Génesis 42:21 - Qullan Arunaka DC

²¹ ukampisa jupanakkamaw aruskipasipxäna: —Chiqpachansa jan walpun jiwasax jilasar lurtanxa. Kunapachatix jupat khuyapt'ayasiñasatak achikt'askäna ukkhaxa, janiw jiwasax llakit uñjkchïyätan ukasa jupar ist'käyätanti. Ukat jichhax jiwasar t'aqhisiñax wakt'arakistu —sasa.

Aymar Bibliia 1986

²¹ Jupanacasti “Waliquiw” sapjjänwa, ucatsti jupanaccamaw parlarasipjjaraquïna: —Chekpachansa jiwasanacajj jan walpun jilasampejj lurapjjayätanjja. Cunapachatejj achict'ascäna “Qhuyapt'ayasipjjeta” sasajja, ucapachasti jiwasajj janiw jupatjja qhuyapt'ayascäyätanti, llaquita uñjcchïyätan ucasa. Ucatwa jichhajj jiwasaru wact'araquistu t'akhesiñajja —sasaw jilanacapajj parlarasipjjäna.

Qullan Arunaca

²¹ Jupanacasti “Waliquiw” sapjjänwa, ucatsti jupanaccamaw parlarasipjjaraquïna: —Chekpachansa jiwasanacajj jan walpun jilasampejj lurapjjayätanjja. Cunapachatejj achict'ascäna ‘Qhuyapt'ayasipjjeta’ sasajja, ucapachasti jiwasajj janiw jupatjja qhuyapt'ayascäyätanti, llaquita uñjcchïyätan ucasa. Ucatwa jichhajj jiwasaru wact'araquistu t'akhesiñajja —sasaw jilanacapajj parlarasipjjäna.

Génesis 42:21 Jak'a apnaqawi uñst'ayäwi

Génesis 41:9

Ukatsti akatjamat vino luqtirinakan jilïripax Joseat amtasisin reyir säna: —Jan wal lurataxat jichhakiw amtasta.

Génesis 44:16

Ukxaruw Judá jilapax sarakïna: —¿Tata, kamsapxarakïmasti? ¿Kunjämatarak “Janiw lunthatäpkti” sapxiriststi? Diosax juchachasiskir katjapxitu. Jichhasti taqiniw nanakax juman t'aqhisiyat luqtirim tukupxta, khititix qullqi qirum katkatayna ukamp chika —sasa.

Génesis 45:3

Joseasti jilanakaparux akham säna: —Nayax Joseätwa. ¿Awkixax jakaskiti? —sasa. Jupanakasti Josean nayraqatapan jikxatasisax wali mulljataw uñjasipxäna, janirakiw kunsa ukxarux arsurjamäpkänti.

Génesis 50:15

Jacob awkipan jiwxatapatsti, Josean jilanakapax chuymanakapan akham sapxäna: “Inas jichhax Joseax uñisxchistani, jupar jan walinak luratasat phuqsuschistani” sasa.

2 Samuel 12:13

Davidasti Natán nayraqatan juchanïtap uñt'asïna, sarakïnwa: —Nayax Tatit nayraqatan jucha lurta —sasa. Natanasti ukxaruw sarakïna: —Tatitux janiw juchamat mutuykätamti, janiw jiwkarakïtasa.

1 Reyes 17:18

Ukat ijma warmix Eliasar säna: —Tatitun profetapa, ¿kunatarak nayamp katxatasistasti? ¿Jucha luratanakaxata amtayirit jumax utaxar jutta, wawaxan jiwatapampi mutuyañti munistaxa? —sasa.

Proverbios 21:13

Jan kunan jaqin achikt'asitapar jan ist'ir jaqixa, jupax yanap maykani ukkhax, janirakiw ist'atäkaniti.

Proverbios 28:17

Jaqi jiwayatapat arknaqat jaqix, jiwañkamaw imantasiñatak jalnaqaskani, ¡janiw khitis jupar arxatkaniti!

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 4:18

“Jerusalén, jan wal sarnaqatamat taqi akanakax ukham lurasiski. Ñanqha luratamax axtkañawa, ukaw chuymamsa usuchjaraktam.”

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

Marcos 9:48

kawkhantix laq'unakas jan jiwarki, ninas janirak jiwt'ki ukkharu.

Lucas 16:28

phisqa jilaxar iwxt'añapataki, ukhamat aka t'aqhisiñar jan jutapxañapataki’ sasa.

Hechos 19:18

Iyawsirinakat waljanirakiw jutasin taqi jan wali luratanakap arsusipxäna.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

1 Juan 1:9

ukampis jiwasatix juchanakas arsusiñän ukkhaxa, jupax chiqawa, juchanakas pampachañataki, taqi jan walinakat q'umachañatakis askirakiwa.

Jueces 1:7

Ukat Adonisédec reyix säna: “Nayrax paqallq tunka reyinakaruw amparanakapata, kayunakapat tayka luk'ananak khariqta, jupanakarux manq'añaxat williqtki uka jilt'anak pallasiyta. Jichhasti Diosax nayaruw kunjämtix nayax jupanakar lurkäyäta uka lurarakitu” sasa. Ukatsti Jerusalén markaruw irpxapxäna, ukan jiwxäna.