Génesis 43:7 - Qullan Arunaka DC

⁷ Jupanakasti sapxarakïnwa: —Jupax nanakarux walxay taqi jiwasat jiskt'apxchituxa, ukhamarak wila masisatsa. “¿Awkimax jakaskiti? ¿Yaqha sullkanakamas utjaskiti?” sapxchituxaya. Nanakasti jiskt'atax taqi kunsa chiq arsupxta. ¿Kunjämaraki nanakasti yatipxiriskäyätsti “Sullkam irpanipxam” sañapsti? —sasa.

Aymar Bibliia 1986

⁷ Jupanacasti sapjjaraquïnwa: —Jupajj nanacarojj waljjay jisct'apjjchitojja take jiwasatjja, uqhamaraqui familiasatsa. Sapjjaraquituwa: “¿Awquimajj jacasquiti?” sasa. “¿Yakha sullcanacamas utjasquiti?” sapjjaracchitojjaya, nanacasti jisct'atajj take cunsa chekwa avisapjjtjja. Nanacasti janiw yatipcäyätti “Sullcam irpanim” sañapjja.

Qullan Arunaca

⁷ Jupanacasti sapjjaraquïnwa: —Jupajj nanacarojj waljjay jisct'apjjchitojja take jiwasatjja, uqhamaraqui familiasatsa. Sapjjaraquituwa: ‘¿Awquimajj jacasquiti?’ sasa. ‘¿Yakha sullcanacamas utjasquiti?’ sapjjaracchitojjaya, nanacasti jisct'atajj take cunsa chekwa avisapjjtjja. Nanacasti janiw yatipcäyätti ‘Sullcam irpanim’ sañapjja.

Génesis 43:7 Jak'a apnaqawi uñst'ayäwi

Génesis 42:11

Nanakax chiqap jaqinakäpxtwa, mä sapa awkinikïpxaraktwa. Janipuniw kunapachas uñaqir jaqit sarnaqapxirïkti —sasa.

Génesis 42:13

Ukampis jupanakax sasipkakïnwa: —Tata, nanak luqtirinakamax tunka payan jiläpxtwa, mä sapa awkinikïpxaraktwa, Canaán uraqin jakapxta. Sullka jilasti awkixampiw utankaski, maynïristi jiwxiwa —sasa.

Génesis 43:27

Joseasti jupanakar aruntasinxa, jiskt'arakïnwa: —¿Kunjämäsipktasa, awkimas kunjämäskarakisa? ¿Jakaskiti? —sasa.

Génesis 43:3

Ukampisa Judá yuqapax ukxaruw säna: —Egipto marka apnaqirix qhan sapxitu: “Janitix sullka jilamar irpanipkäta ukkhaxa, jan jutxapxamti” sasa.

Génesis 43:6

Ukat Israelax sarakïna: —¿Kunatsa aka taqi jan walinak lurapxista? ¿Kunatsa uka jaqirux “Sullka jilanïpxtwa” sapxtaxa? —sasa.

Génesis 44:19

Jumax jiskt'apxistawa, awkinïpxtti jan ukax yaqha jilaxax utjaskicha uka tuqita.