Génesis 27:29 - Qullan Arunaka DC

²⁹ Taqi jaqinakax jumar luqtirïpxpan; jach'a markanakas juma nayraqatan killt'aspan. ¡Pachpa wila masinakamas juma nayraqatan killt'asipxpan, jupanakan jilïripätam uñt'apxpan! ¡Jumar ñanqhachirinakax ñanqhachatäpan! ¡Jumar jach'añchirinakasti jach'añchatäpan!” sasa.

Aymar Bibliia 1986

²⁹ Walja jakenaca jumarojj sirvpan, nacionanacasti juma nayrakatan quillt'aspan. Jilanacamarusti jumarac apnakam; ¡jupanacasti juma nayrakatan quillt'asipjjpan! Qhitinacatejj maldicipcätam ucanacasti maldicitäniwa. Qhitinacatejj bendicipcätam ucanacasti bendicitaraquïniwa” sasa.

Qullan Arunaca

²⁹ Walja jakenaca jumarojj sirvpan, nacionanacasti juma nayrakatan quillt'aspan. Jilanacamarusti jumarac apnakam; ¡jupanacasti juma nayrakatan quillt'asipjjpan! Qhitinacatejj maldicipcätam ucanacasti maldicitäniwa. Qhitinacatejj bendicipcätam ucanacasti bendicitaraquïniwa” sasa.

Génesis 27:29 Jak'a apnaqawi uñst'ayäwi

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Génesis 25:33

Jacobusti saskakïnwa: —Ukhamax jichhpachay juramento lurarapita —sasa. Esausti juramento lurarapïna, ukhamat Jacoburux jilïr yuqa kankañap churxäna.

Génesis 27:30

Isaacax Jacobur aski waxt'äwinak churañ tukuyxataynawa, Jacobusti awkipan ukat mistuskän ukapachaw Esaux pampat purinirakïna.

Génesis 27:37

Isaacasti ukxaruw sarakïna: —Nayasti Jacoburux juman uywirimar tukuyta; taqi wila masinakamaw juman uywatamäni saraktwa, ukxarusti walja trigonïñapa, walja vinonïñap arsurakta. ¿Wawa, kunarak jichhasti jumatak lurästi? —sasa.

Génesis 27:40

Espadamampiw sayt'asirakïta, jilaman uywatapäyätawa; ukampis ch'amani tukxäta ukkhawa, jupan munañanïñapat qhispirakïta” sasa.

Génesis 37:10

Joseax uka samka awkiparu, jilanakaparu yatiykäna ukkhasti, awkipax Josear tuqinuqänwa: —¿Kuna samkarak ukasti? ¿Taykamasa, jilanakamasa, nayasa, jumatakit alt'asipxiriststi? —sasa.

Génesis 37:7

Samkansti jiwasanakax taqiniw pampankaskayätan trigo chullanak lurasa; ukatsti akatjamat nayan trigo chullaxax chiqak sayt'äna, jumanakan chullanakamasti nayan trigo chullaxar muyuntasin alt'asipxäna —sasa.

Génesis 9:27

Tatitux Jafet chachan uraqip jach'aptaypan, jupasti Sem chachan chhujllanakapan jakpan, Canaán jaqisti jupan uywataparakïpan” sasa.

1 Reyes 22:47

47 (48) (Uka urunakansti Edom markanxa janiw reyix utjkataynati, jan ukasti mayni jilïrikiw marka apnaqäna.)

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

Salmos 72:8

¡Maysa lamar qutat maysa lamar qutkam apnaqpan, Éufrates jawirat qalltasa, aka uraq tukuskama!

Isaías 45:14

Tatitusti Israelarux siwa: “Egiptonkir yapu lurir jaqinakasa, Etiopiankir alakipa lurir jaqinakasa, Jabá chiqankir jach'a jaqinakasa, jumatakiw alt'asipxani, juman t'aqhisiyat jaqinakamäniwa, juman qhipamarak cadenampi ñach'antat sarapxani, juma nayraqatar killt'asisinsti sapxaniwa: ‘Chiqpachapuniw Tatitux jumanak taypinkaski, janiw yaqha diosax utjkiti” sasa.

Isaías 49:23

Reyinakaw jumanakar uywasir awkinakamäni, reyinakan phuchhanakapasti wawa uywirinakamarakïniwa. Jupanakasti juma nayraqatan uraqkamaw alt'asipxani, laq'arar kayunakamsa jamp'att'apxarakïtamwa. Ukapachaw jumax nayan Tatitütax yatïta, khitinakatix nayar iyawsapki ukanakasti, janiw p'inqachjat uñjasipkiti.”

Isaías 49:7

Israel marka, jumax taqi markanakan jisk'achjata, uñisitaw jikxatastaxa, jichhas uka qhuru jaqinakan t'aqhisiyatakïsktawa. Ukhamax nayan arunakax ist'am: “Juman Diosamax naya sapakïtwa; kunapachatix reyinakasa, jilïrinakas uñjapkätam ukapachaxa, juma nayraqatan alt'asipxani. Naya, Israelan Qullan Diosapaw jumarux ajllissma, arsutanakaxsti phuqharaktwa” sasa.

Isaías 60:12

Kawkïr markanakatix jumarux jan luqtapkätamxa; uka markanakax q'ala tukjatäpxaniwa.

Isaías 60:14

Khitinakatix t'aqhisiyapkäyätam ukanakan wawanakapasti, juman nayraqatamaruw alt'at jutapxani, khitinakatix jisk'achapkäyätam ukanakasti, kayunakamaruw killt'asipxani, sapxarakïtamwa: ‘Tatitun markapa’, ‘Israelan Qullan Diosapan Jerusalén markapa’ sasa.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Números 23:8

¿Kamisarak nayasti, Diosax jan ñanqhachki ukar ñanqhachästi? ¿Kamisarak jan walir puriñapatak mayïsti, Tatitux jan lurki uksti?

Números 24:18

Edom markaruw katuntani, Seír uñisiripax atipjataw uñjasini. Israel markax jach'a luräwinak lurani.

Números 24:9

Samarañatak winkt'aski uka leonar uñtata ukhamätaw jumax, Israel. ¡Janiw khitis sartayañ yant'kaspati! ¡Jumar jach'añchirix, jach'añchataw uñjasini, jumar ñanqhachirix, ñanqhachataw uñjasini!” sasa.

Mateo 25:40

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar ukanak lurapxstaxa, nayaruw lurasipkista’ sasa.

Mateo 25:45

Reyisti jupanakarux saniwa: ‘Qhanak sapxsma, jumanakatix aka jan yäqat jila masinakaxar jan yanapapkstaxa, janirakiw nayarux yanapapkistati’ sasa.

Apocalipsis 19:16

Isipansa, charapansa mä suti qillqt'atarakïnwa: “reyinakansa Reyipa, munañaninakansa Munañanipa” sasa.