Génesis 43:15 - Qullan Arunaka DC

¹⁵ Ukatsti Jacobun yuqanakapax waxt'äwinakampi, qullqsa mä ukkhamp apxarupxäna, ukatsti Benjamín jilap irpt'ataw, jank'ak Egipto markar sarapxäna. Purisasti Josean ukaruw uñstapxäna.

Aymar Bibliia 1986

¹⁵ Ucatsti Jacobon yokanacapajja, wajjt'äwi, kollksa mä uqhampi, uqhamarac Benjamín jilapa irpt'atajja, Egiptoruw sarapjjäna, ucatsti Josean ucaruw puripjjäna.

Qullan Arunaca

¹⁵ Ucatsti Jacobon yokanacapajja, wajjt'äwi, kollksa mä uqhampi, uqhamarac Benjamín jilapa irpt'atajja, Egiptoruw sarapjjäna, ucatsti Josean ucaruw puripjjäna.

Génesis 43:15 Jak'a apnaqawi uñst'ayäwi

Génesis 42:35

Kunapachatix Josean jilanakapax costalanakap warsusipkän ukkhasti, sapa costalan qullqi jikxatapxäna, uka qullqi uñjasinsti, jupanakasa, awkipasa wal mulljasipxäna.

Génesis 43:11

Ukat awkipax ukxar sarakïna: —Ukham wakischi ukax jilamar irpapxakchïtaya, uka jaqin ukar jank'ak kuttapxarakim. Ukampis akham lurapxam: Costalanakamar mä waxt'äwi uka jaqitak aparapipxam. Kunatix uraqisan utjki ukanakat mä juk'akama: Bálsamo, misk'i, q'apkir qullanaka, mirra, nueces, almendra ukanaka.

Génesis 43:21

ukampis ikt'añatak mä chiqawjar purisasti, costalanakax jararasipxta, ukatsti costalanakaxan qullqi jikxatapxta, sapa mayni nanakan qullqinakaxaw ukankäna. Qullqix phuqhatäskataynawa, jichhasti apanxapxtwa,

Génesis 43:25

Jupanakasti ukchañkamax churäwinak wakicht'apxäna, ukatsti Josean chikürutak puriniñap suyasipkäna, ukan jupanakamp manq'añap yatipxarakïna.

2 Crónicas 28:7

Efraín ayllunkiri, Zicrí sat wali nuwasir jaqix reyin yuqapa Maaseiasaruw jiwayäna, ukatsti reyi uta uñjir Azricam jilïriparu, reyin wali aytat jilïriparux jiwayarakïnwa.

Proverbios 19:6

Waxt'asir jaqirux, taqi jaqinakaw thaqhapxi, masiparus tukupxaraki.