Génesis 27:40 - Qullan Arunaka DC

⁴⁰ Espadamampiw sayt'asirakïta, jilaman uywatapäyätawa; ukampis ch'amani tukxäta ukkhawa, jupan munañanïñapat qhispirakïta” sasa.

Aymar Bibliia 1986

⁴⁰ Espadamampiw sayt'asiraquïta, jilaman sirviriparaquïyätawa; ucampisa cunapachatejj ch'amanëjjäta, ucapachasti jupatjja khespjjaraquïtawa” sasa.

Qullan Arunaca

⁴⁰ Espadamampiw sayt'asiraquïta, jilaman sirviriparaquïyätawa; ucampisa cunapachatejj ch'amanëjjäta, ucapachasti jupatjja khespjjaraquïtawa” sasa.

Génesis 27:40 Jak'a apnaqawi uñst'ayäwi

Génesis 25:23

Tatitusti sarakïnwa: “Purakaman pä markaw ukankaski. Janïra yurkasin jupanak pura ch'axwir pä marka. Jupanakat maynïrix maynit sipansa jila ch'amanïniwa, jilïriw sullkarux jaysani” sasa.

Génesis 27:29

Taqi jaqinakax jumar luqtirïpxpan; jach'a markanakas juma nayraqatan killt'aspan. ¡Pachpa wila masinakamas juma nayraqatan killt'asipxpan, jupanakan jilïripätam uñt'apxpan! ¡Jumar ñanqhachirinakax ñanqhachatäpan! ¡Jumar jach'añchirinakasti jach'añchatäpan!” sasa.

Génesis 32:6

6 (7) Khithanakax kuttxapxän ukkhasti, Jacoburux sapxänwa: —Esaú jilamar uñjirix sarapxtwa, jichhasti jupa kipkaw jumar katuqir pusi patak jaqinakampi chikt'at jutaski —sasa.

Génesis 33:9

Esaú chachasti sänwa: —Janiw munat jilata, uywanakax nayan utjaskituwa. Kunatix jumankki ukax jumankaskakpan —sasa.

2 Samuel 8:14

Ukatsti Edom uraqpachan uñjirinak uskurakïna, edomita jaqinakasti Davidan apnaqataw uñjasïna, Tatituw Davidar taqi tuqin atipjayäna.

2 Reyes 14:10

Chiqpachansa, jumax edomitanakar atipjtawa, ukat chuymamax jach'achasi. Walikiwa, aytat kankañamat kusisim; ukampis jan kuna llakin utamankaskam. ¿Kunatarak jan walir puriñamatak ch'axwañ muntasti, juma pachpa aynacht'añataki, Judá markan aynacht'añapatakisa?” sasa.

2 Reyes 14:7

Amasías reyix tunka waranqa edomita jaqinakaruw jiwarayäna Jayu Qhirwa sat chiqana, ukatsti Selá sat marka katuntäna, uka markarusti Jocteel sutimpiw sutinchäna, ukasti jichhürkamaw ukham sutinïski.

2 Crónicas 21:10

Ukampis Edom markax Judá markampi apnaqayasiñat jichhürkamaw yaqhachasxi. Uka urunakansti Libná markax yaqhachasxarakïnwa, Joram reyin Tatitur apanukutapata, nayra awkinakapan Diosapat armasitap layku.

2 Crónicas 21:8

Joram reyix marka apnaqkäna ukkhasti, Edom markax Judá markatakiw sayt'asïna, ukatsti jupanak taypit mä reyi utt'ayasipxäna.

2 Crónicas 28:17

Edom uraqinkir jaqinakax wasitat mantantasin, Judá markarux atipjapxatayna, ukatsti mä qawqha jaqinakar katuntasin apapxarakitayna.

Salmos 60:8

8 (10) Moab uraqix jarisiñ llataxawa; Edom uraq patxaruw wiskhunakax uchasï; ¡Filisteo jaqinakar atipjataxat arnaqasï!” sasa.

Mateo 10:34

“Janiy amuyapxamti, nayax akapachar sumankañsa apankirista ukhama; janiw sumankañ apankti, jan ukasti jan walt'ayasiñanakak apanta.