Génesis 42:24 - Qullan Arunaka DC

²⁴ Ukampisa, Joseax jupanak jak'at sartawayasin wal jachäna. Ukatsti jupanakan ukar kuttanisinxa, Simeonaruw katuntayäna, ukatsti jupanakan uñjkañaw ñach'antayarakïna.

Aymar Bibliia 1986

²⁴ Joseasti jupanacat sarjjasinjja, wal jachäna. Jupanacan ucar cuttanjjasinsti, jupanacan uñjcataw Simeonarojj wayokjje, ucatsti jupanacan uñjcatawa ñach'antayaraqui.

Qullan Arunaca

²⁴ Joseasti jupanacat sarjjasinjja, wal jachäna. Jupanacan ucar cuttanjjasinsti, jupanacan uñjcataw Simeonarojj wayokjje, ucatsti jupanacan uñjcatawa ñach'antayaraqui.

Génesis 42:24 Jak'a apnaqawi uñst'ayäwi

Génesis 34:25

Ukampisa Jacobun yuqanakapa Simeón, Leví, Dinan jilanakapäkaraki ukanakax; kimsa uru qhipat markar sarapxäna. Espadas ayt'ataw circuncisión katuqat jaqinakar akatjamat jalxatapxäna ukatsti jiwayapxarakïnwa, janiw khitis jupanakat kutkatasirjamäkänti janchipan ususkatap layku.

Génesis 42:23

Jupanakax janiw Josean uk amuyatap yatipkänti, Joseasti jupanakarux aru jaqukipir jaqi tuqiw parlatayna.

Génesis 43:14

Taqi ch'aman Diosasti uka jaqirux suma chuyma churpan, jumanakar sumaki uñjañapataki, ukhamat mayni jilamaru, Benjaminarus antutaniñapataki. ¡Nayan jan wawani qhiparañaxatix wakischi ukaxa, ukhamäpanaya! —sasa.

Génesis 43:23

Uka jilïr jaqisti sarakïnwa: —Suyt'apxakim, jan llakisipxamti. Jumanakampina, awkimampin Diosapaw uka qullqxa costalanakamar uchpacha, nayasti kuntix jumanakax churapkatäta uka qullqxa katuqtwa —sasa. Jilïr jaqisti Simeonaruw irpsuwayäna, ukatsti kawkhankkäntix jilanakapax ukkharuw irpäna.

Génesis 43:30

Jilapar uñjasinsti Joseax chuymap ch'allxtayasïna, niyas jachirjamänwa, ukat jupax jank'akiw ukawjat mistuwayäna. Utapar mantasinsti, jan chuymachkayaw jachäna.

Génesis 45:1

Joseax janiw juk'ampi chuymapan imt'irjamäkxänti, ukat taqi luqtirinakapar jach'at säna: “¡Taqin akat mistupxam!” sasa. Ukhamasti janiw mayni luqtiripas ukankxänti, Joseax jilanakapamp uñt'ayaskän ukkhaxa.

Génesis 45:2

Ukatsti Joseax wali jach'at jachäna, taqi egipcio jaqinakaw ukxa yatipxarakïna, uka arusti faraonan jach'a utapkamarakiw purïna.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Lucas 19:41

Jerusalenar jak'achasisinsti, Jesusax marka uñtasaw jachäna,

Romanos 12:15

Kusisitanakampix kusisipxam, jachirinakampisti jachapxarakim.

1 Corintios 12:26

Janchisan mä chiqatix t'aqhischixa, taqi chiqaw t'aqhisiraki, mä chiqatix yäqatächixa, taqpachaniw kusisipxi.

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.