Génesis 42:22 - Qullan Arunaka DC

²² Ukxarusti Rubenax sarakïnwa: —Nayax sasipkapunsmaxaya: “Jan kuns jupar lurapxamti” sasa; ukampis jumanakax janiw nayar ist'apkistati, jichhasti jiwatapat phuqhañasaw wakt'istu —sasa.

Aymar Bibliia 1986

²² Ucjjarusti Rubenajj saraquïnwa: —Nayajj sasipcapunsmajjaya: “Jan cuns lurapjjamti” sasajja, ucampis jumanacajj janiw nayarojj ist'apcäyästatejja, jichhasti jiwatapat phokhañasaw wact'istojja —sasa.

Qullan Arunaca

²² Ucjjarusti Rubenajj saraquïnwa: —Nayajj sasipcapunsmajjaya: ‘Jan cuns lurapjjamti’ sasajja, ucampis jumanacajj janiw nayarojj ist'apcäyästatejja, jichhasti jiwatapat phokhañasaw wact'istojja —sasa.

Génesis 42:22 Jak'a apnaqawi uñst'ayäwi

Génesis 4:10

Tatitusti sarakïnwa: —¿Kunatsa jilamar jiwayta? Jilaman wilap wartkta ukax kunatix chiqapäki uk nayan uñjañaxatakiw art'asinitu.

Génesis 42:23

Jupanakax janiw Josean uk amuyatap yatipkänti, Joseasti jupanakarux aru jaqukipir jaqi tuqiw parlatayna.

Génesis 45:3

Joseasti jilanakaparux akham säna: —Nayax Joseätwa. ¿Awkixax jakaskiti? —sasa. Jupanakasti Josean nayraqatapan jikxatasisax wali mulljataw uñjasipxäna, janirakiw kunsa ukxarux arsurjamäpkänti.

Génesis 50:15

Jacob awkipan jiwxatapatsti, Josean jilanakapax chuymanakapan akham sapxäna: “Inas jichhax Joseax uñisxchistani, jupar jan walinak luratasat phuqsuschistani” sasa.

1 Reyes 2:32

Tatituw jiwatapat jupa pachpar juchañchaskani, pä aski chiqa chachanakar cuchillompi chhuqhuntas jiwayatapata, uksti janiw David awkixax yatkänti. Ner jaqin Abner yuqaparuw jiwayi, jupasti israelita ejerciton jilïripänwa, Jéter chachan Amasá yuqaparux jiwayarakiwa, jupasti Judá ejerciton jilïripänwa.

1 Reyes 2:33

Jupanakan jiwatapatsti, juchax wiñayatak Joab chachxankaniwa, ukhamaraki jupat saraqir wawanakapxana. Ukampisa, Tatitun samarañapax Davidampipunïniwa, ukhamaraki jupat saraqiri wawanakapampi, reyi qunuñapampi —sasa.

2 Crónicas 24:22

Joás reyix Zacariasana Joiadá awkipan jupar askinak luratapat janiw amtaskxänti, ukatsti Zacarías yuqaparux jiwayänwa, jiwkäna ukkhasti Zacariasax akham arsuwayäna “¡Nayar akham lurapxatamat Tatituy jumanakarux mutuypan!” sasa.

Salmos 9:12

12 (13) Tatitux t'aqhisirinakat amtasipuniwa, jachatanakapatsa janiw armaskiti, jupanakar t'aqhisiyirinakarux mutuyiwa.

Ezequiel 3:18

Nayax inas mä jan wali jaqin jiwañapatak arsurista; jumatix uka qhuru jaqir jan parlxaykäta, uka jan wali lurañanakap apanukuñapataki, ukhamat uka jaqin jakaskañapatakixa, jupax juchap laykuw jiwani, ukampis nayax jumaruw uka jaqin jiwatapat wayt'äma.

Lucas 23:41

Jiwasax juchasatjam t'aqhisisktan, ukampis jupax janiw kuna juchsa lurkiti —sasa.

Hechos 28:4

Uka wat'an jakirinakasti Pablon amparapan katari warkusir uñjasinxa, jupanak puraw sasipxäna: “Aka chachax jaqi jiwayirïpachawa, qutan jiwañat qhispinkchi ukasa, juchapat jiwañapapunïpachawa” sasa.

Romanos 2:15

sarnaqatanakapampiw uñacht'ayapxi, chuymanakapan kamachin qillqatätapa. Pachpa chuymapaw qhanañchi, pachpa amuyunakaparakiw juchañchani, jan ukax arxatanisa,

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.

Apocalipsis 16:9

Jaqinakax llakkañaw intimpi nakhantat uñjasipxäna, ukatsti Diosan sutip ñanqhachapxäna, uka mutuyäwinak apaqañatak ch'amanïkipansa; uka jaqinakax janiw Diosar yupaychañatak kutikipstapkänti.

1 Samuel 19:4

Jonatanasti Saúl reyimpix Davidat arxatasisaw parläna. Juparusti sänwa: —Jumasti munañan rey, janiw David luqtirimarux kuna ñanqhsa lurañamäkiti, jupax janiw kuna ñanqhsa juma munañan reyirux lurktamti, jan ukasti askinak lurtamxa;