Génesis 37:9 - Qullan Arunaka DC

⁹ Uka qhipatsti Joseax yaqha samkampi samkasirakïna, uksti jilanakaparux yatiyarakïnwa: —Yaqha samka samkasirakiktwa. Ukansti intimpi, phaxsimpi, tunka mayan warawarampix nayatak alt'asiskir uñjta —sasa.

Aymar Bibliia 1986

⁹ Uca khepatsti Joseajj yakha samcampi samcasjjaraquiquïnwa, jilanacaparusti cuentt'araquïnwa: —Yakha samca samcasiraquictwa. Ucansti nayajj uñjtwa intimpi, phajjsimpi, tunca mayani warawaranacampisti nayaruw alt'asipjjetu —sasa.

Qullan Arunaca

⁹ Uca khepatsti Joseajj yakha samcampi samcasjjaraquiquïnwa, jilanacaparusti cuentt'araquïnwa: —Yakha samca samcasiraquictwa. Ucansti nayajj uñjtwa intimpi, phajjsimpi, tunca mayani warawaranacampisti nayaruw alt'asipjjetu —sasa.

Génesis 37:9 Jak'a apnaqawi uñst'ayäwi

Génesis 20:3

mä arumasti, Abimélec reyirux Diosaw mä samkan uñstäna, juparusti sarakïnwa: “Jichhax jiwätawa, kawkïr warmtix irptayasinkta ukax chachan warmiwa” sasa.

Génesis 37:10

Joseax uka samka awkiparu, jilanakaparu yatiykäna ukkhasti, awkipax Josear tuqinuqänwa: —¿Kuna samkarak ukasti? ¿Taykamasa, jilanakamasa, nayasa, jumatakit alt'asipxiriststi? —sasa.

Génesis 37:7

Samkansti jiwasanakax taqiniw pampankaskayätan trigo chullanak lurasa; ukatsti akatjamat nayan trigo chullaxax chiqak sayt'äna, jumanakan chullanakamasti nayan trigo chullaxar muyuntasin alt'asipxäna —sasa.

Génesis 37:8

Jilanakapasti ukxaruw sapxäna: —¿Nanakan reyixar tukusati munañamar nanakar apnaqapxitäta? —sasa. Josean ukham samkasitap jupanakar yatiyatapat juk'amp jupar uñisipxäna.

Génesis 41:25

Ukat Joseax faraonar sarakïna: —Uka pä samka juma, reyix samkaskatäta ukax mä sapa samkakiwa. Diosaw jumarux uka samka tuqi yatiyasktam kuntix jupax lurkani uka.

Génesis 41:32

Juma, reyix pä kutiw uka pachpa samka samkastaxa, Tatitux ukham lurañ amtatapuniwa, uksti jank'akirakiw lurani.

Génesis 42:6

Joseasti Egipto markan apnaqiripänwa, jupaw trigo aljäna taqi chiqat purinir jaqinakaru. Kunapachatix jilanakapax jupa nayraqatar uñstapkän ukkhasti, Josean nayräxaparuw alt'asipxäna, ajanunakapsa uraqir puriyañkama.

Génesis 43:26

Kunapachatix Joseax utapar purinxän ukkhasti, jupanakax uraqkamaw jupatak alt'asipxäna, ukatsti apapkatayna uka waxt'äwinak churapxarakïna.

Génesis 43:28

Jupanakasti alt'asisaw ukxar sapxäna: —Jumar luqtiri awkixax jakaskiwa, walikïskarakiwa —sasa.

Génesis 44:14

Kunapachatix Judá chachampi, jilanakapampix Josean utapar puripkän ukkhaxa, Joseax ukankaskänwa. Ukat jupanakax Josean nayraqatapar alt'asipxäna, ajanunakapsa uraqir puriyañkama,

Génesis 44:19

Jumax jiskt'apxistawa, awkinïpxtti jan ukax yaqha jilaxax utjaskicha uka tuqita.

Génesis 45:9

Jichhax jank'aki awkixan ukar sarapxam, ukatsti sapxarakim: “José wawamax akham siwa: ‘Diosaw nayarux aka Egipto markan mä jach'a jilïrit utt'ayitu, jichhax jank'akiy nayamp jikisiri jutam.

Génesis 46:29

Joseax awkipamp jikisir sarañatakiw carrop wakichayäna, ukat mistuwayarakïna. Joseasti awkipar uñjas ukspachaw qhumantir jaläna, ukatsti jaypachaw awkipar qhumantat jachäna.

Génesis 47:12

Ukhamarus Joseax wila masinakaparux sapa utankirinakan wakisitaparjamaw manq'añ churarakïna.

Daniel (hebreo) 8:10

Sinti jilantatapatsti, alaxpach warawaranakkamaw purïna, uka warawaranaksti williranïnwa, takisirakïnwa,

Números 12:6

Tatitux jupanakaruw säna: “Ist'apxam kuntix sapkäm uka arunaka: Jumanak taypin mä profetax nayan arunakax yatiyir utjki ukapachax, nayaw jupampix unañchäwinak tuqi parlta, samkanak tuqi parlarakta;

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,