Génesis 39:2 - Qullan Arunaka DC

² Ukampis Tatituw Joseampiskäna, uywiripan utapan jakañapkamasti taqi kunas Joseatakix walikïskänwa.

Aymar Bibliia 1986

² Ucampis Tatitojj Joseampïscänwa, uywiripan utapan jacañcamasti take cunas waliquïscänwa Joseataquejja.

Qullan Arunaca

² Ucampis Tatitojj Joseampïscänwa, uywiripan utapan jacañcamasti take cunas waliquïscänwa Joseataquejja.

Génesis 39:2 Jak'a apnaqawi uñst'ayäwi

Génesis 21:20

Diosasti uka wawarux yanapänwa, jupax Parán sat wasaran jilsüna, ukan jakarakïna, jupax mich'inak antutt'añ sum yatiqäna. Qhiparusti taykapax Egiptonkir mä warmimpiw juparux jaqichxarakïna.

Génesis 21:22

Uka urunakansti Abimélec chachax Abrahamampi parliriw saräna. Ejercitopan jilïripa Ficol chachasti jupa chikaw sararakïna. Abimélec chachax Abrahamarux sänwa: —Nanakax Diosan taqi luräwiman jumar yanapatap uñjapxta.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 26:28

Jupanakasti ukxaruw sapxarakïna: —Nanakax uñjapxtwa Tatitun jumampïskatapa, ukat jumampi mä arust'äwi lurir jutapxta. Juramento lurañäni. Arust'äwisti akäniwa:

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Génesis 39:23

cárcel uñjiristi janirakiw Josean luratanakap wasitat uñakipirïkänti, Tatituw jupampïskäna, taqi kunas walikiw Joseatakix misturapïna.

Génesis 39:3

Uywiripasti amuyarakïnwa Tatit Diosan Joseampïskatapa, ukat Joseatak taqi kunan walikïskatapa.

2 Reyes 18:7

Ukat Tatitux jupar yanapäna, taqi kuntix lurañataki amtkäna ukanakan askir mistuyarakïna. Mä urusti, Ezequiasax Asiriankir reyitakiw sayt'asxäna, janiw jupar ist'añ munkxänti.

1 Crónicas 9:20

Ukat nayrasti, Finees, Eleazar chachan wawapa, jupaw jupanakan jilïripäna. ¡Tatitux jupampïpan!

2 Crónicas 1:1

Davidan Salomón yuqapasti, Tatitun yanapapampix marka apnaqäwip suma thurt'ayäna, munañanïñapas juk'ampiw jilxatäna.

Salmos 1:3

Jupax, jawir thiyan ayruntat quqar uñtatawa: wakisitarjamaw achunak churi, laphinakapax janiw wañskiti. ¡Taqi luräwinakapasti walt'askakipuniwa!

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 43:2

Taqi jan walt'añanakamanxa, nayaw jumampiskä; jawiranaksa makhatawayaskätawa, janiw umampi axskatas jiwkätati; ninanjam sarakipañamächixa, janiw nakhantat uñjaskätati,

Jeremías 15:20

Nayasti jumarux aka markatakix broncet lurat jan atipjkay pirqjam tukuyarakïma. Jumarux wal nuwantapxätam, ukampis janiw atipapkätamti, nayaw jumampi chikäskta, jumar qhispiyañataki. Naya, Tatituw uka arunak arsta.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Hechos 8:31

Uka etiope jaqisti sarakïnwa: —¿Kamisarak amuyästi, janitix khitis qhanañchkitaspa ukasti? —sasa. Ukat uka jaqix Feliper achikt'asïna carror makhatañapataki, jupa jak'an qunt'asiñapataki.

1 Timoteo 6:1

Uywatanakax uywirinakapar yäqañ chuymamp uñjañapawa, ukhamat Diosan sutipasa, nanakan yatichäwixas jan jisk'achat uñjasini.

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 6:27

Tatitux Josué chacharux yanapänwa, sutipasti taqi uksa tuqinakan aytasïna.

1 Samuel 16:18

Ukatsti jupanakat mayniw säna: —Nayax uñjtwa, Belenankir Jesé chachan mayni yuqapaw sum toct'añ yati; ukhamarus nuwasiñatakix jan axsaririwa, kunapachatix kuns parlki ukkhaxa, wali suma amuyumpiw parli, ukhamarus wali suma uñnaqt'an waynawa, Tatitusti juparux yanapt'apuniwa —sasa.

1 Samuel 18:14

Tatituw Davidar yanapäna ukat taqi kuna luräwipas nayraqataru mistüna.

1 Samuel 18:28

Ukampis Saúl reyix Tatitun Davidar yanapatap uñjasina, ukhamarak Mical phuchhapan jupar wal munasitap uñjasinsa,

1 Samuel 3:19

Samuelusti jiltaskakïnwa, Tatitusti juparux yanapänwa, arsutanakapsa jan mayan phuqharakïna.