Génesis 28:12 - Qullan Arunaka DC

¹² Uka arumasti mä samka samkasïna, uka samkansti mä escalera uñjäna, uraqit alaxpachkam makhataskiri, ukanjamsti Diosan angelanakapaw makhatasipkäna, saraqasinipkarakïna.

Aymar Bibliia 1986

¹² Ucansti mä samca samcasïna, uca samcansti mä escalera uñjäna aca oraketa alajjpachcama maqhatasquiri, uca escaleranjamsti Diosan angelanacapaw maqhatasipcäna, sarakasipcaraquïna.

Qullan Arunaca

¹² Ucansti mä samca samcasïna, uca samcansti mä escalera uñjäna aca oraketa alajjpachcama maqhatasquiri, uca escaleranjamsti Diosan angelanacapaw maqhatasipcäna, sarakasipcaraquïna.

Génesis 28:12 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 15:12

Kunapachatix arumäxän ukkhasti, Abram chachax ikt'asxänwa. Ukatsti akatjamat mä jach'a ch'amakan muyuntat uñjasïna, ukatsti Abram chachax wal axsarayasïna.

Génesis 20:3

mä arumasti, Abimélec reyirux Diosaw mä samkan uñstäna, juparusti sarakïnwa: “Jichhax jiwätawa, kawkïr warmtix irptayasinkta ukax chachan warmiwa” sasa.

Génesis 41:1

Pä mara qhipatsti, mä urux, faraonax mä samka samkasïna, samkapansti jupax Nilo jawira thiyan sayt'atäskänwa,

1 Reyes 19:5

Ukatsti retama ali thiyan ikjawayxäna. Ukampis mä angelaw purinisin llamkt'äna akham sasa: “Sartasim, ukat manq'asirakim” sasa.

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Daniel (hebreo) 7:1

Mä arumaxa, Belsasar reyix, mä mara Babilonia marka apnaqaskäna ukkhasti, Danielax mä samka samkasitayna, unañchäwinak uñjarakitayna. Ikit uñatatasinsti, kuntix samkan uñjkatayna taqi ukanak qillqsüna:

Números 12:6

Tatitux jupanakaruw säna: “Ist'apxam kuntix sapkäm uka arunaka: Jumanak taypin mä profetax nayan arunakax yatiyir utjki ukapachax, nayaw jupampix unañchäwinak tuqi parlta, samkanak tuqi parlarakta;

Mateo 1:20

Ukham lup'iskiriruw, Tatitun angelapax samkan uñstäna, ukat sarakïna: “José, Davidan yuqapa, Mariar warmimat katuqañ jan axsaramti, yurkani uka wawax Qullan Ajay tuqiw utji.

Mateo 2:19

Herodesan jiwatap qhipatsti, Tatitun angelapaw Egipto markan Josearux samkan uñstäna, ukatsti juparux sarakïnwa:

Juan 1:51

Jesusax saskakïnwa: —Qhanak sapxsma, jumanakax alaxpach jist'arat uñjapxäta, Diosan angelanakaparusti, Jaqin Yuqapxar makhataskiri, saraqasinkir uñjapxarakïta —sasa.

Hebreos 1:1

Diosax khä urunakanxa, walja kutiw nayra awkinakasarux kunaymanita profetanak tuqi parläna.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.