Génesis 43:12 - Qullan Arunaka DC

¹² Qullqsti mä ukkhamp apasipxäta, kuna qullqtix costalanakamar uchasin kuttayapktam ukxa churxapxätawa. Inas jupanakax pantjasisin ukar uchapxchi.

Aymar Bibliia 1986

¹² Kollksti mä uqhampi apasipjjäta, ucatsti amparanacamampipuniw catuyapjjäta. Inas jupanacajj pantjasipjjchïna.

Qullan Arunaca

¹² Kollksti mä uqhampi apasipjjäta, ucatsti amparanacamampipuniw catuyapjjäta. Inas jupanacajj pantjasipjjchïna.

Génesis 43:12 Jak'a apnaqawi uñst'ayäwi

Génesis 42:25

Ukxarusti yanapirinakaparuw sarakïna: “Aka jaqinakatakix costalanakapar trigo phuqhantarapipxam, qullqinakapxa costalaparkam uskxapxarakim, thakhitakisti manq'añ wakicht'arapipxam” sasa. Ukatsti ukhamapuniw lurasïna.

Génesis 42:35

Kunapachatix Josean jilanakapax costalanakap warsusipkän ukkhasti, sapa costalan qullqi jikxatapxäna, uka qullqi uñjasinsti, jupanakasa, awkipasa wal mulljasipxäna.

Génesis 43:13

Sarapxamaya, sullkam irpxaruwayapxam, ukatsti wasitat uka jaqin ukar uñstapxam.

Génesis 43:21

ukampis ikt'añatak mä chiqawjar purisasti, costalanakax jararasipxta, ukatsti costalanakaxan qullqi jikxatapxta, sapa mayni nanakan qullqinakaxaw ukankäna. Qullqix phuqhatäskataynawa, jichhasti apanxapxtwa,

Génesis 43:22

ukhamarus jichhax mä juk'amp qullqxa trigo alasiñatak apasinxapxta. Ukampis janiw yatipkti khitin uka qullqi costalanakaxar uchatapsa —sasa.

Romanos 12:17

Janiy khitirus ñanqhat ñanqha kutt'ayapxamti; jaqinak nayraqatansti aski lurañatak ch'amachasipxam.

Romanos 13:8

Jan khitirus manüpxamti, jan ukasti, jumanak pura munasiñanaki manüpxam; jaqi masipar munasirix, kuntix kamachix siski uk niyaw phuqxi.

2 Corintios 8:21

ukat nanakax sum apnaqañatak ch'amachasipxta, janiw Tatit nayraqatanakti, jan ukasti jaqinak nayraqatanaraki.

Filipenses 4:8

Tukuyañatakisti, jilatanaka, kunatix chiqäki, kunatix maynir aski uñjañäki, kunatix sumäki, kunatix q'umäki, kunatix munkañäki, kunatix aytat luräwinakäki, taqi ukanakatay lup'ipxam. Taqi kunatix sumäki, jach'ar aptañäki ukanakatay lup'ipxam.

1 Tesalonicenses 4:6

Janiy khitis uka tuqin jila masipar jan wal lurpati, janirak sallqantpasa, uk luririrusti Tatitux ch'amampiw mutuyi, kunjämtix niy iwxt'apksma ukhama.

1 Tesalonicenses 5:21

Taqi kun yant'apxam, askïki uk katxäsipxam.

Hebreos 13:8

Jesucristox wasürusa, jichhürusa, wiñayas pachpakïskiwa.