Génesis 38:10 - Qullan Arunaka DC

¹⁰ Diosasti Onán chachan ukham luratapata wal q'apisïna, ukat juparus jiwayarakïna.

Aymar Bibliia 1986

¹⁰ Tatitusti Onán chachan uqham luratapatjj wal colerasïna, ucatwa juparus jiwayaraquïnjja.

Qullan Arunaca

¹⁰ Tatitusti Onán chachan uqham luratapatjj wal colerasïna, ucatwa juparus jiwayaraquïnjja.

Génesis 38:10 Jak'a apnaqawi uñst'ayäwi

Génesis 46:12

Judá chachan wawanakapa: Er, Onán, Selá, Fares, Zérah. (Er, Onán sat wawanakapasti Canaán uraqin jiwxapxatayna). Fares chachan wawanakapa: Hesrón, Hamul.

2 Samuel 11:27

llaki urunak phuqhasxipansti, Davidax uka warmir irptayanïnwa, ukatsti reyi utaparuw katuqxäna, jupampiw jaqichasirakïna, uka qhipatsti uka warmix mä yuqall wawa wawachasïna. Ukampis Davidan uka luratapax janiw Tatitutakix askïkänti.

1 Reyes 17:20

Ukatsti Tatituruw jach'at achikt'asïna: “Nayan Tatit Diosaxay, ¿nayar qurpacht'iri ijma warmirux llakisiyätati, wawapa jiwayasaxa?” sasa.

1 Crónicas 2:3

Judá chachan wawanakapa: Er, Onán, Selá, jupanakänwa. Uka kimsanin taykapasti Súa chachan cananea phuchhapänwa. Ukampis Judá chachan Er sat jilïr yuqapax wali qhuru jaqïnwa, ukat Tatitux jakañap apaqäna.

1 Crónicas 21:7

Tatitutakix taqi uka luratax janiw askïkänti, ukat Israel markarux mutuyäna.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Proverbios 24:18

ukham luratamax janiw Tatitutak sumäkaniti, q'apisiñapasti jumxaruw purini.

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Hageo 1:13

Tatitun yatiyiripa Hageosti, markachirinakar Tatitun arsutap yatiyäna akham sasa: “Tatitux siwa: ‘Nayax jumanakampïsktwa, naya Tatituw arsta’ ” sasa.

Números 11:1

Mä urusti, israelitanakax Tatitutakiw arusipxäna, jupanakan jan walt'añanakan jikxatasipxatap layku. Tatitusti ukanak ist'asax walpun q'apisïna, ukat jupanakar mä nina apayanisax utjnuqäwin thiyanakap phichhantäna.

Números 22:34

Balaamasti Tatitun angelaparux sänwa: —Nayax juch lurta, janiw yatkäyätti juman uka chiqan thakhi jist'antaskatama. Jumatix Moab markar sarañax jan munkstaxa, jichhpachaw utaxar kuttawayxä —sasa.

Números 26:19

Judá chachat saraqir wila masi tamanakan wawanakapax Er, Onán, Selá, Fares, Zérah jupanakänwa. Er, Onán jupanakax Canaán uraqin jiwarapxäna, ukat jupanakax jan jakhutäpkänti.

1 Samuel 2:25

Mä jaqitix masipar jan wal luraspaxa, Tatitux uka jaqit arxataspawa, ukampis maynitix Tatitur ñanqha lurchi ukasti, ¿khitirak jupat arxataspasti?” sasa. Ukampis janiw jupanakax kuntix awkipax siskäna ukarux ist'apkänti, ukat Tatitux jupanakan jakañap apaqañ amtäna.