Génesis 29:6 - Qullan Arunaka DC

⁶ —¿Jupax walikïskiti? —sasaw Jacobux jiskt'askakïna. Awatirinakasti sarakïnwa: —Jïsa, Labanax walikïskiwa. Uñtam, akaxay Raquel phuchhapax ovejanak anakisinki —sasa.

Aymar Bibliia 1986

⁶ —¿Waliquïsquiti jupajja? —sasaw Jacobojj jisct'araquïna. —Jïsa, waliquïsquiwa. Uñtam acajjay Raquel phuchapajj ovejanac anaquisinqui —sasaw awatirinacajj sapjjaraquïna.

Qullan Arunaca

⁶ —¿Waliquïsquiti jupajja? —sasaw Jacobojj jisct'araquïna. —Jïsa, waliquïsquiwa. Uñtam acajjay Raquel phuchapajj ovejanac anaquisinqui —sasaw awatirinacajj sapjjaraquïna.

Génesis 29:6 Jak'a apnaqawi uñst'ayäwi

Génesis 29:7

Ukat Jacobux sarakïna: —Urüskiwa, ukhamarus ovejanak uyur anantañax janïräkiwa, uma umart'ayasin awatisipkakim —sasa.

Génesis 37:14

Awkipasti ukxaruw sarakïna: —Ukhamax saramaya, uñjt'anim, kunjämäskis jilanakamasa, ovejanakasa, ukatsti jank'akiw nayar yatiyir kuttanïta —sasa. Joseasti Hebrón qhirwat mistuwayasin Siquem chiqaruw purïna,

Génesis 43:27

Joseasti jupanakar aruntasinxa, jiskt'arakïnwa: —¿Kunjämäsipktasa, awkimas kunjämäskarakisa? ¿Jakaskiti? —sasa.

2 Samuel 20:9

Joab jaqisti Amasá jaqirux kupi amparapampiw jamp'att'añatak sunkhapat waythapïna, ukat jiskt'arakïna: —¿Jilata, walikïsktati? —sasa.

Éxodo 18:7

Moisesasti Jetró awkch'ipar katuqiriw mistuwayäna. Ukatsti jupan nayraqatapan alt'asisaw jamp'att'arakïna; aruntasisasti chhujllaruw mantapxi.

Éxodo 2:16

Uka qhipatsti paqallqu tawaqunakaw uka chiqar purinipxarakïna, ovejanakapar umt'ayañatak uma waysuri. Jupanakasti Madián chiqankir Jetró sacerdoten phuchhanakapänwa.

1 Samuel 17:22

Davidasti q'ipipxa khititix nuwasiñ yänak uñjirïkis uka jaqiruw jaytt'awayäna, ukatsti israelitanakax siqicht'atäpki uka taypiruw jalantawayäna, kunjamäskis jilanakapax uk yatxatiri.