Génesis 30:14 - Qullan Arunaka DC

¹⁴ Mä urusti, trigo yawthapiña pachan, Rubenax pamparuw saraskäna, ukansti muxsa achunak jikxatäna, ukanaksti Lía taykapan ukaruw apäna. Kunapachatix Raquelax uka muxsa achunak uñjkän ukkhasti, Liaruw säna: —Wawamax apanirapktam uka muxsa achunakay waxt'ita —sasa.

Aymar Bibliia 1986

¹⁴ Mä urusti Rubenajj pamparuw sarascäna, trigo yawthapiñ pachana, ucansti mandrágoras sat frutanac jicjjati, ucanacsti Lea taycapan ucaruw aparaquïna. Cunapachatejj Raquelajj uca frutanac uñjän ucqhasti Learojj sänwa: —Wawamajj apanirapctam uca frutanacay wajjt'ita —sasa.

Qullan Arunaca

¹⁴ Mä urusti Rubenajj pamparuw sarascäna, trigo yawthapiñ pachana, ucansti mandrágoras sat frutanac jicjjati, ucanacsti Lea taycapan ucaruw aparaquïna. Cunapachatejj Raquelajj uca frutanac uñjän ucqhasti Learojj sänwa: —Wawamajj apanirapctam uca frutanacay wajjt'ita —sasa.

Génesis 30:14 Jak'a apnaqawi uñst'ayäwi

Génesis 25:30

ukat jilapar säna: —Uka suma wilalu manq'amay waxt'ita, manq'at sintipun awtjitu —sasa. (Ukat Esaurux Edom sutimpi uñt'ataraki).

Génesis 30:15

Ukampis Liax ukxaruw sarakïna: —Nayat chacha irpaqkasasa, jichhasti ¿wawaxax apankatayna uka muxsa achunakamppachti aparañ munistasti? —sasa. Raquelasti sarakïnwa: —Jumatix uka muxsa achunak churitätaxa, Jacobux jumampiw jichhärmax ikiskani —sasa.

Génesis 30:16

Jayp'urusti, kunapachatix Jacobux pampat kuttasinkän ukkhasti, Liax jupar katuqiriw mistüna, ukat säna: —Jichhärmax nayampiw ikïta, wawaxax churkitu uka muxsa achunakampiw alassma —sasa. Uka arumasti Jacobux Liampiw ikïna.

Cantar de los cantares 7:13

13 (14) Mandrágora alinakax niyaw q'aphinakap q'aphitatayi; punkusansti kunayman muxsa achunakaw utji: waña muxsa achunaka, jichha apaqat muxsa achunaka, munasitaxay, jumatakiw taqi ukanak imta.