Génesis 37:4 - Qullan Arunaka DC

⁴ Jilanakapasti awkipan Josearu sinti munasitapatsti uñisipxänwa, janirakiw aruntapxirïkänsa.

Aymar Bibliia 1986

⁴ Jilanacapasti awquipan Josearu sinti munatapatsti uñisipjjänwa, janiraquiw Josearojj aruntapjjerïcänsa.

Qullan Arunaca

⁴ Jilanacapasti awquipan Josearu sinti munatapatsti uñisipjjänwa, janiraquiw Josearojj aruntapjjerïcänsa.

Génesis 37:4 Jak'a apnaqawi uñst'ayäwi

Génesis 27:41

Ukürut uksaruw Esaú chachax, Jacob jilapar uñisïna, awkipan jupar aski waxt'äwinak churatapata, jupasti akham amtarakïna: “Awkixax niyaw jiwxani; uka qhipat Jacob jilaxarux jiwayä” sasa.

Génesis 37:11

Jilanakapasti Joseatakix wal arusipxäna, ukampis awkipax uka samkat wali lup'irakïna.

Génesis 37:5

Mä kutix, Joseax mä samka samkasitayna, uksti jilanakaparuw yatiyäna; jilanakapasti juk'amp uñisxapxäna,

Génesis 4:5

ukampis Tatitux janiw Caín chachan waxt'aparux sum uñtankataynati, ukat Cainax wal phiñasïna, uñnaqapas mayjt'awayarakïnwa.

Génesis 49:23

Jan wali ñanqha jaqinakax nuwantapxtamwa, mich'inakampiw jumar antutt'anipxtam,

Salmos 38:19

19 (20) Uñisirinakaxax waljaniptiwa; waljanipuniw ina ch'usat uñisipxitu.

Salmos 69:4

4 (5) Ina ch'usat uñisirinakaxax ñik'utanakaxat sipansa juk'amp jilawa; ina ch'usat nayar uñisipxitu, jiwayañpun munapxitu; jan lunthataskta ukanak kutiyañatakiw wayt'apxitu.

Jeremías 12:6

Pachpa jilanakama, khitinakatix wila masinakamäki ukanakaw jumarux ch'uxña lurapxtam, qhipäxamatsti jan wali arunakampiw arnaqapxtam. Suma arunakampi parlapkchïtam ukasa, jupanakarux janipun alkatasimti.

Marcos 3:25

mä utantix wila masinakax jaljtatäpxaspa ukaxa, uka utankirinakax jan waliruw puripxaspa.

Tito 3:3

Nayrapachasti jiwasanakax ukham jan amuyt'anïpxäyätanwa, Tatitur jan jaysiri, chhaqtata, kunayman jan wali munañanakan t'aqhisiyatapäyätanwa. Ñanqha lurañanakana, munapayañanakana, uñisita, jiwaskam uñisis jakaskarakïyätan.

1 Juan 2:11

Ukampis khititix jilapar uñisiski ukax ch'amakan jakaski, sarnaqaraki, janirakiw kawksar saratapsa yatiskiti, ch'amakaw juparux juykhu tukuyi.

1 Juan 3:10

Ukhamat yatisi khitinakas Diosan wawanakapaxa, khitinakarakis supayan wawanakapaxa. Kawkïritix jan aski lurki, janiraki jilaparus munaski ukaxa, janiw Diosankkiti.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?

1 Samuel 17:28

Ukampis Eliab sata Davidan jilïri jilapaxa, ukham jaqinakampi parlaskir ist'asax wal thithïna, ukat sarakïna: —¿Kunarus akar jutta? Wasarankki uka mä qawqha ovejanaksti ¿khitirus jaytaniwayta? Nayax juman jach'achasiñ munirïtamsa, jan wali amtäwinïtamsa uñt'smawa, jumax soldadonak nuwasiri uñjirikiw juttaxa —sasa.