Génesis 28:13 - Qullan Arunaka DC

¹³ Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Aymar Bibliia 1986

¹³ Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Qullan Arunaca

¹³ Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Génesis 28:13 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 13:15

uñjktas uka uraq nayaw jumar churäma, wiñayatakiw jumankani, wawanakamankarakini.

Génesis 13:17

¡Sartasim, ukatsti uksaru aksaru uñatatas saram, nayaw jumar aka uraq churäma!” sasa.

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 28:4

Tatituy kuntix Abraham awkisaru arsuwaykän uka aski waxt'äwinaksa jumampiru, wawanakamampir churpan. Ukhamat kawkhantix jichhax jaya jaqjam jakasktan uka uraqi katusipxañamataki, Dios kipkaw ukxa Abrahamar arsuwayi” sasa.

Génesis 31:13

Nayasti Betel chiqan uñstksma uka Diosätwa, kawkhantix jumax mä qala sayt'aykta, ukatsti ukxar aceitempi warxatasin mä arsüwi arsurakista ukätwa. ¡Aka chiqat sarxam, yurïwi uraqimar kuttxam!” sasa.

Génesis 31:42

Janitix Abrahaman Diosapaxa, Isaac awkixax yupaychkäna uka Tatitux nayampïkasapäna ukaxa, jumax jan kunani ukhampachaki khithanukutasamänxa. Ukampis Tatitux t'aqhisitaxsa, irnaqataxsa uñjiwa, ukat wasayp'ux jumar tuqinuqtamxa —sasa.

Génesis 31:5

jupanakarusti akham säna: —Amuyasxtwa, awkimax janiw nayrjama nayar sum uñjkxituti; ukampis awkixan Diosapax nayampïskapuniwa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Génesis 32:10

10 (11) Janiw kuna askïktsa juman nayar khuyapayasiñampi, chiqa kankañampi uñjañamatakixa. Nayax thujru maya ayt'atakiw aka Jordán jawir makhatäyäta, ukampis jichhax jaqinakaxasa, uywanakaxas pä tamawa.

Génesis 32:9

9 (10) Ukatsti Diosat mayisïna: “Tatay, Abraham achachilaxan Diosapa, Isaac awkixan Diosapa, jumaw uraqixar kuttayanista, wila masinakaxan ukarusa; jumarakiw taqi kunansa yanapaskista.

Génesis 35:1

Tatitux Jacoburux sänwa: “Kunapachatix jumax Esaú jilamat jaltkäyäta ukkhaw nayax Betel chiqan uñstayäsma. Ukhamasti jichhax Betel markar jakasir kuttxam, ukan mä altar lurarapitäta” sasa.

Génesis 35:12

Abrahamaru, Isaacaru churkta uka uraqsti jumaruw churaraksma, ukxarusti wawanakamaruw churarakï” sasa.

Génesis 35:15

Uka chiqarusti Jacobux Betel sutimpiw uchäna, uka sutisti “Tatitun utapa” sañ muni.

Génesis 35:17

Wali t'aqhisiskän ukkhaw usuyir warmix säna: “Jan axsaramti, yuqall wawamp wawachastaxa” sasa.

Génesis 46:3

Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

1 Crónicas 16:16

Abrahamampi arust'äwi luratasa, Isaacampi juramento luratasa,

1 Crónicas 16:18

kunapachatix siskäna: ‘Nayax Canaán uraqi churäma jumar wakt'ir churäwimjam katuyxäma’ sasa.

Salmos 105:11

jupax sänwa: “Jumaruw Canaán uraq churxäma, jumar wakt'ir churäwimjam katuyxäma” sasa.

Éxodo 2:24

mayisitanakap ist'arakïna, kuna arust'äwtix Abrahamampi, Isaacampi, Jacobumpi lurkatayna ukat amtasisa.

Éxodo 3:6

Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Éxodo 4:5

—Israelan jilïrinakap nayraqatan uka pachparak luram. Ukhamat iyawsapxani Abraham, Isaac, Jacob uka nayra awkinakaman Tatit Diosapan jumar uñstatapa —sasa.

Éxodo 6:4

Ukhamarus jupanakamp mä arust'äwi lurta, jupanakar Canaán uraqi churañatakiw arsurakta, kawkhantix jupanakax nayra pachan jayankir jaqinakjam jakapkäna uka uraqi.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Ezequiel 28:25

Naya, Tatituw sista: “Nayaw Israel markarux ananukutäpki uka markanak taypit tantachthapï, ukatsti nayan q'uma kankañax taqi markanak nayraqatan uñacht'ayarakï. Israel markax pachpa uraqiparuw utjnuqtxani, Jacob luqtirixar churkta uka uraqiru.

Amós 7:7

Tatitux ak uñacht'ayarakitu: Jupasti mä uyu pirqa jak'ankaskänwa, uta luririn plomadap apt'ata.

Mateo 22:32

“Nayax Abrahamana, Isaacana, Jacobun Diosapätwa” sänwa. ¡Diosax janiw jiwatanakan Diosapäkiti, jan ukasti jakirinakan Diosapawa! —sasa.

Hechos 7:5

Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Deuteronomio 1:8

Nayaw taqi uka uraqinak amparamar katuyapxsma; jichhasti sarapxamay uka uraqinak katuntiri, naya Diosaw uka uraqinak Abrahamampiru, Isaacampiru, Jacobumpiru, jupanakat saraqir wawanakapampir churañatak juramentomp arsta’ sasa.

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.