayaruw kunjämtix nayax jupanakar lurkäyäta uka lurarakitu” sasa. Ukatsti Jerusalén markaruw irpxapxäna, ukan jiwxäna.