Génesis 43:9 - Qullan Arunaka DC

⁹ Nayaw jupar uñjaskä; kunäxani ukasa nayampiw parlaskäta. Janitix aka chiqar kuttayanirapkäm ukaxa, nayaw wiñayatak juchanïskä.

Aymar Bibliia 1986

⁹ Nayaw juparu uñjascäjja, cunatejj pasani ucsa, nayampiw parlascäta. Janitejj acawjar cuttayanirapcäm ucqhajj nayaw juchanïscäjj wiñayataqui.

Qullan Arunaca

⁹ Nayaw juparu uñjascäjja, cunatejj pasani ucsa, nayampiw parlascäta. Janitejj acawjar cuttayanirapcäm ucqhajj nayaw juchanïscäjj wiñayataqui.

Génesis 43:9 Jak'a apnaqawi uñst'ayäwi

Génesis 31:39

janipuniw kuna uywamtix pampankir animalanakax manq'antapkän ukanak apanirïkti, jan ukasti nayaw uka uywanakat qullqi churirïsma, urus jan ukax arumas uywanakam lunthatapxirïkän ukatxa, jumax phuqhayasirïtawa.

Génesis 42:37

Ukat Rubenax awkipar sarakïna: —Nayaw Benjaminar uñjaskä, kuttayanirapxämawa. Janitix kuttayanirapkäm ukasti, pani wawaxaruw jiwarayäta —sasa.

Génesis 43:10

Janitix akham qhiparapkiriskäyät ukaxa, ¡niyaw sarasin pä kuti kuttanipxiriskäyäta! —sasa.

Génesis 9:5

Nayasti, sapaqat jaqiru, sapaqat animalaruw sapa mayni jumanakan wilanakamat wayt'ä. Sapaqat jaqiruw jaqi masipan jakañapat wayt'arakï.

2 Samuel 14:9

Warmisti sarakïnwa: —Reyixay, maynin aka jucha apañapatix wakischi ukaxa, nayampiru, awkixan wila masinakapampiruw wakt'askañapa, janiw juma jach'a reyirusa, marka apnaqäwimarusa kunat phuqhañapas wakt'añapäkiti —sasa.

1 Reyes 1:21

Janitix ukhamäkani ukasti, reyixay, jumax jiwxät ukkhaxa, Salomón yuqaxampiru, nayampirux jiwayapxitaniwa —sasa.

Job 17:3

Ukampis jumax, Tatay, nayat arxatasitasmawa, jan jumäkät ukasti, ¿khitirak nayar arxatitaspasti?

Salmos 119:122

Jumakiy kusisit jakayita; janikiy qhuru jaqinakax t'aqhisiyitpati.

Ezequiel 3:18

Nayax inas mä jan wali jaqin jiwañapatak arsurista; jumatix uka qhuru jaqir jan parlxaykäta, uka jan wali lurañanakap apanukuñapataki, ukhamat uka jaqin jakaskañapatakixa, jupax juchap laykuw jiwani, ukampis nayax jumaruw uka jaqin jiwatapat wayt'äma.

Ezequiel 3:20

Ukhamarakiw utjaspa, mä aski jaqix uka aski kankañap apanukxas jan walinak luraspa, nayas juparux jan walt'añar nukt'irista; ukampis jumatix uka jaqir jan amuyt'aykätaxa, uka jaqix jiwaniwa. Nayatakisti uka aski luratapax janiw kunäkanisa, jupax juchap laykuw jiwani, uka jaqin jiwatapatsti jumaruw wayt'äma.

Ezequiel 33:6

Ukampis uñch'ukiritix uñisir ejercitor jutaskir uñjasin, markankir jaqinakar yatiyañatak trompetap jan phust'kaspa, uñisir soldadonakasti maynir jiwayaspa ukaxa, uka jiwirix juchap laykuw jiwaskani; ukampis nayax uñch'ukiriruw ukan jiwatapat wayt'arakï.’

Ezequiel 33:8

Inampis nayax mä jucharar jaqitaki juchañchäwi aru arsurista jupan jiwañapataki, ukatsti jumatix jupampi jan parlkäta uka jan wali jakäwip apanukuñapataki, ukat janirak amuyt'askani, uka jucharar jaqix juchap laykuw jiwaskani, ukampis nayax jumaruw jupan jiwatapat wayt'äma.

Lucas 11:50

Ukhamax jumanakaw juchañchjasipxta aka uraq qalltatpach profetanakar jiwarayapxatamata,

Hebreos 7:22

Ukhamat Jesusax nayrïrit sipan juk'ampi suma arust'äwïtap qhanañchi.