Génesis 28:3 - Qullan Arunaka DC

³ Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Aymar Bibliia 1986

³ Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Qullan Arunaca

³ Take ch'amani Diosaw jumaru bendicïtam, wawanacamsa waljaniru tucuyaracpan, uqhamat jumatjja walja marcanaca mistuñapataqui.

Génesis 28:3 Jak'a apnaqawi uñst'ayäwi

Génesis 1:28

Ukatsti jupanakarux aski waxt'äwinak churäna: “Mirantapxam, walja wawanakanïpxam, aka uraqirusti phuqhantapxam, ukat apnaqapxam; taqi chawllanakarusa, jamach'inakarusa, uraqinjam qatatnaqtir animalanakarus apnaqapxarakim” sasa.

Génesis 13:16

Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.

Génesis 17:20

Ismael tuqitsti mayisitam ist'araksmawa, juparux aski waxt'äwinak churarakïwa; wawanakapas waljanipunïniwa. Ismael chachasti tunka payani jach'a jilïrin awkipäniwa, jupatsti mä jach'a marka tukuyarakï.

Génesis 24:60

Rebecan wila masinakapasti aka aski arunak arsusaw khitxapxäna: “Munat kullaka, ¡Jumasti waranqa, waranqanakan taykapar tukum! ¡Wawanakamasti uñisirinakapan markanakapsa katuntapxarakpan!” sasa.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 26:4

Wawanakamarusti alaxpacha warawaranakjam waljaniruw tukuyä, jupanakarusti taqi aka uraqinak churarakï. Wawanakam tuqiw aka uraqinkir markanakax jach'añchat uñjasipxani,

Génesis 27:33

Isaacasti wal mulljasïna, ukatsti khathatt'asisaw sarakïna: —Ukhamasti, ¿khitirak mä animal katur saristi, ukat nayatak mä suma manq'a phayt'arakisti? Nayasti janïra juma purinkipan taqpach manq'antxta, ukhamarus juparuw aski waxt'äwix churxta, jichhasti jupaw uk katuqxi —sasa.

Génesis 35:11

Tatitux saskakïnwa: “Nayätwa taqi ch'aman Diosaxa; wawanakamasa, wawanakaman wawanakapas waljapunïpan. Jumat mä jach'a markax mistuni, walja markanakasa, wawanakam taypinsti reyinakaw utjani.

Génesis 41:52

Ukxankir wawaparusti Efraín sutimpiw ucharakïna, jupasti sarakïnwa: “Diosaw nayarux wawanak apayanitu, t'aqhiskta uka markana” sasa.

Génesis 43:14

Taqi ch'aman Diosasti uka jaqirux suma chuyma churpan, jumanakar sumaki uñjañapataki, ukhamat mayni jilamaru, Benjaminarus antutaniñapataki. ¡Nayan jan wawani qhiparañaxatix wakischi ukaxa, ukhamäpanaya! —sasa.

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

Génesis 48:4

“Nayaw walja wawanakani tukuyäma, wawanakamasti walja markanak sayt'ayani. Ukhamarusa, wawanakamaruw aka uraqi churä. Wiñayatakiw jupanakankarakini” sasa.

Génesis 49:25

¡Awkiman Diosapax yuspagaratäpan, jupaw yanapirimaxa! ¡Taqi ch'aman Diosax yuspagaratäpan jupaw askinak churaskätam! ¡Alaxpacha askinakampi! ¡Jach'a quta manqhankir askinakampi! ¡Wawanak uywir taykanakan askinakapampi!

Génesis 9:1

Diosasti Noé chachampiru, wawanakapampirux aka arunakampiw aski waxt'äwinak churäna: “Jichhax walja wawanakanïpxam, aka uraqirusti phuqhantapxam.

Salmos 127:1

Tatitutix jan utachkaspaxa, inamayakiw utachirinakax ch'am tukusipkaspa; Tatitutix markar jan imkaspaxa, inamayakiw marka uñjirinakax uñch'ukisipkaspa.

Salmos 127:3

Yurirapkistu uka wawanakax, Tatitun aski churäwinakapawa.

Éxodo 1:7

Ukampisa, israelitanakax walja wawanakanïnwa, jupanakat saraqirinakasti walpun mirantäna, wali ch'aman markaruw tukurakïna. Egipto markansti taqi chiqanakan israelitanakax utjxäna.

Éxodo 6:3

Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

2 Corintios 6:18

nayax jumanakan Awkimäyäwa, jumanakasti nayan yuqanakaxa, phuchhanakaxäpxätawa, uksti naya taqi ch'aman Tatituw arsta” sasa.

Apocalipsis 21:22

Janiw kuna qullan utsa uka markan uñjkti, uka markan qullan utapasti Tatituwa, taqi ch'aman Diosawa, Corderorakiwa.

Rut 2:4

Ukürusti Booz chachax Belén markat yapup uñjiriw purïna, yawthapirinakarusti aruntarakïnwa: —Tatitux jumanakampïpan —sasa. Jupanakasti: —Tatitux askinakap jumar churpan —sasaw aruntapxarakïna.