Génesis 42:9 - Qullan Arunaka DC

⁹ Ukat Joseax kuna samkanaktix jupanakxat samkasirïkäna ukanak amtasïna, ukat jupanakar sarakïna: —Jumanakax uñaqanakäpxtawa, kawkhatcha markarux aynacht'ayañjamäski uk uñaqiriw jutapxtaxa —sasa.

Aymar Bibliia 1986

⁹ Ucat Joseajj cuna samcanactejj samcasirïcän ucanacwa amtasïna, saraquïnwa: —Jumanacajj uñakanacäpjjtawa, cawqhatcha marcarojj aynacht'ayañjamäsqui uc uñakeriw jutapjjtajja —sasa.

Qullan Arunaca

⁹ Ucat Joseajj cuna samcanactejj samcasirïcän ucanacwa amtasïna, saraquïnwa: —Jumanacajj uñakanacäpjjtawa, cawqhatcha marcarojj aynacht'ayañjamäsqui uc uñakeriw jutapjjtajja —sasa.

Génesis 42:9 Jak'a apnaqawi uñst'ayäwi

Génesis 37:11

Jilanakapasti Joseatakix wal arusipxäna, ukampis awkipax uka samkat wali lup'irakïna.

Génesis 42:16

Jumanakax sapkta ukax chiqati janicha uk yatiñäni: jumanakat mayni khithapxam sullka jilamar irptiri, mayninakasti katuntataw akankapxäta. Jilamarutix jan puriyanipkani ukaxa, jumanakax uñaqanakäsipkapuntawa. ¡Faraonan sutipxaruw juramentompi sapxsma! —sasa.

Génesis 42:34

ukampis sullka jilam irpt'ataw kuttanipxäta, ukhamat nayax jumanakan chiqa jaqinakäpxatam yatï, janiraki uñaqäpxatama; ukapachasti jilamarux antutxarakïwa, jumanakas jan kuna llakinikiw aka markan sarnaqasisipkäta” sasa.

2 Samuel 10:3

amonitanakan jilïrinakapax Hanún sat reyipar sapxänwa: “¿Jumasti walikiw sistati Davidan yanapirinakapan awkiman jiwatapat jumar chuymacht'ir jutapxatapatsti? ¡Jupax markas t'unjañ amtampiw jupanakarux uñaqayir khithanpacha!” sasa.

Éxodo 32:35

Ukatsti Tatitux mä usumpiw markar t'aqhisiyäna, Aaronan lurat vaca qallur yupaychapxatapata.

Números 13:2

“Mä qawqha jaqinak Canaán uraqir khitham, kawkïr uraqtix nayax israelitanakar churkä uka uraq uñaqanipxañapataki. Sapa ayllut mayni jilïripar khitham” sasa.

Lucas 20:20

Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Hebreos 11:31

Rahab sat jan wal sarnaqir warmix iyawsäwi laykuw jan ist'asir jaqinakamp chikax jan jiwkataynati, Israelankir uñaqa jaqinakar suma chuymampi katuqatap layku.

Josué 2:1

Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Josué 6:23

Jupanakasti Rahab warmin utapar mantasax, awkiparu, taykaparu, jilanakaparu, taqi wila masinakaparuw irpsunipxäna, ukatsti jupanakarux jan kunas kamachañapatakix israelitanakan campamentopat jaya chiqaruw irpapxäna.

Jueces 1:24

Uka uñaqirinakasti markat mä jaqir mistusinkir uñjapxäna, juparusti sapxänwa: “Jumatix kawkha chiqasa markar mantaña uk uñacht'ayapxität ukaxa, nanakax janiw kunsa kamachapkämati” sasa.

1 Samuel 26:4

ukhamasti Davidax uñaqirinak khithäna, Saúl reyin purinitap yatiñataki.