Génesis 39:14 - Qullan Arunaka DC

¹⁴ utankir uywatanakaruw jach'at jawsäna, sarakïnwa: —Akax uñjapxam, chachaxax mä hebreo jaqi akar irpasini, jichhasti jupax jiwasat sawkasiwa. Utaruw mantani, ukat nayampiw ikintañ muni, ukampis nayax wali jach'at warartatta;

Aymar Bibliia 1986

¹⁴ utan uywatanacaruw jawsi, saraquïnwa: —Acajj uñjapjjam; chachajjajj mä hebreo jake acar irpasini, jichhasti jupajj jiwasat burlasiwa. Utaruw mantani, ucat nayampi iquintañ munejja, ucampis nayajj jach'at warartatta,

Qullan Arunaca

¹⁴ utan uywatanacaruw jawsi, saraquïnwa: —Acajj uñjapjjam; chachajjajj mä hebreo jake acar irpasini, jichhasti jupajj jiwasat burlasiwa. Utaruw mantani, ucat nayampi iquintañ munejja, ucampis nayajj jach'at warartatta,

Génesis 39:14 Jak'a apnaqawi uñst'ayäwi

Génesis 10:21

Jafet jaqin jilïr jilapa Sem chachasti wawanakanirakïnwa. Éber chachan wawanakapasti Sem chachat saraqirinakkamakïnwa.

Génesis 14:13

Ukampisa mä jaqiw uka nuwasïwit jaltanxatayna, Abramar taqi ukanak yatiyiri; Abram chachasti Mamré jaqin quqa ch'umipan jakasïna. Uka Mamré chachasti amorreo jaqïnwa; Escol, Aner chachanakan jilaparaki, jupanakasti Abram chachat arxatasipxarakïna.

Génesis 39:13

Warmisti Josean isipa amparapan iqxäsis qhiparatapatxa,

Génesis 39:15

ukham jach'at wararir ist'asasti, jupax mäkiw jalsuwayxi, isipsa jaytanukuwayiwa —sasa.

Génesis 39:17

Chachapax purinkäna ukkhasti, pachparak chachapar yatiyäna akham sasa: —Irpanktas uka hebreo uywatax utaxar mantasin waynaqañ munitu,

Génesis 39:7

mä qawqha pachatsti, Potifaran warmipax Josearuw munapayäna, ukat mä urux jupar akham säna: —Jutam, nayampi ikiskañäni —sasa.

Génesis 40:15

Nayarux hebreonakan uraqipat lunthatanipxitu, janiw carcelankañaxas wakiskiti, janiw kuna juchsa lurkaraktti —sasa.

Salmos 120:3

K'ari jaqinaka, ¿kunarak katuqätasti?

Salmos 35:11

K'ari irkatirinakaw nayatakix uñsti, kuntix jan yatkta uk jiskhipxitu.

Proverbios 10:18

K'arisir jaqinakax janiw uñisisiñ chuymap uñacht'ayapkiti; pisi chuyman jaqinakasti, taqi kun parlapxi.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Ezequiel 22:5

Jak'ankir markanakasa, jayankir markanakas jumat larusipxätamwa, k'ari diosanakani wali aytat marka, jan wali sarnaqir marka.

Mateo 26:59

Sacerdotenakan jilïrinakapampi, Jilïr Tantachasïwinkir jaqinakampisti, Jesusar k'arimpi irkatirinak thaqhapxäna, ukhamat jiwayañatak juchañchatäñapataki,

Mateo 5:11

“Kusisipxam kunapachatix jaqinakax nayar arkapxatam layku tuqipxätam, usuchjapxätam, k'arintapxätam ukkhaxa.

Lucas 23:2

Pilato nayraqatan juchañchañ qalltapxäna akham sasa: —Aka jaqirux markasar pixtuskir katjapxta. Ukatsti ‘Impuestox janiw Romankir emperadorarux churañäkiti’ siwa, ukhamarus nayax ‘Cristötwa’ sarakiwa, mä arunsti ukax ‘rey’ sañ muni —sasa.

2 Corintios 6:8

Yaqhip urunakax jach'ar aptatäpxtwa, yaqhip urunakasti ñanqhachatäpxtwa; yaqhip urux nanakat sum parlapxi, yaqhip urusti jan walirak nanakat parlapxi. Chiqap parlapkta ukasa, k'ari jaqinakarjamaw uñjapxitu.

1 Pedro 2:20

Maynitix jan wal luratanakapat t'aqhisiyatächi, ukatsti llamp'u chuymampi t'aqhischi ukaxa, janiw kuna asksa lurkiti. Ukampis, maynitix aski luratapat llamp'u chuymamp t'aqhischi ukaruxa, Tatitux jach'a waxt'äwip churani.