Génesis 41:24 - Qullan Arunaka DC

²⁴ Uka paqallqu ch'usu puyasti, paqallqu suma puyanakaruw manq'antäna. Nayasti aka samkanakxa yatir jaqinakaruw yatiyasta, ukampis janiw maynis qhanañchirjamäpkiti” —sasa.

Aymar Bibliia 1986

²⁴ Aca pakallko waña puyanacasti, uca suma pakallko puyanacaruw mank'antapjjäna. Nayajj take aca samcwa yatiri jakenacaru avist'asta, janiw maynis khanañchañ puedquituti.

Qullan Arunaca

²⁴ Aca pakallko waña puyanacasti, uca suma pakallko puyanacaruw mank'antapjjäna. Nayajj take aca samcwa yatiri jakenacaru avist'asta, janiw maynis khanañchañ puedquituti.

Génesis 41:24 Jak'a apnaqawi uñst'ayäwi

Génesis 41:23

Ukanak qhipatsti paqallqu ch'usu puyanakaw jilsunirakïna, inti jalsu tuqi thayan wañsuyata.

Génesis 41:8

Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

Éxodo 8:19

19 (15) Ukat yatir jaqinakax faraonar sapxäna: —¡Diosaw taqi akanak luraski! —sasa. Ukampis faraonax chuymap qalarayasisax janiw ist'añ munkänti, kunjämtix Tatitux siskatayna ukarjama.

Isaías 8:19

Jaqinakasti sapxarakïtamwa: “Jiwatanakan ajayunakapar jiskt'asipxam, jisk'at chhiphisisipkir layqa jaqinakar jiskt'asipxam. ¿Janit mä markasti diosanakapar jiskt'askisti, janirakit jiwatanakarusa, jakirinakxat suma amuyt'äwi arunak mayiskisti,

Daniel (hebreo) 4:7

7 (4) Ukatsti, Babilonia markan utjiri yatir jaqinaka, yatirinaka, yatiñaninaka, warawaranak uñch'ukis yatirinakaw jutapxäna, ukat nayax jupanakar samkax yatiyasta, ukampis jupanakax janiw uk qhanañchirjamäpkänti.