Génesis 4:10 - Qullan Arunaka DC

¹⁰ Tatitusti sarakïnwa: —¿Kunatsa jilamar jiwayta? Jilaman wilap wartkta ukax kunatix chiqapäki uk nayan uñjañaxatakiw art'asinitu.

Aymar Bibliia 1986

¹⁰ Tatitusti saraquïnwa: —¿Cunatsa uc lurta? Jilaman wilapa oraker wartctasa ucaw nayarojj art'asinitu, nayan cunatejj chekapäqui uca uñjañajjataqui.

Qullan Arunaca

¹⁰ Tatitusti saraquïnwa: —¿Cunatsa uc lurta? Jilaman wilapa oraker wartctasa ucaw nayarojj art'asinitu, nayan cunatejj chekapäqui uca uñjañajjataqui.

Génesis 4:10 Jak'a apnaqawi uñst'ayäwi

Génesis 18:20

Ukhamasti Tatitux juparux sänwa: —Sodomankiri, Gomorrankiri jaqinakax sinti jan wali jaqinakat uñt'atäpxiwa, juchanakapasti sinti jan walipuniwa,

Génesis 3:13

Ukat Tatit Diosax warmir jiskt'arakïna: —¿Kunatsa jumax uk lurta? —sasa. Warmisti sarakïnwa: —Katariw nayarux sallqjitu, ukat nayax manq'antta —sasa.

Génesis 9:5

Nayasti, sapaqat jaqiru, sapaqat animalaruw sapa mayni jumanakan wilanakamat wayt'ä. Sapaqat jaqiruw jaqi masipan jakañapat wayt'arakï.

2 Reyes 9:26

“Kamisatix masürux, Nabot chachampina, wawanakapampin wilapa uñjtxa, ukhamarakiw luratamatjam aka pachpa uraqin mutuyäma. Naya, Tatituw uk arsta” sasa. Ukhamasti, aptawayasin Nabot chachan uraqipar liwtanim, kunjämtix Tatitux arskäna ukhamarjama.

2 Crónicas 28:9

Uka markansti Tatitun mä profetapaw utjäna, Oded sata, jupasti ejerciton Samaria markar mantasinkiriruw jikxatäna, jupanakarusti sarakïnwa: —Nayra awkinakaman Tatit Diosapan Judá markatak q'apisitap laykuw, jumanakan amparamar uka marka katuyapxtam. Jumanakasti wali qhuru chuymampiw jupanakarux jiwayapxtaxa, uka luratanakamax alaxpachkamaw puri.

Job 16:18

Nayar akham jan wali luratax uñjatäñapawa; ¡uraqi, janiy nayan arnaqasitax imantamti!

Job 24:12

Chhuxriñchjata, niyas jiwirpacha, markat jayanakan Tatitun yanapap mayisis wararisipki, ¡ukampis Diosax janiw jupanakan mayisitap ist'kiti!

Salmos 50:21

Ukanak lurkipansa, amukïskäyätwa; nayax jumjamäkirista ukham amuytaxa. Jichhasti jumaruw juchañchäma, ajanumaruw irkatäma.

Salmos 72:14

Jupaw t'aqhisiñ taypit waysuni, jakañanakapan jila alanïtap layku.

Salmos 9:12

12 (13) Tatitux t'aqhisirinakat amtasipuniwa, jachatanakapatsa janiw armaskiti, jupanakar t'aqhisiyirinakarux mutuyiwa.

Salmos 9:13

13 (14) Tatay, nayat khuyapt'ayasita, uñisirinakaxan nayar t'aqhisiyatap uñtanim, ¡jiwañ punkutsa wayst'asita!

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Números 35:33

“Jakapkäta uka uraqirux jan jaqi jiwayañanakamp q'añuchapxamti, jaqi jiwayañax uraqi q'añuchi, janiw kunampi kuttsuyasiñas mä jaqi jiwayatat utjkiti, jan ukasti jiwayirix jiwañapapuniwa.

Hechos 5:3

Ukat Pedrox Ananiasar säna: —Ananías, ¿kunatarak supayasti chuymamar manti, Qullan Ajayur k'arintañamataki, uraqi aljat qullqit mä chikat imaqañamatakisti?

Hechos 5:9

Pedrosti saskakïnwa: —¿Kunatarak jumanakasti Tatitun Ajayupar yant'añatak ukham yatichasipxtasti? Uñtam, chachaman amayap imt'irinakax ukaxay jutasipki, jichhasti jumarurakiw apapxätam —sasa.

Deuteronomio 21:1

Moisesasti saskakïnwa: “Tatit Diosamax churkätam uka uraqintix mä jiwayat jaqir uñjapxäta, janirak khitin jiwayatapas yatiskani

Hebreos 11:4

Abel chachax iyawsäwi laykuw Caín jilapat sipan Diosarux suma waxt'äwi luqtäna, ukat Diosax juparux askit uñt'äna, waxt'äwinakapsti katuqarakïnwa. Ukhamasti Abel chachax jiwatäkchisa, iyawsañap tuqix parlaskakiwa.

Hebreos 12:24

machaq amtäwi arxatir Jesusaru, q'umachatäktan uka wilaparu, ukax Abel chachan wilapat sipan juk'amp yatiyir wilawa.

Santiago 5:4

Yapunakam apthapirinakar chanip jan phuqhat churatamax jumanakatakiw warariski. Taqi ch'aman Tatitux yapuchirinakan art'asitap ist'iwa.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

1 Samuel 13:11

Ukampis Samuelux sänwa: —¿Kunatsa uk lurta? —sasa. Saúl reyisti sarakïnwa: —Jaqinakar sarxir uñjta, jumasti janirakiw kuna urutix puriniñamäkän ukürux purinktati, filisteonakasti Micmás chiqan tantacht'atäpxänwa,