Génesis 41:51 - Qullan Arunaka DC

⁵¹ Joseasti jilïr wawaparux Manasés sutimpiw uchäna, jupasti sarakïnwa: “Diosaw taqi t'aqhisitanakax armasiyxitu, ukhamarak awkixan wila masinakapatsa” sasa.

Aymar Bibliia 1986

⁵¹ Jilïrirusti Manasés sasaw sutichäna, saraquïnwa: “Diosaw take t'akhesitanacajj armasiyjjetu, uqhamarac familianacajjsa” sasa.

Qullan Arunaca

⁵¹ Jilïrirusti Manasés sasaw sutichäna, saraquïnwa: “Diosaw take t'akhesitanacajj armasiyjjetu, uqhamarac familianacajjsa” sasa.

Génesis 41:51 Jak'a apnaqawi uñst'ayäwi

Génesis 41:30

ukxarusti paqallqu mach'a maranakaw jutarakini. Janiw khitis paqallqu suma maranakan utjatapxa amtaskxaniti, mach'ax Egipto markar q'al aynacht'ayani.

Génesis 41:50

Uka mach'a maranak janïra purinkipansti, Joseampi Asenat warmipampix pä wawanïpxänwa.

Génesis 41:52

Ukxankir wawaparusti Efraín sutimpiw ucharakïna, jupasti sarakïnwa: “Diosaw nayarux wawanak apayanitu, t'aqhiskta uka markana” sasa.

Génesis 48:1

Mä qawqha pachatsti, Joseax awkipan sinti usutätap yatisin, jupax Manasés, Efraín wawanakap irpt'ataw awkipar tumpt'ir saräna.

Génesis 48:5

Jichhaxa, janïra nayax Egiptor purinkta ukapacha yuripki uka Efrainampi, Manasesampix, nayankxiwa, kunjämatix Rubén, Simeón wawanakax nayankkitu ukhama.

Job 11:16

t'aqhisitanakamsa armasxätawa, jalir umax jalakipki ukar uñtataw ukanak armasxäta.

Salmos 30:11

11 (12) Jachañaxarux kusisiñaruw kipstaytaxa; llaki isi apaqasinxa, kusisiñ isimpiw isthapiyista.

Salmos 30:5

5 (6) Q'apisiñapax mä juk'atakikiwa, munasiñapasti wiñayatakiwa. Jayp'u tuqirutix jachañax puristanixa, willjta tuqirux kusisiñaw utjxistani.

Salmos 45:10

10 (11) Phuchhaxay, uñtanim; jinchum alkatanisin ist'ita: Markamat armasxam, wila masinakamat armasxarakim,

Proverbios 31:7

machantasipxpan, aynacht'at kankañapat armasipxpan, t'aqhisiñanakapatsa jan amtasipxpati.

Isaías 57:16

Janiw markaxarux juchañchkäti, janirakiw wiñayatakis phiñaskäti, naya pachpaw jumarux lurassma, janirakiw juman ch'ama laq'ayasiñamsa munkti.

Isaías 65:16

Khititix aka markan askinak katuqañ munanixa, chiqa aski Tatituruw mayini; aka markan mä juramento luriristi, chiqa aski Diosan sutipxaruw lurani. Nayra t'aqhisïwinakasti armatäxiwa, nayraqataxatsa chhaqtxarakiwa.

Números 26:28

José chachat saraqir wila masi tamanakan wawanakapax Manasés, Efraín jupanakänwa.

Deuteronomio 33:17

Efraín, Manasés wawanakaman jaqinakapaxa, jach'a ch'amanïpxiwa, urqu vacanakar uñtata, bufalonakar uñtata. Lanzanakapampiw t'unjapxani uraq tukusinkir uñisirinakaparusa” sasa.

Josué 14:4

José chachat saraqir wawanakapax pä ayllur tukutänwa, Manasés, Efraín ayllunaka, ukampis levitanakarux janiw mä jisk'a uraqis wakt'känti, jan ukasti kawkhantix jakapkaspa uka markanaka churäna, ch'uxña pampa uraqinakampi uywanakap awatiñataki.

Josué 17:1

Kawkïr uraqinaktix Josean jilïr yuqapa Manasés ayllux katuqkäna uka uraqinakax akham jaljatänwa: Maquir chachan wila masi tamanakaparux, Moisesax niyaw Jordán jawirat inti jalsu tuqinkir Galaad, Basán uraqinak jupanakar churxatayna. Maquir chachax jan axsaras nuwasir jaqïnwa, jupasti Manasés chachan jilïr yuqapänwa, Galaadankirinakan awkiparakïnwa.

1 Samuel 1:20

Ukhamat Ana warmix usur jaqiptxäna, ukatsti mä yuqall wawa wawachasïna, uka wawarusti Samuel suti uchäna, Tatitux jupan mayisitapar ist'atap layku.