Génesis 42:13 - Qullan Arunaka DC

¹³ Ukampis jupanakax sasipkakïnwa: —Tata, nanak luqtirinakamax tunka payan jiläpxtwa, mä sapa awkinikïpxaraktwa, Canaán uraqin jakapxta. Sullka jilasti awkixampiw utankaski, maynïristi jiwxiwa —sasa.

Aymar Bibliia 1986

¹³ Ucampis jupanacajj sasipcaquïnwa: —Tata, nanaca sirvirinacamajj tunca payani jiläpjjtwa, mä sapa awquiniquïpjjaractwa, Canaán oraken jacapjjaractjja. Sullca jilasti awquejjampiw kheparasqui, maynïristi janiw nanacampïcjjaraquiti —sasa.

Qullan Arunaca

¹³ Ucampis jupanacajj sasipcaquïnwa: —Tata, nanaca sirvirinacamajj tunca payani jiläpjjtwa, mä sapa awquiniquïpjjaractwa, Canaán oraken jacapjjaractjja. Sullca jilasti awquejjampiw kheparasqui, maynïristi janiw nanacampïcjjaraquiti —sasa.

Génesis 42:13 Jak'a apnaqawi uñst'ayäwi

Génesis 37:30

Jilanakapan ukar kuttasinsti, sänwa: —¡Joseax chhaqhatarakisä! ¿Jichhasti kunarak lurästi? —sasa.

Génesis 42:11

Nanakax chiqap jaqinakäpxtwa, mä sapa awkinikïpxaraktwa. Janipuniw kunapachas uñaqir jaqit sarnaqapxirïkti —sasa.

Génesis 42:12

Joseasti saskakïnwa: —K'arisipxtawa. Jumanakax uñaqanakäpxtawa, kawkhatsa aka markarux aynacht'aysna uk uñaqiriw jutapxtaxa —sasa.

Génesis 42:14

Ukampis Joseax saskakïnwa: —Sapxsmat janicha, jumanakax uñaqanakäpxtawa,

Génesis 42:32

tunka payan jila sullkäpxtwa, mä sapa awkinikïpxaraktwa; maynïristi janiw nanakampïkxiti, sullkasti Canaán uraqin awkixampiw utankaski” sasaw sapxta.

Génesis 42:36

Ukat Jacobux säna: —Jumanakax jan wawani uñjasiyapxistaxa. Joseax janiw jiwasampïkxiti, Simeonas ukhamaraki, ¡jichhasti Benjamín wawaxaruw irpañ munapxaraktaxa! ¡Taqi ukanakax llakisiñat jiwayitani! —sasa.

Génesis 42:38

Ukampisa Jacobux ukxaruw sarakïna: —Benjamín wawaxax janiw jumanakamp sarkaniti. José jilapax jiwxiwa, Benjamín sapakiw qhiparxaraki. Kuna jan walt'añarutix thakhin puriyapxasma ukax, jumanakaw juchanïpxäta nayan llakiskäwi jiwañaxatakixa —sasa.

Génesis 43:29

Joseasti uñatatasin Benjaminaruw uñjäna, khititix pachpa jilapäkän ukaru, ukat jiskt'arakïna: —¿Akat uka sullka jilamaxa? ¡Wawa, Diosay jumarux aski waxt'äwip churpan! —sasa.

Génesis 43:7

Jupanakasti sapxarakïnwa: —Jupax nanakarux walxay taqi jiwasat jiskt'apxchituxa, ukhamarak wila masisatsa. “¿Awkimax jakaskiti? ¿Yaqha sullkanakamas utjaskiti?” sapxchituxaya. Nanakasti jiskt'atax taqi kunsa chiq arsupxta. ¿Kunjämaraki nanakasti yatipxiriskäyätsti “Sullkam irpanipxam” sañapsti? —sasa.

Génesis 44:20

Nanakasti awkixan chuymanïxatap yatiyapxsmawa, ukhamarak sullka jilan utjaskatapsa, uka jilaxan kunapachatix awkixax chuymanïxän ukkha yuritapsa. Ukatsti sapxaraksmawa, awkixan uka yuqapar wal munasitapa, uka sapa wawaki pachpa taykatxa qhiparxatapa, mayni jilapan jiwxatap qhipata.

Génesis 44:28

maynïrix saraqawayxituwa, ukürut aksarusti janiw juparux uñjkxaraktti. Mä pampankir animalan manq'antxatap yatta.

Génesis 45:26

Kunapachatix jupanakax awkiparu Josean jakaskatapa, Egipto markan jach'a jilïri apnaqirïtapa yatiyapxän ukkhaxa, janiw jupax kunsa arsurjamäkänti, janirakiw kuntix yuqanakapax siskäna uka arunakarus iyawsirjamäkänti.

Jeremías 31:15

Tatitux siwa: “Ramá chiqan mä aruw ist'asi, maynin chuyma jan utt'ayasis jachatapa. Raquel warmiw wawanakapat jachaski, wawanakapan jiwaratapatxa, janiw chuymachatäñ munkiti.”

Lamentaciones 5:7

Nayra awkinakaxaw juch lurapxäna, ukampis nanakaruw ukanakat Tatitux mutuyapxitu.

Mateo 2:16

Herodesasti amawt'anakan jupar sallqjatap amuyasisinxa, walpun phiñasïna, ukat Belén markana, uka thiyanakan jakir wawanakar pä maranit aynachar taqpachanir jiwarayiriw khithäna; amawt'anakax sapkatayna uka urunakarjam amuyt'asa.

Mateo 2:18

“Arnaqasitanakaw Ramá sat markan ist'asi, jachañampi, wali ayquñampi. Raquelaw wawanakapat jachaskäna, jupasti janiw chuymachatäñ munkänti, wawanakapan jiwaratäxatap layku” sasa.