Génesis 40:19 - Qullan Arunaka DC

¹⁹ Akat kimsa ururusti, faraonax luratam uñjani, ukatsti mä quqaruw warkkatayätam, siwiq'aranakaw jutasin janchim manq'ani —sasa.

Aymar Bibliia 1986

¹⁹ Acat quimsa ururusti faraonajj wasitatwa uñjjatani juman acancatamjja, ucatsti mä kokaruw warccatayaraquïtam, jamach'inacaraquiw jutasin aychamjja mank'apjjani.

Qullan Arunaca

¹⁹ Acat quimsa ururusti faraonajj wasitatwa uñjjatani juman acancatamjja, ucatsti mä kokaruw warccatayaraquïtam, jamach'inacaraquiw jutasin aychamjja mank'apjjani.

Génesis 40:19 Jak'a apnaqawi uñst'ayäwi

Génesis 40:13

Akat kimsa ururusti, faraonax luratam uñjani, ukatsti pampachxätamwa, ukatsti nayra lurañanakamaruw wasitat uchxätam, jumasti wasitat faraonarux qirup luqtxäta, kunjämtix nayrax luqtirïkta ukhama.

Génesis 40:17

Patxankiri walayansti kunayman suma t'ant'anakaw utjäna, ukasti faraonatakïnwa, ukampisa jamach'inakaw jutasin uka suma t'ant'anak manq'suwayxapxi —sasa.

Génesis 40:18

Ukat Joseax sarakïna: —Samkamax akham sañ muni: Uka kimsa walayax kimsa uruwa.

Génesis 40:20

Kimsa uru qhipatsti faraonan urupänwa, ukatsti jupax mä jach'a phunchhäwi jaqinakapatak luräna. Jawsayat jaqinak nayraqatat faraonax vino luqtirinakana, t'ant'a luririnakan jilïrinakapar carcelat irpsuyanïna.

Génesis 40:22

ukampisa t'ant'a luririrux warkkatayänwa, kunjämtix Joseax siskatayna ukhama.

Génesis 41:13

¡Taqi kunas kunjämtix jupax sapkitäna, ukhamarupuniw phuqhasiraki! Nayax wasitat irnaqäwixar kuttanxta, maynisti jaychkatataw uñjasiraki —sasa.

2 Samuel 21:10

Ukat Aiá chachan Rispá phuchhapaxa, llakisiñat chhankha isinakampiw uchasïna, ukatsti mä qarqa pataruw winkutatäna, paqallqu jiwat janchinak jak'aru. Ukawjan qhiparäna cebada apthapiñ qallta urunakata, jallupacha qallta urunakkama; uruy arumaw uka jiwat janchinak uñjäna, janiw jamach'inaksa, pampa animalanaksa jak'aykänti.

2 Samuel 21:6

uka jaqin wawanakapat paqallqunir nanakar katuyapxita, nanakasti uka wawanakaparux Guibeá chiqankir Saúl reyin markapan Tatitu nayraqatan warkkatapxä —sasa. Reyisti uka wawanakapar katuyañ iyawsänwa,

Proverbios 30:17

Awkipar jisk'achir jaqiru, ch'ama qarit taykapar jan jaysir jaqirux, nayranakap allqamarinakan apsupxañapax wakisiwa, siwiq'aranakan jakkirpach manq'antapxañapax wakisiwa.

Ezequiel 39:4

Jumasti, ejercitomampi, jumampi chika sarnaqir jaqinakamampix Israel qullunakan jiwarapxäta, jumanakan jiwarat janchinakamsti siwiq'aranakaru, monte animalanakaruw liwxaruyä manq'antatäpxañamataki.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

Gálatas 3:13

Cristow kamachin ñanqhachäwipat qhispiyistu, jupax juchanakas laykuw ñanqhachäwi katuqi, Qillqatan akham siwa: “Taqi khititix mä lawaru warkkatat jiwki ukax, ñanqhachatäpan” sasa.

Josué 10:26

Uk arsusinsti Josué chachax uka reyinakaruw jiwarayäna, ukatsti sapa mayniruw mä quqar warkkatayäna, ukan jayp'ukam warkut uñjasipxäna.

Josué 8:29

Josué chachax Ai markan reyiparux mä quqaruw warkkatayäna, ukasti jayp'ukamaw ukankaskäna, kunapachatix intix jalantkän ukkhaw amayap apaqirix khithäna, ukatsti marka mantañawjaruw amayap jaqtayäna, qalanakampirakiw phinxatayäna. Uka qala phinax jichhürkamaw ukankaski.

1 Samuel 17:44

Ukhamarus sarakïnwa: —¡Jutam akaru, nayax juman janchim alaxpach jamach'inakana, pampankir animalanakan manq'antañapatakiw churä! —sasa.

1 Samuel 17:46

Jichhasti Tatitux amparaxaruw jumar katuyitani, ukatsti jichhpachaw jiwt'ayäma, p'iqimsa apaqarakïma, filisteonakan jiwata janchipsa alaxpach jamach'inakana, pampankir animalanakan manq'antañapatakiw churä. Ukhamat taqinis yatipxani, Israel markan mä Diosan utjatapa,