Génesis 3:16 - Qullan Arunaka DC

¹⁶ Warmirusti sarakïnwa: —Wawachaskäta ukkhasti wali t'aqhisiñampiw ususïta. Ukampis chachamampix wawanïñ munaskakïtawa, jupasti jumaruw apnaqätam —sasa.

Aymar Bibliia 1986

¹⁶ Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.

Qullan Arunaca

¹⁶ Warmirusti saraquïnwa: —Wawachasiña horasansti t'akhesiñampwa yapt'ämajja, wali t'akhesiñampiw wawachasiraquïta. Ucampisa munañamajja chachamataquïniwa, juparaquiw jumarojj apnakätam —sasa.

Génesis 3:16 Jak'a apnaqawi uñst'ayäwi

Génesis 4:7

Jumatix askïki uk lurasmaxa, jach'ar aptatäsmawa; ukampisa juman jan aski luratamatxa, juchax jumar apnaqañatakix jak'amankaskiwa, ukampis jumax atipjañamawa” sasa.

1 Crónicas 4:9

Jabés chachax jilanakapat sipan taqin uñt'at jaqïnwa, taykapax Jabés sutimpiw juparux sutiyäna, jupasti sänwa: “Wali t'aqhisiñampiw wawachasta” sasa.

Ester (hebreo) 1:20

Aka kamachix taqpach markanakan yatiyatäñapawa, ukhamat taqi warminakax chachanakapar yäqapxani, qamirïpasa, jan utjirinïpasa —sasa.

Salmos 48:6

6 (7) Ukan axsarañax jupanakar katunti, wawachasiñatak ayquskir warmir uñtata;

Isaías 13:8

wali mulljataw qhiparapxani. Mä jach'a t'aqhisiñampi, llakisiñampiw jupanakxarux jutani, wawachasir warmjamaw ayquñamp q'iwisipxani. Jupanakkamaw mulljat uñkatasipxani, p'inqasiñatsa ajanunakapax ninjamaw nakhani.

Isaías 21:3

Janchixas chhijthaptituwa, wawachasir warmin janchipjamaw usurakitu, chuyma kawkst'añasti janiw ist'aykituti, axsarañas janirakiw kunsa uñjaykituti.

Isaías 53:11

Ukham sinti t'aqhisitapatsti, ukapachaw Tatitur jaysañan askïtap yatini; Tatitun chiqa luqtiripasti waljaniruw qhispiyani, jupanakan juchanakapsti juparakiw apxani.

Jeremías 13:21

“¿Kamsätas Jerusalén, kunapachatix juma pachpan yatichat jaqinakampi apnaqatäkäta ukapachaxa? Wawachasir warmin usunakapjamaw jutarakïtam.

Jeremías 22:23

Jichhax jumax utaman k'uchikïsktawa; Líbano tuqit apanit cedronak taypina; ¡ukampis niyaw t'aqhisiñ qalltäta, ayquñanakax purinkätam ukapacha, ukanakasti wawachasir warmin ayquñapjamäniwa!”

Jeremías 4:31

Usuchjatanakan wararitap ist'ta, tayna wawap wawachasiri warmin wararitapjama; ukasti Jerusalenankirinakan wararitapawa, janiw samsurjamäpkisa, wali jach'at art'asaw yanap mayipxi. Amparanakap luqatatataw sapxi: ‘¡Ay kunakïkan nayatxa! ¡Jaqi jiwayirinakaw jiwayapxitani!’ ” sasa.

Jeremías 49:24

Damasco markasti jan ch'amaniw jikxatasi, jaltxañatakikiw wakicht'asxi. Axsarañampi, llakisiñampi, usuyasiñampi katuntatawa, wawachasir warmirjama.

Jeremías 6:24

Jerusalén markansti jaqinakax sapxiwa: “Nanakax uka yatiyäw ist'apxta, axsarañasti jan ch'aman antutapxitu; mä wawachasir warmjamaw t'aqhisiñat wal ayqupxarakta.

Números 30:13

13 (14) “Warmipan Diosar phuqhañatak arsutapatsti, chachapapuniw ‘walikiw’ sañapaxa, jan ukax ‘janiw’ sañapasa.

Juan 16:21

Kunapachatix usur warmix wawachasiski ukkhax wal t'aqhisi; ukampis wawax yurxi uka qhipatsti, uka t'aqhisitapat janiw amtaskxiti, jan ukasti, mä wawa aka uraqir apanitapat wal kusisi.

1 Corintios 11:3

Ukampis nayax amuyt'apxañam munta, Cristow taqi chachan p'iqipaxa, chachasti warmipan p'iqipawa, kunjämtix Diosax Criston p'iqipäki ukhama.

1 Corintios 14:34

warminakax iglesian tantachasïwinakapan amukïpxañapawa, janiw parlañapax wakiskiti. Jupanakax chachanakapar jaysapxañapawa, kamisatix kamachix siski ukhamaru.

1 Corintios 7:4

Janiw warmix janchipat munañanïkxiti, jan ukasti janchipax chachapankxiwa, janirakiw chachas janchipat munañanïkxiti, jan ukasti janchipax warmipankxiwa.

Colosenses 3:18

Warminaka, chachanakamar ist'apxam, Diosankirjamax ukham lurapxañamaw wakt'apxtam.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.

1 Timoteo 2:13

Diosax Adanaruw nayraqat irnuqäna, ukat Evarux irnuqarakïna uka layku;

1 Timoteo 2:15

Ukampis warmix wawanïsina, lurañanakapa phuqhasin qhispiyasini, jupatix iyawsañampi, munasiñampi, q'uma kankañampi suma amuyt'ampirak sarnaqani uka.

Tito 2:5

suma amuyunïpxañapawa, q'uma chuymaninaka, utapsa sum apnaqirinaka, chachaparus suma chuymampi ist'irinaka, ukhamat Diosan arunakapat jan khitis jan wali parlasipkañapataki.