Génesis 32:9 - Qullan Arunaka DC

⁹ 9 (10) Ukatsti Diosat mayisïna: “Tatay, Abraham achachilaxan Diosapa, Isaac awkixan Diosapa, jumaw uraqixar kuttayanista, wila masinakaxan ukarusa; jumarakiw taqi kunansa yanapaskista.

Aymar Bibliia 1986

⁹ Ucjjarusti Diosat mayisiraquïna: “Dios Tata, Abraham achachilajjan Diosapa, uqhamarac Isaac awquejjan Diosapa, jumaw orakejjar cuttayanistajja, uqhamarac familianacajjan ucarusa, uqhamarac jumaraquiw take cunansa yanapasquistajja.

Qullan Arunaca

⁹ Ucjjarusti Diosat mayisiraquïna: “Dios Tata, Abraham achachilajjan Diosapa, uqhamarac Isaac awquejjan Diosapa, jumaw orakejjar cuttayanistajja, uqhamarac familianacajjan ucarusa, uqhamarac jumaraquiw take cunansa yanapasquistajja.

Génesis 32:9 Jak'a apnaqawi uñst'ayäwi

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Génesis 31:13

Nayasti Betel chiqan uñstksma uka Diosätwa, kawkhantix jumax mä qala sayt'aykta, ukatsti ukxar aceitempi warxatasin mä arsüwi arsurakista ukätwa. ¡Aka chiqat sarxam, yurïwi uraqimar kuttxam!” sasa.

Génesis 31:29

Nayax muniristxa, kunsa lurapxakirismawa; ukampisa, wasayp'uw awkiman Tatit Diosapax parlxayitu, sarakituwa: “Ist'ita, jan qhuru arunakampi Jacobur parlxayamti” sasa.

Génesis 31:3

Ukat Tatitux Jacobur säna: “Awkiman uraqipar kuttxam, kawkhankkitix wila masinakamax ukaru, nayaw jumampïskä” sasa.

Génesis 31:42

Janitix Abrahaman Diosapaxa, Isaac awkixax yupaychkäna uka Tatitux nayampïkasapäna ukaxa, jumax jan kunani ukhampachaki khithanukutasamänxa. Ukampis Tatitux t'aqhisitaxsa, irnaqataxsa uñjiwa, ukat wasayp'ux jumar tuqinuqtamxa —sasa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Génesis 32:8

8 (9) chuymapansti sarakïnwa: “Esautix mä tama jaqinakaxar jalxatir jutanixa, maynïr tamasti jaltxapxaspawa” sasa.

Génesis 49:25

¡Awkiman Diosapax yuspagaratäpan, jupaw yanapirimaxa! ¡Taqi ch'aman Diosax yuspagaratäpan jupaw askinak churaskätam! ¡Alaxpacha askinakampi! ¡Jach'a quta manqhankir askinakampi! ¡Wawanak uywir taykanakan askinakapampi!

2 Crónicas 20:12

Nanakan Diosaxay, ¿janit jumax jupanakar mutuykätaxa? Nanakax janiw uka jach'a ejercitompi nuwasiñatak ch'amanïpkti. ¡Nanakax janiw kunsa lurirjamäpkti, ukat jumaruki uñtanipxsma!” sasa.

2 Crónicas 20:6

jupasti jach'at säna: “Nayra awkinakaxan Tatit Diosapay, ¡jumätaw alaxpachankir Diosaxa, jumarakiw taqi markanakarus apnaqtaxa! ¡Juman amparamankiw ch'amasa, munañanïñasa: janiw khitis kutkatkiristamti!

2 Crónicas 32:20

Ukhamïpan, Ezequías reyimpi, Amós chachan Isaías yuqap profetampix alaxpachar yanap mayisin art'asipxäna.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Éxodo 3:6

Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Jeremías 32:16

“Uka uraqi alat papelanak Baruc chachar churasinsti, Tatituruw akham mayisirakta:

1 Samuel 30:6

Davidasti wali llakt'ataw jikxatasïna, jaqinakasti qalampiw juparux k'upjañ munapxäna, wawanakapar ukham apapxatapatxa taqiniw wali mayjt'atäpxäna. Ukampis Davidax Tatitu Diosaparuw katuyasïna,