Génesis 28:1 - Qullan Arunaka DC

¹ Ukatsti Isaacax Jacoburuw jawsayanïna, juparusti aski waxt'äwinak churasin sarakïna: “Aka Canaán uraqinkir warminakampix janipun jaqichasimti.

Aymar Bibliia 1986

¹ Isaacasti ucapachajj Jacobor jawsasinjja bendicïnwa, ucatsti saraquïnwa: “Janipun aca Canaán oraken jaquir warminacampi casarasimti.

Qullan Arunaca

¹ Isaacasti ucapachajj Jacobor jawsasinjja bendicïnwa, ucatsti saraquïnwa: “Janipun aca Canaán oraken jaquir warminacampi casarasimti.

Génesis 28:1 Jak'a apnaqawi uñst'ayäwi

Génesis 24:3

ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

Génesis 24:37

Uywirixasti mä juramento lurayitu, sarakituwa: “Jan munamti wawaxan aka Canaán uraqinkir warminakampi jaqichasiñapxa, kawkhantix nayax utjaskta ukana, jan ukasti

Génesis 24:4

uraqixaruw saräta, ukansti nayan wila masinakax taypit jupatak mä warmi ajllinirapïta —sasa.

Génesis 27:4

Ukatsti mä suma manq'a phayt'arapita, kunjämtix munirïktxa ukhama, ukatsti nayan manqt'asiñaxatak apanirapita. Ukat nayax janïr jiwkasin aski waxt'äwinak churawayxäma —sasa.

Génesis 27:46

Rebecasti Isaacar sarakïnwa: —Aka hitita warminakampi jakañata qaritäxtwa, kawkïrinakampitix Esaú yuqasax jaqichaski ukanakampi. Janiw jakañsa munkxtti. Jacobutix aka Canaán uraqin utjir warminak taypit mayni hitita warmimpi jaqichasispa ukasti, ¡jiwxañaxakiw walïxaspa! —sasa.

Génesis 28:6

Esaú chachasti, kunjämtix Isaac awkipax Jacobur aski waxt'äwip churkäna uk uñjatayna, ukhamarak Padán-aram uraqin jaqichasiñapatak khitxatap uñjäna. Jupasti sum amuyäna, kunapachatix Jacob awkipax aski waxt'äwip churkäna ukkhax janipun uka Canaán uraqinkir warminakamp jaqichasiñapa iwxt'atapa,

Génesis 34:16

Ukapachakiw jumanakax phuchhanakaxampi jaqichasipxäta, nanakas phuchhanakamampi jaqichasipxä; ukhamat jumanakampi jakapxä, ukatsti mä sapa markakïñäniwa.

Génesis 34:9

ukhamat jumanakax nanakan wila masixa tukupxäta; ukhamat nanakas phuchhanakamampi jaqichasipxä, jumanakas phuchhanakaxampi jaqichasipxarakïta.

Génesis 38:2

Uka chiqansti Judá chachax Súa sat cananeo jaqin phuchhaparuw uñt'äna, ukatsti jupampiw jaqichasxäna. Uka qhipatsti,

Génesis 48:15

Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

Génesis 49:28

Akanakaw Israelan tunka payan ayllunakapaxa, uka arunakarak awkipax sapa maynir askinak churas arsuwayi.

Génesis 6:2

Diosan wawanakapasti uka warminakan jiwakïpxatap uñjapxäna. Ukat uka warminak ajllisipxäna, ukanakampiw jaqichasipxäna.

Jeremías 29:6

Jaqichasipxam, ukatsti wawanakanïpxam, jupanakasti jaqichasipxpan ukatsti wawanakanïpxarakpan. Uka markansti waljaniptapxam, janirak juk'anir tukupxamti.

Deuteronomio 33:1

Moisesax Diosar luqtir mä jach'a profetänwa. Janïra jiwkasin jupax israelitanakar aski arunak arsüna,

Josué 22:7

Moisesax, Manasés chachan ayllupankir maynïr chikat jaqiparux, Basán chiqankki uka uraqi churxatayna. Maynïr chikat jaqiparusti, Josué chachax israelit jilanakapan uraqip taypiruw uraqinak churäna, Jordán jawira inti jalanta tuqiru, ukat jupax nayrïr tamarux askinak churasin khithanukxäna.