Génesis 27:4 - Qullan Arunaka DC

⁴ Ukatsti mä suma manq'a phayt'arapita, kunjämtix munirïktxa ukhama, ukatsti nayan manqt'asiñaxatak apanirapita. Ukat nayax janïr jiwkasin aski waxt'äwinak churawayxäma —sasa.

Aymar Bibliia 1986

⁴ Ucatsti mä suma mank'a phayt'arapita, cunjämtejj munirïctjja uqhama, ucatsti apanirapita nayan mankt'asiñajjataqui. Ucat nayajj bendición churawayjjäma janïr jiwcasina —sasaw säna.

Qullan Arunaca

⁴ Ucatsti mä suma mank'a phayt'arapita, cunjämtejj munirïctjja uqhama, ucatsti apanirapita nayan mankt'asiñajjataqui. Ucat nayajj bendición churawayjjäma janïr jiwcasina —sasaw säna.

Génesis 27:4 Jak'a apnaqawi uñst'ayäwi

Génesis 14:19

Ukatsti Abram chacharuw aka arunakampi aski waxt'äwi churäna: “Alaxpachankir Diosaw aski waxt'äwinak churätam, jupasti alaxpacha, akapacha luririwa;

Génesis 24:60

Rebecan wila masinakapasti aka aski arunak arsusaw khitxapxäna: “Munat kullaka, ¡Jumasti waranqa, waranqanakan taykapar tukum! ¡Wawanakamasti uñisirinakapan markanakapsa katuntapxarakpan!” sasa.

Génesis 27:14

Jacobusti cabritonak aptiriw saräna, ukatsti taykapan ukaruw apanïna. Rebecasti mä suma manq'a phayt'äna, kunjämtix Isaacax munirïki ukhama.

Génesis 27:17

ukatsti wakichkatayna uka suma manq'ampi, t'ant'ampi Jacobur apxaruyäna.

Génesis 27:19

Jacobusti sarakïnwa: —Esaú jilïr yuqamätwa. Kuntix maykista uk wakicht'anta. Qunt'asimaya, kuna animaltix katunirapksma uk manqt'asim, ukatsti aski waxt'äwim churawayxita —sasa.

Génesis 27:23

Ukhamasti Isaacax janiw Jacobur amuyirjamäkänti, amparanakapan Esaunkirjam t'arwararätapata. Ukampis aski waxt'äwi churañampïskän ukkhaw,

Génesis 27:25

Ukat awkipax säna: —Waxt'itay wawa, kuna animaltix jiwayasin phayt'ankta uk manqt'asï, ukatsti aski waxt'äwi churxarakïma —sasa. Jacobusti awkiparux manq'a churäna, vino churarakïna, awkipasti manq'asïnwa, umt'asirakïnwa.

Génesis 27:27

Jacobusti jak'achasisin awkipar jamp'att'äna. Isaacasti Jacobun isip mukt'asin aka arunakampiw aski waxt'äwi churäna: “Jïsa, aka q'aphix wawaxan q'aphipawa. Diosan jach'añchat pampanakan q'aphipjamawa.

Génesis 27:31

Jupasti mä suma manq'a phayt'arakïna, ukatsti awkipan ukaruw apäna, juparusti sarakïnwa: —Sartasim tata; kuna animaltix jiwayasin phayt'arapksma uk manqt'asim, ukatsti aski waxt'äwim churxita —sasa.

Génesis 27:5

Ukampisa Rebecax kuntix Isaacax Esaú wawapar siskäna uk sum ist'askäna. Ukat kunapachatix Esaux qullur mistuwayxän ukkhasti,

Génesis 27:7

“Qulluruy saram, mä animal katunirapita, ukatsti mä suma manq'a phayt'arapita manqt'asiñaxataki, ukat janïr jiwkasa Tatit nayraqatan aski waxt'äwinak churawayxäma” sasa.

Génesis 27:9

Kawkhankkitix uywanakasax ukar saram, ukatsti suma lik'i cabritonakat paya aptanim; nayaw awkimatak mä suma manq'a phayt'arapï, jupax munirïki ukhama.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 48:9

Joseasti ukxaruw sarakïna: —Jupanakax Diosax aka Egipto uraqin churkitu uka wawanakawa —sasa. Ukat awkipax säna: —Uka wawanak jak'ar irpkatanirapita, nayan aski waxt'äwinak churañaxataki —sasa.

Génesis 49:28

Akanakaw Israelan tunka payan ayllunakapaxa, uka arunakarak awkipax sapa maynir askinak churas arsuwayi.

Lucas 2:34

Ukat Simeonax jupanakar aski waxt'äwip churäna, Jesusan taykaparusti sarakïnwa: —Aka wawax Israelankirinakat waljanin qhispiñapatak uchatawa, waljanin mutupxañapatak uchatarakiwa; jupasti mä chimpüniwa, yaqhipanakax katuqapxaniwa, yaqhipanakasti janiw katuqapkaniti,

Lucas 24:51

Jupanakar aski waxt'äwip churkipanwa, jupanakat jithiqtawayxäna, ukatsti alaxpachar apataw uñjasxäna.

Hebreos 11:20

Isaacax iyawsäwi laykuw Jacobumpiru, Esaumpiru qhipa urunakan walja askinak churañatak arsuwayäna.

Josué 14:13

Ukat Josué chachax Caleb chacharux askinak churäna, ukatsti jupampiru wawanakampirux Hebrón uraqi churxäna.

Josué 22:6

Uka qhipatsti, Josué chachax jupanakarux aski waxt'äwinak churasaw khithanukxäna, ukatsti jupanakax utanakaparuw sarxapxäna.