Génesis 26:28 - Qullan Arunaka DC

²⁸ Jupanakasti ukxaruw sapxarakïna: —Nanakax uñjapxtwa Tatitun jumampïskatapa, ukat jumampi mä arust'äwi lurir jutapxta. Juramento lurañäni. Arust'äwisti akäniwa:

Aymar Bibliia 1986

²⁸ Jupanacasti sapjjaraquïnwa: —Nanacajj uñjapjjtwa Tatitojj jumampïscatapa, ucatwa jumampi mä arust'äwiru mantir jutapjjta. Arust'äwisti acäniwa:

Qullan Arunaca

²⁸ Jupanacasti sapjjaraquïnwa: —Nanacajj uñjapjjtwa Tatitojj jumampïscatapa, ucatwa jumampi mä arust'äwiru mantir jutapjjta. Arust'äwisti acäniwa:

Génesis 26:28 Jak'a apnaqawi uñst'ayäwi

Génesis 24:3

ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

Génesis 24:41

Ukampisa, janitix wila masinakaxax uka tawaqu irpxaruyaniñ munapkätam ukkhakiw juramento luratamat jan llakiskxätati” sasa.

Génesis 31:44

Jichhax jutamaya, jumampi nayampi mä arust'äwi lurañäni, ukasti jiwas panitakix mä qhanañchäwïniwa —sasa.

Génesis 39:3

Uywiripasti amuyarakïnwa Tatit Diosan Joseampïskatapa, ukat Joseatak taqi kunan walikïskatapa.

Génesis 39:5

Kunürutix Potifarax Josear taqi yänakap apnaqañapatak utt'aykäna uka urusti, Tatitux Potifarar utapansa, yapunakapansa askinak waxt'äna.

2 Crónicas 1:1

Davidan Salomón yuqapasti, Tatitun yanapapampix marka apnaqäwip suma thurt'ayäna, munañanïñapas juk'ampiw jilxatäna.

2 Crónicas 15:9

Ukatsti Judá, Benjamín uraqinkir jaqinakaruw tantachäna, ukhamarak jupanak taypinkir Efraín, Manasés, Simeón uka yaqha markanakat jutir jaqinakampiru, israelitanakatsti waljaniw Asá reyir jaqkattxapxatayna, Tatit Diosapan jupampïtap uñjasa.

Isaías 45:14

Tatitusti Israelarux siwa: “Egiptonkir yapu lurir jaqinakasa, Etiopiankir alakipa lurir jaqinakasa, Jabá chiqankir jach'a jaqinakasa, jumatakiw alt'asipxani, juman t'aqhisiyat jaqinakamäniwa, juman qhipamarak cadenampi ñach'antat sarapxani, juma nayraqatar killt'asisinsti sapxaniwa: ‘Chiqpachapuniw Tatitux jumanak taypinkaski, janiw yaqha diosax utjkiti” sasa.

Isaías 60:14

Khitinakatix t'aqhisiyapkäyätam ukanakan wawanakapasti, juman nayraqatamaruw alt'at jutapxani, khitinakatix jisk'achapkäyätam ukanakasti, kayunakamaruw killt'asipxani, sapxarakïtamwa: ‘Tatitun markapa’, ‘Israelan Qullan Diosapan Jerusalén markapa’ sasa.

Isaías 61:6

Jumanakarusti: “Tatitun sacerdotenakapa” sasaw sutichapxätam, Tatitun luqtirinakapa sasaraki. Yaqha markanakankir qamir yänakapampiw kusisipxäta, uka k'ajkir yänakapampiw k'achachasipxäta.

Isaías 61:9

Wawanakapasti taqi markanak taypinxa, wali jach'at uñt'atäpxaniwa; taqi jupanakar uñjirinakasti sapxaniwa: “Tatitun askip churat markawa” sasa.

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

1 Corintios 14:25

Ukhamat chuyma manqhapan utjki ukax qhanar mistuni, ukatsti killt'asisaw Diosar yupaychani, ukat chiqpachapun Diosan jumanak taypinkatap yatini.

Hebreos 13:5

Jan qullqirux munapxamti; qawqhatix utjapktam ukampix kusisitakïpxam, Diosasti siwa: “Janiw jaytjkämati, janirakiw armkämasa” sasa.

Hebreos 6:16

Jaqinakax juramento lurapki ukkhaxa, jupanakat sipan jilïr laykuw lurapxi, kunapachatix juramentompi arsupki ukkhasti, janiw juk'amp kuna arsuñas utjkxiti.

Josué 3:7

Tatitusti Josué chacharux sänwa: “Jichhürut uksarux israelitanakan nayraqatapan jach'aruw tukuyäma, ukhamat jupanakax nayan jumampïskatax yatipxani, kunjämatix nayax Moisesampïkäyät ukhama.

1 Samuel 11:1

Nahas sat Amón uraqin reyipasti, Galaad tuqin Jabés sat chiqaruw saräna, ukansti markar tukjañatakix mä ejército wakicht'äna. Ukampis Jabés chiqan utjir jaqinakax juparux sapxänwa: —Nanakampi mä amtäwir mantam, ukat jumarux jaysapxäma —sasa.

1 Samuel 18:28

Ukampis Saúl reyix Tatitun Davidar yanapatap uñjasina, ukhamarak Mical phuchhapan jupar wal munasitap uñjasinsa,