Génesis 28:18 - Qullan Arunaka DC

¹⁸ Qhipärmanthisti, Jacobux wali willjtaw sartasïna, ukatsti ch'ijmt'askatayna uka qalxa mä pilaräkaspas ukham sayt'ayäna, ukatsti aceitempi warxatasin Tatitur luqtäna.

Aymar Bibliia 1986

¹⁸ Khepärmanthi alwasti Jacobojj wali alwat sartasi, ucatsti cawquïri kaltejj ch'ijmt'ascatayna ucwa sayt'ayi mä pilaräcaspas uqhama, ucatsti aceitempi warjjatasinwa Diosar loktata tucuyaraquïna.

Qullan Arunaca

¹⁸ Khepärmanthi alwasti Jacobojj wali alwat sartasi, ucatsti cawquïri kaltejj ch'ijmt'ascatayna ucwa sayt'ayi mä pilaräcaspas uqhama, ucatsti aceitempi warjjatasinwa Diosar loktata tucuyaraquïna.

Génesis 28:18 Jak'a apnaqawi uñst'ayäwi

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 22:3

Qhipärmanthi willjtasti, Abrahamax sartasisin phäña lawa ch'iyjäna, nakt'ayat wilañchataki. Ukatsti asnopa karunt'asin kawkharutix Diosax siskatayna uka chiqaruw saräna. Isaac wawapampi, pani uywatapamp chika.

Génesis 28:11

Mä chiqar purisinsti, ch'amakthapxipan uka arumax uka chiqar ikt'iriw qhipart'äna. Mä qala ch'ijmacht'asisin uka chiqan ikt'äna.

Génesis 31:13

Nayasti Betel chiqan uñstksma uka Diosätwa, kawkhantix jumax mä qala sayt'aykta, ukatsti ukxar aceitempi warxatasin mä arsüwi arsurakista ukätwa. ¡Aka chiqat sarxam, yurïwi uraqimar kuttxam!” sasa.

Génesis 31:45

Ukhamasti Jacobux mä qala ittasin mä pilarjam sayt'ayäna,

Génesis 35:14

Jacobusti uka chiqan qalat mä pilarar uñtat sayt'ayäna, kawkhantix Diosax jupar parlxaykatayna ukkharu, ukatsti aceitempi, vinompi warxatasaw Tatitur luqtxäna.

Génesis 35:20

Jacobusti amay imäwip patxarux qalanakat mä pirqa sayt'ayäna. Uka pirqasti jichha urunakkamaw Raquelan amayapax kawkharutix imt'atäki uka chiq uñacht'ayaski.

2 Samuel 18:18

Absalonax jakkasaw mä jach'a qala pirqa lurayasitayna, ukasti Reyin Qhirwapan jikxatasi, uka pirqarusti sutip uchatayna, jan wawanïtap layku, ukhamat sutipan jan chhaqhañapataki. Jichhakamas uka pirqax “Absalonan pirqapa” satäskapuniwa.

Salmos 119:60

Jank'akiw sartasta, jan suyasarakiw arsutanakam phuqta.

Eclesiastés 9:10

Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Isaías 19:19

Egiptonsti uka urunxa Tatitur luqtat mä altaraw utjani, qurpanakap jak'ansti Tatitutakix mä qalarakiw sayt'ayatäni.

Números 7:1

Kunürutix Moisesax qullan chiqawja sayt'ayañ tukuykän ukürux, aceitemp jawintasaw qullan chiqawjan yänakapampi, altaran yänakapamp qullanañchäna.

Josué 4:9

Ukhamarusa, Josué chachax yaqha tunka payan qalanak ucharakïna, kawkha chiqarutix arust'äwi arca apir sacerdotenakax sayt'asipkän uka chiqaru. Uka qalanakasti jichhürkamaw ukankaski.

1 Samuel 7:12

Ukatsti Samuelux mä qal ittasin Mispá, Sen uka pä marka taypiruw uskt'äna, ukatsti Eben-ézer sasaw sutichäna, sarakïnwa: “Tatitux jichhakamaw yanapt'askistu” sasa.