Génesis 26:25 - Qullan Arunaka DC

²⁵ Ukhamasti Isaacax uka chiqan mä altar luräna, ukatsti Tatituruw art'asïna. Uka chiqarurakiw chhujllap sayt'ayäna, uywatanakapasti yaqha phuch'u allsupxarakïna.

Aymar Bibliia 1986

²⁵ Uqhamasti Isaacajj uca chekarojj mä altar luräna, ucatsti Tatituruw art'asïna. Uca chekaruw carpapjja sayt'ayäna, sirvirinacapasti mä phuch'u allsupjjaraquïna.

Qullan Arunaca

²⁵ Uqhamasti Isaacajj uca chekarojj mä altar luräna, ucatsti Tatituruw art'asïna. Uca chekaruw carpapjja sayt'ayäna, sirvirinacapasti mä phuch'u allsupjjaraquïna.

Génesis 26:25 Jak'a apnaqawi uñst'ayäwi

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 13:4

Uka chiqan nayrax Tatitur yupaychañatak mä altar luratayna, ukan Tatitur yupaycharakïna.

Génesis 22:9

Kawkharutix Diosax uñacht'aykatayna uka chiqar purisinsti, Abrahamax mä altar luräna, ukxaruw phäña lawanak sum wakicht'arakïna; ukatsti Isaac wawapar ñach'antasaw phäñan wakicht'at altar patxar wayxatäna;

Génesis 26:32

Isaacan uywatanakapax uka pachpa ururakiw jupar yatiyir jutapxäna, sapxarakïnwa: —¡Uma jikxatapxta, kawkhantix phuch'u allisipkäyät ukkhana! —sasa.

Génesis 33:20

Ukatsti Jacobux mä altar luräna, ukarusti “Israelan Diosapa” sasaw sutichäna.

Génesis 35:1

Tatitux Jacoburux sänwa: “Kunapachatix jumax Esaú jilamat jaltkäyäta ukkhaw nayax Betel chiqan uñstayäsma. Ukhamasti jichhax Betel markar jakasir kuttxam, ukan mä altar lurarapitäta” sasa.

Génesis 4:26

Set chachasti mä wawanirakïnwa, jupasti Enós satänwa. Uka urunakatpach jaqinakax Tatitun sutip art'asis yupaychañ qalltapxäna.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

Salmos 116:17

Tatay, yuspagarañ luqtäwi katuyäma, sutimaruw jach'añcharakï.

Éxodo 17:15

Moisesasti mä altar ukawja chiqar luräna, ukarusti “Tatituw nayan wiphalaxaxa” sasaw sutichäna,