Génesis 41:42 - Qullan Arunaka DC

⁴² faraonax amparapat surtijap apsusïna, uka surtijasti reyin sutipanïnwa, uksti Josean amparaparuw uchäna. Ukxarusti suma lino isinakampi isthapiyapxañapatakiw arsüna, ukhamarak mä quri wallqampi kunkapar ajuntayapxañapataki.

Aymar Bibliia 1986

⁴² faraonajj amparapat anillopwa apsusi, uca anillosti reyin sellopanïnwa, ucsti Josean amparaparuw uchjje. Ucjjarusti suma lino isinacampi isthapiyapjjañapataquiw arsuraquïna, ucatsti mä kori collarampiw ucharaquïna.

Qullan Arunaca

⁴² faraonajj amparapat anillopwa apsusi, uca anillosti reyin sellopanïnwa, ucsti Josean amparaparuw uchjje. Ucjjarusti suma lino isinacampi isthapiyapjjañapataquiw arsuraquïna, ucatsti mä kori collarampiw ucharaquïna.

Génesis 41:42 Jak'a apnaqawi uñst'ayäwi

Génesis 38:18

Judá chachasti jiskt'askakïnwa: —¿Kunsa nayankirit jaytañax munta? —sasa. Warmisti sarakïnwa: —Sutim chimpuntañxa chinuñapamppach jaytita, amparamankki uka thujrump kuna —sasa. Judá chachasti taqi ukanak churäna, ukatsti uka warmimpiw ikintäna, Tamar warmisti usur jaqiptxänwa.

Génesis 41:43

Ukxarusti mä suma carroruw irpxatäna, ukasti reyin qhipap sarirïki uka jilïritakïnwa, ukatsti Josean nayräxapan art'apxäna: “¡Thakhit sartapxam!” sasa. Faraonax ukham Josear utt'ayäna taqpach Egipto marka apnaqañapataki.

Ester (hebreo) 10:3

Mardoqueo judío jaqix, reyit ukxarux jupaw jilïrïna; judionak taypinsti jupax wali aytat jaqit uñt'atänwa, marka masinakapansa wali munatarakïnwa, markapatak askinak thaqhatapata, marka masinakapan suma askin jakasipxañapatak ch'amachasitap layku.

Ester (hebreo) 3:10

Ukatsti reyix amparapat surtijap apsusisin judionakar uñisir Amán chacharuw churäna,

Ester (hebreo) 3:12

Mara qallta phaxsina tunka kimsani uru saraqatarusti reyix qillqirinakaparuw jawsayäna, Amán chachan arsutanakap qillqapxañapataki, ukatsti yanapirinakaparu, suyunak apnaqirinakaparu, taqi markan jilïrinakapar uk apayapxañapataki. Uka qillqatanakasti sapa suyunakan utjir markanakan arupatkam qillqatänwa, Asuero reyin sutipamp qillqxatata, surtijapamp limxatataraki,

Ester (hebreo) 8:10

Qillqatanakasti Asuero reyin sutipampi qillqxatatänwa, chimpupampi chimpxatataraki. Ukatsti, qillqat apirinakaruw apayapxäna, jupanakasti reyin wali jalir caballonakapxat jalayapxarakïna.

Ester (hebreo) 8:15

Mardoqueosti reyin utapatxa, laramampita janq'umpit isimpi isthapitaw mistunïna, mä quri pillumpi asxatata, linot lurat wila chupika isimp janxatt'ataraki. Susa markankir jaqinakasti walpun kusisipxäna,

Ester (hebreo) 8:2

Ukapachaw reyix, Amán jilïrit apaqaskän uka surtija apsusisin Mardoqueor churxäna. Esterasti Mardoqueorux kunanakatix Amán chachan utapan utjkäna ukanak apnaqañapatakiw katuyxarakïna.

Ester (hebreo) 8:8

Jichhasti sapxsmawa, kunatix judionakatak askïkaspa ukarjam nayan sutixamp qillqapxam. ¡Ukatsti qillqatanakarux reyin chimpupamp chimpuntawayapxam! —sasa. Reyin sutipamp qillqxatata, chimpupampi chimpxatat qillqatanakax janiw ina ch'usar tukuykaspati.

Salmos 73:6

Jach'achasiñampiw k'achachasipxi, nuwasiñampiw isthapisipxi;

Proverbios 1:9

Uka yatichäwinakapasti p'iqimatakix mä suma pillur uñtatäniwa, kunkaman mä suma wallqar uñtatarakïniwa.

Proverbios 31:22

Jupa pachpaw ikiñanak sawst'asi, suma telat lurat isinakampiw isisiraki.

Proverbios 31:24

Jupax isinaka, wak'anak lurasinxa, alakip luririnakaruw alji.

Cantar de los cantares 1:10

¡Ajanumax aretenak taypin wali jiwakiwa! ¡Kunkamas perlanakat lurat wallqa taypin wali jiwakiwa!

Cantar de los cantares 4:9

Kullakitay, nayan munasitaxa, chuymax lunthatista; mä kuti uñtatamampikiw chuymax lunthatista; kunkaman warkuntat wallqamampikiw chuymax lunthatista.

Jeremías 52:33

Ukhamasti Joaquín reyix carcelankañ isipxa apsusxänwa, ukatsti reyimpi chikarakiw manq'asxäna taqi urunakapana.

Ezequiel 27:7

Barcomar sarayir velanakamasti, Egiptot apanita k'achacht'at suma lino telat luratawa, ukasti jumatakix mä wiphaljamänwa; patar janxatañatakisti Elisá sata uksa quta iramanakat apanita wila, ch'iyar chupika telanakat luratänwa.

Daniel (hebreo) 5:16

Ukampis nayax ist'twa jumax taqi pächasiñanaka, jan amuyt'kañanak qhanañchirïtama. Jumatix uka arunak ullaräta, ukat kuntix ukax sañ munki uk qhanañcharakitätaxa, jumax suma isinakamp isthapiyatäyätawa, kunkamarusti mä quri wallqamp ajuntayataraki, nayan marka apnaqäwixansti kimsïri jilïrit utt'ayatarakïyätawa —sasa.

Daniel (hebreo) 5:29

Ukspachaw Belsasar reyix arsurakïna, Danielar wila chupika isinakamp isthapiyapxañapataki, kunkaparus mä quri wallqamp ajt'ayapxañapataki, ukatsti taqi jaqinakaruw yatiyarakïna, marka apnaqäwi taypin kimsïri jilïrit ukspach Danielan utt'ayatäñapataki.

Daniel (hebreo) 5:7

Ukatsti wararisaw Babilonian utjir taqi yatirinakaru, yatiñan jaqinakaru, warawaranak uñch'ukis yatir jaqinakar jawsäna, ukat jupanakar sarakïna: —Khititix aka pirqan qillqatäki uk ullarkani, ukatsti kuntix ukax sañ munki uksa qhanañchkarakitani, ukax suma isinakamp isthapiyatäniwa, kunkaparusti mä quri wallqamp ajuntayatarakïniwa, markaxan apnaqäwipansti kimsïri jilïri apnaqirit utt'ayatarakïniwa —sasa.

Lucas 15:22

Ukampis awkipax uywatanakaparuw säna: ‘Jank'ak suma isi apsunipxam, ukat isthapiyapxam; luk'anaparux surtija uchapxam, kayunakaparusti wiskhumpi uchantapxam.

1 Samuel 18:4

Ukhamarusa, Jonatanax kuna isimpi ist'atäkantix uk apsusisin Davidaruw churxäna, espadapsa, mich'i antutt'añapsa, wak'apsa churxarakïnwa.