Génesis 27:24 - Qullan Arunaka DC

²⁴ wasitat Jacobur jiskt'äna: —¿Esaú wawaxäskapuntati? —sasa. Jacobusti ukxaruw sarakïna: —Jïsa, Esaú wawamäskapuntwa —sasa.

Aymar Bibliia 1986

²⁴ wasitatwa jisct'äna: —¿Chekpachansa Esaú wawajjäscapuntati? —sasa. —Jïsa, nayajj Esaú wawamätwa —sasaw Jacobojj saraquïna.

Qullan Arunaca

²⁴ wasitatwa jisct'äna: —¿Chekpachansa Esaú wawajjäscapuntati? —sasa. —Jïsa, nayajj Esaú wawamätwa —sasaw Jacobojj saraquïna.

Génesis 27:24 Jak'a apnaqawi uñst'ayäwi

Génesis 27:23

Ukhamasti Isaacax janiw Jacobur amuyirjamäkänti, amparanakapan Esaunkirjam t'arwararätapata. Ukampis aski waxt'äwi churañampïskän ukkhaw,

Génesis 27:25

Ukat awkipax säna: —Waxt'itay wawa, kuna animaltix jiwayasin phayt'ankta uk manqt'asï, ukatsti aski waxt'äwi churxarakïma —sasa. Jacobusti awkiparux manq'a churäna, vino churarakïna, awkipasti manq'asïnwa, umt'asirakïnwa.

2 Samuel 14:5

Reyisti jiskt'änwa: —¿Kunarak kamachtamsti? —sasa. Warmisti ukxaruw säna: —¡Nayax ijma warmïtwa, chachaxax jiwxiwa!

1 Reyes 13:18

Ukampis awki profetax saskakïnwa: —Nayax jumjam profetarakïtwa, mä angelaw Tatitun arupar jaysasin parlitu nayax utaxar irpasina manq'ampi, umampi jumar churañaxataki —sasa. Judá uraqinkir profetax janiw uka awki profetan k'arisitap yatkänti,

Job 15:5

Jan wali amtäwinakamaw ukham parlaytamxa, k'ari arunak parlayaraktamxa.

Proverbios 12:19

Chiqapa parlir jaqix wiñayatakiwa, k'ari parlir jaqin arunakapasti mäkiw chhaqtawayxi.

Proverbios 12:22

K'ari parlirinakax Tatitur axtasiyiwa, chiqa arsurinakasti jupar kusisiyiwa.

Proverbios 30:8

K'arisiñampita, ch'uxña lurañampit jithiqtayita janiy jan kunan sarnaqañsa, qamir kankañsa churistati, kunatix jakañaxataki manq'añax wakiski ukak churita.

Zacarías 8:16

Akaw nayan kamachi arunakaxaxa: Maynit maynikamax chiqa arunakpun parlapxam, chiqaparurak uñjapxam, taripäwinakansti sumankañ utjayapxam;

Efesios 4:25

Ukhamasti jichhax jan juk'amp k'ariskxapxamti, jan ukasti sapa maynis chiqapak jaqi masinakamarux parlapxam, taqinis pachpa janchinkirïtas layku.

Colosenses 3:9

Jumanakpurax jan k'arintasipxamti, jucha luräwin sarnaqañanak apanukxapxatam layku,

1 Samuel 21:13

13 (14) Ukat jupanak nayraqatan uñnaqapax mayjt'äna, ukatsti luqhïkaspas ukhamaw kunar uñtat punkunakar qillqäna, lakapatsti llawsas inakiw jiskhasiskäna.

1 Samuel 21:2

2 (3) Davidasti sarakïnwa: —Reyix mä luräwi phuqhañatakiw khithanitu, nayax kuna iwxanaktix apankta ukanak janiw khitis yatiñapäkiti. Nayan apnaqat jaqinakarusti mayawjan jikisiñatakiw jawsayta.

1 Samuel 27:10

Ukat Aquís reyix jiskt'irïna: Jichhürux “¿kawkïr markan yänakapsa lunthatjantaxa?” sasa. Davidasti sarakirïnwa: “Judá uraqit aynachankki uka markata”, jan ukax, “Jerahmeelat aynachankir markata”, ukhamarak “quenitanakan uraqipat aynachankir markata” sasa.