Génesis 41:43 - Qullan Arunaka DC

⁴³ Ukxarusti mä suma carroruw irpxatäna, ukasti reyin qhipap sarirïki uka jilïritakïnwa, ukatsti Josean nayräxapan art'apxäna: “¡Thakhit sartapxam!” sasa. Faraonax ukham Josear utt'ayäna taqpach Egipto marka apnaqañapataki.

Aymar Bibliia 1986

⁴³ Ucjjarusti jupanquïrit payïri suma carroparuraquiw irpjjatäna, ucatsti “Uñtapjjam” sasaw jupa nayrakatan arnakapjjäna. Uqhamaw Josearojj utt'ayäna takpach Egipto marcar apnakañapataqui.

Qullan Arunaca

⁴³ Ucjjarusti jupanquïrit payïri suma carroparuraquiw irpjjatäna, ucatsti “Uñtapjjam” sasaw jupa nayrakatan arnakapjjäna. Uqhamaw Josearojj utt'ayäna takpach Egipto marcar apnakañapataqui.

Génesis 41:43 Jak'a apnaqawi uñst'ayäwi

Génesis 41:42

faraonax amparapat surtijap apsusïna, uka surtijasti reyin sutipanïnwa, uksti Josean amparaparuw uchäna. Ukxarusti suma lino isinakampi isthapiyapxañapatakiw arsüna, ukhamarak mä quri wallqampi kunkapar ajuntayapxañapataki.

Génesis 41:44

Ukxarusti faraonax Josear saskakïnwa: —Nayax Egipto markan reyipäkta ukasa, janiw khitis aka markan, juman jan satax kunsa lurkaniti, kawksa sarkarakiniti —sasa.

Génesis 42:30

—Egipto marka apnaqir jaqix jan walpun uñjapxitu, “Jumanakax uñaqanakäpxtawa” sapxituwa.

Génesis 42:33

Ukatsti jupax sapxarakituwa: “Akhamat yatiñäni chiqpachan suma jaqinakäpxsta ukxa, jumanakax mayni jilamaru jaytawayapxam, ukat mayninakasti sarapxam utamankirinakatak trigo apapxarakim jupanakan manq'asiñapataki,

Génesis 42:6

Joseasti Egipto markan apnaqiripänwa, jupaw trigo aljäna taqi chiqat purinir jaqinakaru. Kunapachatix jilanakapax jupa nayraqatar uñstapkän ukkhasti, Josean nayräxaparuw alt'asipxäna, ajanunakapsa uraqir puriyañkama.

Génesis 45:26

Kunapachatix jupanakax awkiparu Josean jakaskatapa, Egipto markan jach'a jilïri apnaqirïtapa yatiyapxän ukkhaxa, janiw jupax kunsa arsurjamäkänti, janirakiw kuntix yuqanakapax siskäna uka arunakarus iyawsirjamäkänti.

Génesis 45:8

Ukhamasti Diosaw aka chiqarux khithanitu, janiw jumanakati khithanipkista, juparakiw faraonan amuyt'ayiripat uskutu, jach'a utapansa mä jach'a jilïrita, ukhamarak Egipto markan apnaqiripatsa utt'ayitu.

Génesis 50:18

Ukatsti jilanakapaw purinïna, jupanakasti Josean nayräxapar killt'asisax uraqir puriñkamaw alt'asipxäna, sapxarakïnwa: —Juman luqtirimäpxtwa —sasa.

Génesis 50:9

Joseamp chikasti, jaqinakax carretanakata, caballonakat sarapxäna, jaqix waljapunïnwa.

Ester (hebreo) 10:3

Mardoqueo judío jaqix, reyit ukxarux jupaw jilïrïna; judionak taypinsti jupax wali aytat jaqit uñt'atänwa, marka masinakapansa wali munatarakïnwa, markapatak askinak thaqhatapata, marka masinakapan suma askin jakasipxañapatak ch'amachasitap layku.

Ester (hebreo) 3:2

Reyin utapan luqtirinakasti reyin arsutap phuqhañatakix Amán chachan nayraqatapan killt'asipxäna, p'iqinakapsa alt'apxarakïnwa, reyiw ukham lurapxañapatak arsüna; ukampis Mardoqueo chachax janiw uka arsutarux jaysañ munkänti.

Eclesiastés 4:14

Uka waynax carcelat mistunisin reyit qunt'askchi ukasa, jan ukax jan kunanïkas reyïñar purkchi ukasa, nayax akapachan jakir jaqinakarux jupar yanapt'ir uñjta.

Daniel (hebreo) 2:48

Uka qhipatsti reyix Danielar mä jach'a jilïrit utt'ayäna, juparusti walja churäwinak waxt'arakïna; ukhamarus Babilonia suyu apnaqañapatakiw utt'ayäna, ukxarusti uka markan utjir yatiñani jaqinakan jilïripat utt'ayarakïna.

Hechos 7:10

taqi t'aqhisiñat juparux imäna, ukatsti amuyt'a kankañ churäna, Egiptonkir faraón reyin nayraqatapan aski jaqit uñt'ayarakïna, uka reyisti Josearux Egipto marka apnaqirit utt'ayäna, jupan reyi utap apnaqirit utt'ayarakïna.

Filipenses 2:10

Ukat Jesusan sutipar taqi jaqin killt'asiñapataki, alaxpachansa, akapachansa, manqhapachansa,