Génesis 33:4 - Qullan Arunaka DC

⁴ Ukampis Esaú jilapax jikxatiriw jalanïna, qhumantasinsti jamp'att'arakïnwa. Panpachaniw jachapxäna.

Aymar Bibliia 1986

⁴ Ucampis Esaú jilapajj jicjjatiriw jaläna, khomantasinsti jamp'att'araquïnwa. Panpachaniw jachapjjaraquïna.

Qullan Arunaca

⁴ Ucampis Esaú jilapajj jicjjatiriw jaläna, khomantasinsti jamp'att'araquïnwa. Panpachaniw jachapjjaraquïna.

Génesis 33:4 Jak'a apnaqawi uñst'ayäwi

Génesis 29:11

ukatsti Raquelarux jamp'att'asaw aruntäna, ukat jachatatäna.

Génesis 29:13

Labanasti, kullakapan Jacob yuqapat parlir ist'asinxa, katuqiriw jalsuwayäna, jamp'att'asaw qhumantarakïna, ukatsti utaparuw irpäna. Jacobusti taqi kunatix luraskatayna ukanak yatiyäna.

Génesis 32:11

11 (12) ¡Jumay Esaú jilaxan amparapat qhispiyita! Axsarayastwa, jupax nayar jalxatir jutakispawa, ukatsti warminakaxaru, wawanakaxaruw jiwarayaspa.

Génesis 32:28

28 (29) Ukat uka jaqix säna: —Janiw jichhax Jacob satäxätati. Sutimax Israel satäxaniwa, Diosampi, jaqinakampi nuwasitamata, jumaw atipjaraktaxa —sasa.

Génesis 43:30

Jilapar uñjasinsti Joseax chuymap ch'allxtayasïna, niyas jachirjamänwa, ukat jupax jank'akiw ukawjat mistuwayäna. Utapar mantasinsti, jan chuymachkayaw jachäna.

Génesis 43:34

Joseasti jupan manq'apat jupanakar churäna, ukampis Benjaminarux mayninakat sipansa juk'amp jila churäna. Joseampi, jilanakapampisti chikaw umapxäna, wal kusisipxarakïna.

Génesis 45:2

Ukatsti Joseax wali jach'at jachäna, taqi egipcio jaqinakaw ukxa yatipxarakïna, uka arusti faraonan jach'a utapkamarakiw purïna.

Génesis 46:29

Joseax awkipamp jikisir sarañatakiw carrop wakichayäna, ukat mistuwayarakïna. Joseasti awkipar uñjas ukspachaw qhumantir jaläna, ukatsti jaypachaw awkipar qhumantat jachäna.

2 Samuel 14:33

Ukat Joab chachax reyin ukar saräna, Absalonax siskatayna uk jupar yatiyarakïna, reyisti Absalonar jawsayanïnwa. Absalonasti reyin nayraqatapar purisax uraqkamaw p'iqipa alt'asïna. Reyisti jamp'att'asaw katuqarakïna.

Nehemías 1:11

Dios Tatay, achikt'assmawa, mayisitax ist'itaya, jumar yupaychañ munir luqtirinakaman achikt'asitanakapsa ist'amaya. Jumakiy reyir suma chuym churam nayar katuqañapataki, ukhamat amtäwixan sum phuqhasiñapataki” sasa.

Job 2:12

Job chachan ukar purisinsti, jan uñt'kaya jupar jikxatapxäna; ukham jan wali uñjasinsti jach'at jachañ qalltapxarakïna, isinakapsa llakisiñan phuqt'ataw ch'iyanuqasipxäna, p'iqinakaparus laq'ampiw willxatasipxäna.

Salmos 34:4

4 (5) Tatituruw nayax art'asta, jupasti ist'ituwa, taqi llakinakaxatarak irpsutu.

Proverbios 16:7

Jaqin sarnaqäwipax Tatitur kusisiyki ukapachax, uñisirinakapamppacharuw sumankayi.

Proverbios 21:1

Reyin amtatanakapax Tatitun amparapan jawirar uñtatawa; kawkharutix jupax munki ukaruw irpi.

Lucas 15:20

Ukatsti awkipan utaparuw kuttanxäna. “Awkipasti jayankkipan juparux uñjäna, ukat jupat khuyapt'ayasisin jikxatirix jaläna, juparusti qhumantasa, jamp'att'asaw katuqäna.

Hechos 20:37

Taqinirakiw jacht'asisa Pablorux qhumantapxäna jamp'att'apxarakïna.

1 Samuel 20:41

Uywatan sarxatapatsti, Davidax imantaskän uka chiqat mistunïna, ukatsti Jonatanan nayraqatapar purisax kimsa kutiw uraqir ajanup puriyañkam alt'arakïna. Ukatsti jank'akiw jamp'att'asipxäna, panpachaniw jachapxäna, Davidan chuyma utt'ayasiñapkama.