Génesis 41:25 - Qullan Arunaka DC

²⁵ Ukat Joseax faraonar sarakïna: —Uka pä samka juma, reyix samkaskatäta ukax mä sapa samkakiwa. Diosaw jumarux uka samka tuqi yatiyasktam kuntix jupax lurkani uka.

Aymar Bibliia 1986

²⁵ Ucat Joseajj faraonarojj saraqui: —Uca pä samca jumajj samcascatäta ucajj maya sapaquiwa. Diosasti jumarojj uca samca tokew yatiyasctam cuntejj jupajj lurcani ucjja.

Qullan Arunaca

²⁵ Ucat Joseajj faraonarojj saraqui: —Uca pä samca jumajj samcascatäta ucajj maya sapaquiwa. Diosasti jumarojj uca samca tokew yatiyasctam cuntejj jupajj lurcani ucjja.

Génesis 41:25 Jak'a apnaqawi uñst'ayäwi

Génesis 40:8

Jupanakasti sapxänwa: —Mä samka samkasipxta, janiw khitis uk qhanañchirjamäpkituti —sasa. Joseasti sänwa: —Samkanakam yatiyapxita, Diosaw kuntix sañ munki uk qhanañchistani —sasa.

Génesis 41:16

Joseasti ukxaruw säna: —Janiw nayat uk qhanañchkäxa; jan ukasti, Diosaw jumarux askimatak qhanañchätam —sasa.

Génesis 41:26

Uka paqallqu suma vacanakampi, uka paqallqu suma trigo puyanakampix, paqallqu marawa, mä pachpa samkakiwa.

Génesis 41:28

Kunjämtix nayax sisksma ukhamapunïniwa. Diosaw jumarux yatiyasktam kuntix jupax lurkani uka.

Génesis 41:32

Juma, reyix pä kutiw uka pachpa samka samkastaxa, Tatitux ukham lurañ amtatapuniwa, uksti jank'akirakiw lurani.

Salmos 98:2

Tatituw atipjatap yatiyi, aski kankañap markanakar uñacht'ayi;

Éxodo 9:14

jichha kutix taqi mutuyäwinakax apayanï, jumataki, yanapirinakamataki, taqi jaqinakamataki, ukhamat yatïta jani yaqhax nayjam aka uraqpachan utjatapa.

Isaías 43:9

Taqi jisk'a jach'a markanaka tantacht'asipxam, ukat sapxarakita. ¿Khitirak jumanak taypinsti, kunatix lurasiwayki ukanak yatiyänsti? Jichhax qhanañchirinakam irpasinipxam, arsupxatanakam chiqätap uñacht'ayapxam.”

Daniel (hebreo) 2:45

Uk sañ muni, qullut jan khitinsa nukt'kat qurumt'ankäna, jach'a jaqir t'unjkarakïna uka qalaxa. Jach'a ch'aman Diosaw juma reyirux uñacht'aytam kunatix akat qhiparu utjkani ukanaka. Uka samkax chiqawa, qhanañchäwipas chiqarakiwa.”

Daniel (hebreo) 2:47

Danielarusti sarakïnwa: —Chiqpachapuniw jumanakan Tatitumax taqi diosanakan Diosapaxa; ¡taqi reyinakansa reyipawa! Jupax taqi kun yati, ukat jumax aka jan amuyt'kay samksa qhanañcharakistaxa —sasa.

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Mateo 24:40

Ukapachasti pani chachaw yapunkasipkani, maynix aptatäniwa, maynisti jaytanukutäniwa.

Marcos 13:23

¡Wal amuyasipxam! Ukanak janïr luraskipan taqi kun yatiyapxsma.

Efesios 1:17

Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Josué 11:6

Ukampis Tatitux Josué chacharux sänwa: “Jan jupanakarux axsaramti, nayaw qharüru aka pacharux jupanak jumanak nayraqatan jiwarat uñjasiyä. Jumasti caballonakapan kayunakap p'akiräta, nuwasiñ carronakapsa ninampirakiw phichkatäta” sasa.

Apocalipsis 4:1

Uka qhipatsti alaxpachan mä punku jist'arat uñjta; ukatsti trompetan phust'atapar uñtat nayraqat parlxaykitu uka arux sarakituwa: “Akawjar makhatanim, ukatsti kunanakatix akat qhipar luraskani ukanak uñacht'ayäma” sasa.