Génesis 43:11 - Qullan Arunaka DC

¹¹ Ukat awkipax ukxar sarakïna: —Ukham wakischi ukax jilamar irpapxakchïtaya, uka jaqin ukar jank'ak kuttapxarakim. Ukampis akham lurapxam: Costalanakamar mä waxt'äwi uka jaqitak aparapipxam. Kunatix uraqisan utjki ukanakat mä juk'akama: Bálsamo, misk'i, q'apkir qullanaka, mirra, nueces, almendra ukanaka.

Aymar Bibliia 1986

¹¹ Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Qullan Arunaca

¹¹ Ucatsti awquipajj saraquïnwa: —Uqham lurañapun waquischi ucqhajj lurapjjacchïtaya. Costalanacamar mä regalo uca jaketac apapjjam cunatejj orakesan achqui ucanacat mä juc'acama: Bálsamo, misq'i, perfume, mirra, nueces, almendra ucanaca.

Génesis 43:11 Jak'a apnaqawi uñst'ayäwi

Génesis 33:10

Ukampis Jacobux saskakïnwa: —Janiw ukhamäkaspati. Nayax achikt'asïma, juman khuyapayasiñamtix jikxatsta ukaxa, aka churäwi katuqt'ita, jumar uñjataxasti Diosarus uñjkirista ukhamawa, juman nayar wali sum katuqatam layku.

Génesis 37:25

Uka qhipatsti jupanakax manq'asiriw qunt'asxapxäna. Ukhamäkipan sarir jaqinak jutaskir uñjapxäna, uka jaqinakasti Galaad tuqit jutir ismaelita jaqinakänwa, jupanakasti suma q'apkir qullanaka, bálsamo, mirra ukanak camellonakapan khumt'at Egiptor apasipkäna.

Génesis 43:10

Janitix akham qhiparapkiriskäyät ukaxa, ¡niyaw sarasin pä kuti kuttanipxiriskäyäta! —sasa.

Génesis 43:14

Taqi ch'aman Diosasti uka jaqirux suma chuyma churpan, jumanakar sumaki uñjañapataki, ukhamat mayni jilamaru, Benjaminarus antutaniñapataki. ¡Nayan jan wawani qhiparañaxatix wakischi ukaxa, ukhamäpanaya! —sasa.

Génesis 43:15

Ukatsti Jacobun yuqanakapax waxt'äwinakampi, qullqsa mä ukkhamp apxarupxäna, ukatsti Benjamín jilap irpt'ataw, jank'ak Egipto markar sarapxäna. Purisasti Josean ukaruw uñstapxäna.

Génesis 43:25

Jupanakasti ukchañkamax churäwinak wakicht'apxäna, ukatsti Josean chikürutak puriniñap suyasipkäna, ukan jupanakamp manq'añap yatipxarakïna.

Génesis 43:26

Kunapachatix Joseax utapar purinxän ukkhasti, jupanakax uraqkamaw jupatak alt'asipxäna, ukatsti apapkatayna uka waxt'äwinak churapxarakïna.

1 Reyes 10:15

ukarusti janiw jakhutäkänti alakip luririnakampina, Arabiankir reyinakampina, marka apnaqirinakampin qullqi churatapaxa.

1 Reyes 10:25

ukatsti jupatakix taqiniw sapa mara mä churäwi aparapipxäna: qullqi, quri yänaka, isinaka, nuwasiñ yänaka, suma q'apkir qullanaka, caballonaka, mulanaka.

1 Reyes 15:19

“Jumampi, nayampi mä arust'äwi lurañäni, kamisatix awkinakasax lurapkäna ukhama. Aka quri, qullqi jumatak apayansma. Jichhax jumax Israelan Baasá reyipamp arust'äwi luratam p'akintxam, ukhamat nayamp jan nuwasxañapataki” sasa.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

2 Reyes 16:8

Ukxarusti Ahaz reyix, kuna qullqimpi, qurimpitix Tatitun utapana, ukhamaraki reyin utapan utjkatayna ukanak katusin, Asiriankir reyir waxt'añatakiw apayäna,

2 Reyes 20:12

Khä urunakanxa, Baladán sat chachan Merodac-baladán yuqapax khititix Babilonia markan reyipäkän ukaxa, Ezequías reyin usuntatap yatïna, ukhamasti khithanakap tuqiw qillqatanaka, churäwinak jupar apayäna.

2 Reyes 8:8

Ukat reyix Hazael chachar säna: —Profetan ukar saram, jupatak mä churäwi apxaruwayam. Tatitur jiskt'arapitpan, aka usut waliptiristti, janicha —sasa.

Ester (hebreo) 4:16

“Saram, Susa markankir taqi judionakar tantachthapim, ukatsti, nayatak ayuno lurapxpan, kimsa urumpi, kimsa arumampix jan kuns manq'apxpati, janirak kuns umapxpati. Nayampi, nayar luqtir uywatanakampisti uka kipkarak lurapxä; uka qhipat reyimp parlirix sarä, ukham lurasax kamachi p'akintañaxächin ukasa. Jiwayapxitan ukasti, jiwayasipkakitpan” sasa.

Salmos 68:29

29 (31) Jerusalenankir utamatpacha, kawkharutix reyinakax jumataki churäwinak apanipki,

Salmos 72:10

¡Tarsis markankir reyinakasa, quta wat'ankir reyinakasa, jupar qullqi churapxpan, Arabiankir reyinakasa, Etiopiankir reyinakasa churäwinak luqtapxpan!

Salmos 76:11

11 (12) Tatitutak arsupxam, phuqhapxarakim, jupan jaqinakapa, axsarkañ Diosar luqtäwinak churapxam.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Proverbios 17:18

Jaqi masipan manusitapat sayt'añax, jan amuyt'asirïñawa; ukatsti jupaw phuqhañapäni.

Proverbios 18:16

Mä suma churäwimpix kawkhakamas mantañakiwa, wali aytat jaqin nayraqatapkamaw puriyi.

Proverbios 19:6

Waxt'asir jaqirux, taqi jaqinakaw thaqhapxi, masiparus tukupxaraki.

Proverbios 21:14

Q'apisit jaqir mä suma churäwi waxt'añaxa, q'apisiñapsa sumaptayiwa.

Cantar de los cantares 4:10

¡Kullakitay, nayan munasitaxay, kunja sumas juman munart'asiñamaxa! ¡Munart'asiñamax vinot sipan juk'amp muxsawa, q'aphir qullanakamas yaqha suma q'apkir qullanakat sipan juk'amp sumarakiwa!

Cantar de los cantares 4:14

nardo, azahar, suma q'apkir caña, canela, kunayman incienso quqanaka, mirra, áloe quqanaka utjir panqar yapur uñtatätawa; ¡Ukanxa taqi suma q'apkir qullanakaw utji!

Cantar de los cantares 8:14

¡Munasitaxay, jank'akiy jalanim, mä tarujar uñtat jaltanim, taruj qallur uñtat t'ijtanim! Qullu patanakax suma q'apkir alinakampi phuqhantatäxiwa.

Jeremías 8:22

¿Janit kuna qullas Galaad chiqan utjkpacha? ¿Janit ukan khiti qullt'iris utjkpacha? ¿Kunatarak markaxasti jan qullt'atäpachasti?

Ezequiel 27:15

Dedán markankir jaqinakampisa, jach'a quta tuqinkir markanakampis alakip luraraktaxa, aljañ yänakamatsti marfil, ébano sata suma lawanak churapxäyätamxa.

Ezequiel 27:17

Judá markampi, Israel markampisti jumampiw alakipa lurarakïna, qullqi lantxa, suma trigo, muxsa t'ant'anaka, misk'i, oliva quqat apsut aceite, suma q'apkir qullanaka, ukanak churapxäyätamxa.

Ezequiel 27:22

Sabá, Raamá sata markankirinakasti juman alasirinakamänwa, ukatsti suma q'apkiri qullanakampi, suma qalanakampi, qurimpi kunaw alasipxäyätamxa.

Levítico 20:24

Nayasti sapxsmawa, kawkïr uraqtix nayax churapkäma uka jaqinakan uraqinakapax jumanakankxaniwa. Uka uraqisti wali suma uraqipuniwa, manq'añanakamas jan tukuskayapunïniwa. “Nayätwa jumanakan Tatit Diosamaxa, jumanakarusti nayaw yaqha markanakat sipan mä suma marka yaqhachapxsma.

Hechos 21:14

Jan kunjämat jupar jark'añjamïpansti, nanakax sapxtwa: —Tatitun munañapak lurasxpan —sasa.

Deuteronomio 33:14

maran achur suma achunakapampi phaxsinakan achur suma achunakapampi;

1 Samuel 25:27

Jichhasti achikt'assmawa, nayax kawkïr waxt'äwinaktix apanirapksma ukanak jumamp chika jutapki uka uywatanakamaru lakinuqaspan,

1 Samuel 9:7

Saulusti sänwa: —Ukhamax sarañäniya, ukampis ¿kunarak uka profetatak aparapiñänisti? Janiw t'ant'as wayaqasan utjkxistuti. Janiw kunas jupar churañatakix utjkiti —sasa.