Génesis 26:24 - Qullan Arunaka DC

²⁴ Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Aymar Bibliia 1986

²⁴ Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Qullan Arunaca

²⁴ Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 26:24 Jak'a apnaqawi uñst'ayäwi

Génesis 13:16

Nayaw jupanakarux waljanir tukuyä, uraq laq'ar uñtata. Kunjämatix laq'ax jan jakt'kayäkixa, ukhamarakiw wawanakamax jan jakt'kayäni.

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 17:8

Canaán uraqisti, kawkhantix jichhax jakkta uka uraqix jumampiru, wawanakamampir wiñayatak churatäniwa, nayasti jupanakan Diosaparakïyäwa —sasa.

Génesis 21:17

Diosasti uka wawan jachatap ist'arakïna, ukatsti alaxpachatpach Diosan angelapax Agar warmir jawsasaw sarakïna: “Agar ¿kunas kamachtam? Jan axsaramti, Tatit Diosax wawaman jachatap ist'iwa.

Génesis 22:17

jumar aski waxt'äwinak churañataki. Wawanakamarusti alaxpacha warawaranakjam waljanirupuniw tukuyä, quta thiyan utjir ch'allar uñtata. Ukhamarus jupanakax uñisirinakaparux atipjapxapuniniwa,

Génesis 22:19

Uka qhipatsti, Abrahamax kawkharutix uywatanakapax qhiparkatayna ukkharuw kuttxäna. Ukatsti taqpachaniw Beerseba chiqar sarxapxäna, kawkhantix Abrahamax jakkäna ukaru.

Génesis 24:12

ukatsti Tatitut mayisïna: “Abraham uywirixan Tatit Diosapay, jichhürux jumakiy yanapt'ita, uywirixar munatamsa uñacht'ayarakita.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 28:15

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Génesis 28:3

Taqi ch'aman Tatit Diosaw jumar aski waxt'äwi churätam, walja wawanak jumar churarakïtam, ukhamat jumat walja markanak uñstañapataki.

Génesis 30:27

Ukampis Labanax ukxaruw säna: —Janikiy saramti, akankaskakiñäni. Tatituw uñjayitu juma tuqi aski waxt'äwinak nayar churatapa.

Génesis 31:5

jupanakarusti akham säna: —Amuyasxtwa, awkimax janiw nayrjama nayar sum uñjkxituti; ukampis awkixan Diosapax nayampïskapuniwa.

Génesis 39:2

Ukampis Tatituw Joseampiskäna, uywiripan utapan jakañapkamasti taqi kunas Joseatakix walikïskänwa.

Génesis 39:3

Uywiripasti amuyarakïnwa Tatit Diosan Joseampïskatapa, ukat Joseatak taqi kunan walikïskatapa.

Génesis 46:1

Josean Israel sat awkipax Canaán markat taqi kunatix jupan utjkäna ukanak apt'ataw sarxäna. Beerseba chiqar purisinsti Isaac awkipan Diosaparuw mä wilañcha luqtäna.

1 Reyes 17:13

Eliasasti sänwa: —Jan axsaramti, saram kuntix sisktax uk luraskakim. Ukampis uka jak'umat mä jisk'a torta nayraqat lurt'anirapita, ukat akar apanirapita, ukatxa jumampitaki, wawamampitak lurt'asinirakim.

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Éxodo 3:6

Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 44:2

Nayätwa jumar irnuqir Tatitumaxa, janïra taykaman purakapat yurkta ukkhatpach jumarux sayt'aysma, ukatsti yanapt'araksma. Jacobun markapa, jan axsaramti, jumätaw nayan luqtirixaxa, nayan ajllisita markaxa,

Isaías 51:12

Tatitusti siwa: Naya, naya kipkaw jumarux ch'amachsma. ¿Jaqinakaruti axsarta? Uka jiwir jaqinakax qurar uñtataw tukusipxani.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Lamentaciones 3:57

Kunürutix nayax jawsksma uka urux nayan ukarux juttawa, ukat sarakista: “Jan axsaramti” sasa.

Levítico 26:42

Ukapachaw nayax kuna arust'äwtix Jacobumpi, Isaacampi, Abrahamampi lurkäyät ukanakat amtasï, uraqitsa amtasirakïwa,

Levítico 26:45

Jan ukasti, kuna arust'äwtix jupanakampi lurkäyätxa, kunapachatix taqi markanakan uñjkaya, jupanakan Diosapäñatak Egiptot jupanakar irpsunkta ukapachaxa, taqi ukanakat amtasipunïwa. Nayätwa Tatit Diosaxa.”

Mateo 22:32

“Nayax Abrahamana, Isaacana, Jacobun Diosapätwa” sänwa. ¡Diosax janiw jiwatanakan Diosapäkiti, jan ukasti jakirinakan Diosapawa! —sasa.

Lucas 12:32

“Jisk'a tama ovejanakaxa, jan axsarapxamti, Dios Awkimax khuyapayasiñapan qhapaq markap churañ munapxtam.

Hechos 7:32

‘Nayax nayra awkinakaman Diosapätwa. Abraham, Isaac, Jacob awkinakaman Diosapa’ sasa. Moisesasti axsarañat khathatïna, janiw uñtañsa munkänti.

Deuteronomio 13:17

17 (18) “Jan jumanakax kunatix t'unjañataki uchatäki ukanak aptasipxamti, Diosasti janirakiw ukapachax jumanakatak q'apiskaniti, ukampis jupax jumanakat khuyapayasini, mirantayapxarakïtamwa, jumanakan nayra awkinakamar arsuwaykän ukhamarjama,

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.

Hebreos 13:6

Ukhamasti taqi iyawsañampi arsuñasawa: “Tatituw yanapt'irixaxa; janiw axsarkäti. ¿Jaqisti kunarak kamachitanisti?” sasa.

Apocalipsis 1:17

Jupar uñjasasti, kayunakap nayraqataruw jiwatjam liwista. Ukampis jupax kupi amparapampi luqxatasaw nayar situ: “Jan axsaramti; nayätwa qalltasa tukuyasa,

Rut 3:11

Wawaxay, jan axsaramti, juman aski sarnaqirïtam markaxan taqiniw yatipxi. Taqi kuntix maykista ukanaksa luräwa.