Génesis 41:32 - Qullan Arunaka DC

³² Juma, reyix pä kutiw uka pachpa samka samkastaxa, Tatitux ukham lurañ amtatapuniwa, uksti jank'akirakiw lurani.

Aymar Bibliia 1986

³² Jumajj aca pachpa samcjja pä cutiw samcastajja, Diosajj uca lurañ amtatap laycu, ucatsti janc'aquiw luraraquini.

Qullan Arunaca

³² Jumajj aca pachpa samcjja pä cutiw samcastajja, Diosajj uca lurañ amtatap laycu, ucatsti janc'aquiw luraraquini.

Génesis 41:32 Jak'a apnaqawi uñst'ayäwi

Génesis 37:7

Samkansti jiwasanakax taqiniw pampankaskayätan trigo chullanak lurasa; ukatsti akatjamat nayan trigo chullaxax chiqak sayt'äna, jumanakan chullanakamasti nayan trigo chullaxar muyuntasin alt'asipxäna —sasa.

Génesis 37:9

Uka qhipatsti Joseax yaqha samkampi samkasirakïna, uksti jilanakaparux yatiyarakïnwa: —Yaqha samka samkasirakiktwa. Ukansti intimpi, phaxsimpi, tunka mayan warawarampix nayatak alt'asiskir uñjta —sasa.

Génesis 41:25

Ukat Joseax faraonar sarakïna: —Uka pä samka juma, reyix samkaskatäta ukax mä sapa samkakiwa. Diosaw jumarux uka samka tuqi yatiyasktam kuntix jupax lurkani uka.

Génesis 41:28

Kunjämtix nayax sisksma ukhamapunïniwa. Diosaw jumarux yatiyasktam kuntix jupax lurkani uka.

Génesis 41:31

Uka mach'asti sinti jach'äniwa, Egipto markan paqallqu suma maranak utjatapatxa, janiw kuna uñjañas utjkaniti.

Isaías 30:33

Asiria markataki, reyipatakisa, t'aqhisiyañ chiqax nayratpach wakichatawa, uka chiqan ansapasti wali jach'awa, manqharakiwa, ninasti walja lawanak taypin wal nakharaki. Tatitun phust'atapaw aqtayarakini, jach'a azufre jallükaspas ukhama.

Daniel (hebreo) 2:45

Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Marcos 10:40

Ukampis nayan kupïxaxaru ch'iqäxaxaru qunt'ayañax janiw nayan churañaxax wakiskiti, jan ukasti, ukax khitinakatakitix wakichatäki ukanakaruw churasini —sasa.

1 Corintios 2:9

Kunjämtix Qillqatan siski: “Jupar munirinakatakixa, Diosax jan khitin uñjata, jan khitin ist'ata, jan khitin amtat yänak wakichi” sasa.

2 Corintios 13:1

Akampix kimsïr kutiw jumanakar tumpxapxäma. Taqi kunas pani, jan ukax kimsa jilatanakan arsutaparjamaw askichatäni.

Apocalipsis 9:15

Ukapachaw uka pusi angelanakax jaranukut uñjasipxäna, niya chikatan chikatap jaqinakar jiwarayañataki, jupanakasti uka pachataki, uka urutaki, uka phaxsitaki, uka maratak wakichatäpxataynawa.